Acts 9:18 - ASII LAKDAP Bible (BSI)

¹⁸ Kiijiishe, tiihanghiiq miili, amak wa ngiq saksetiim ikha hiq na dea kito. Kiimaq amak ka piiqsaqli she heakito. Krai mren, apaiq kiimin tiidopot she chapto. Raüta, kham lam wantlii riito.

Hawa Naga Bible 2001

¹⁸ Kvkaq piq muik wawc ngaq suik saz ikhoc kvkok dvy wvnc ruiux, vmuik kuex kalc hvlx kaz tueq. Piq kuex kvtenc kaz vtueq yuix luip lvmz kaz tueq.

Muklom

¹⁸ Photla hun Saul miik wang miik ship mal qhat ta etho jin khi sey ta. Etho piq shat eq junglam ta.

Acts 9:18 Referencias Cruzadas

Acts 2:38

Kiijiishe, Petar raq tsangshiq bom ka akha treto, “Namshiq maiq loweatek raq, maiqmii ngarai ka tiidii wan raa tlo. Lanta, Jesuq Khristo mang na kham lam wan raa tlo. Kra riihan jiitiq, Shiikeawe raq namshiq ngarai kra midii kuq. Kiimaq, Shiikeawe raq akuq kongphiq Asii Wenyi kra namshiq raq milap han.

Acts 2:41

Krai mren, Petar traho bomchong kra tai raüta, maiq pahea raq, Jesuq ma kamto. Kiimaq, tsangshiq ma kham lamkuqto. Krai mren, kra ranaiq liipan niili phungtu na maiqnye ka hingtsam tiitsuq shang wanto.

Acts 22:13

Kra akhing na, apaiq ka i phana kito. Raüta i tho na chap raüta, ngi rai akha bomdamto, ‘Phuno we Saul, ümmak ka tiipiiq laq. Laüta liilaq!’ Apaiq raq kra bom wantaq krai mren she, kra liipan niili, i mak ka heasaq piiqkito. Krai mren, ngi raq apaiq ka chhikang.

Acts 22:16

Riita, ija, ümchaü min, jaram she wa mikhesiq haü? Tiido liina. Chaplaq. Laüta kham ka lam laq. Kiimaq apaiq jaq wa achu jaü laq. Laüta, ümngarai thun ka tiihe tlo liishe,’ nguta Paul raq tsangshiq ma bom ka chongkuqto.

Acts 9:17

Krai mren, Ananias ka Saul jap chang jam kiijiishe kihoto. Raüta, jam mong na nyap wato. Raüta, ajaq maq Saul dü na sham raüta, “Phuno we Saul le,” nguta bom damto. “Ngi ka ümniiphana Tatiwe raq tiikito. Ümniika ana wa lam na awarai shon, ümniirai lam na sham riichhikitaq Jesuq apaiq raq tiikito. Apaiq raq ngi tiikitaq arka, ümmak kra tiipiiqke kai miitu, kiimaq ümniika Asii Wenyi raq ama maq rom raüta, ama miishe misi laq nguta tiikito.”

Acts 9:19

Kiimaq apaiq raq tü adung ka phaqsiqto. Krai mren, ahan kiimin phin wan saqli, phinto. Kiimaq, Saul ka Damaskas chela na Jesuq jaqshisetiim rai heashi sithü damto.

Acts 9:8

Saul ka hiq wa tiidoto. Raüta, amak ka tiipiiq raüta liito. Shatmaq, amak ka amii kai wishe riito. Apaiq raq jam min chhi mak she riito. Kriikha miishe, tsangshiq raq apaiq ka, ajaq maq kamshat miishe, Damaskas chela na shea wanto.

2 Corinthians 3:14

Riita, tsangshiq Israilnok khutsai kilü ka shaqje she riito. Krai mren, ümchaü niitaq saüli tsangshiq khutsai kilü ka tiishaq shatli sitlo. Krai mren, ümchaü niitaq saüli tsangshiq khutsai ka ara achü tongshong lakdap phat wan tlaq akhing tek na, kra khea phu raq tsangshiq khutsai makpo ka pangshat li pangtlo. Riita, kra tsangshiq mak pang chang khea phu ka jurwa Jesuq Khristo ma kam tlaq, kra akhing niishetiq tlinki tlo. Kriika Jesuq raq linkuq tlo.

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.