Acts 9:13 - ASII LAKDAP Bible (BSI)

¹³ Kiijiishe, Ananias raq treto, “Tatiwe, nanok pahea raq, ngi ma arwe arka abi pinthum nguta chongtlo. Kiimaq apaiq raq, Jerusalem na siti ümsengibi ka pinthum phiiptsi jiiptsi tiichamchaotlo nguta tai tiikang.

Hawa Naga Bible 2001

¹³ Anania rueq, “Taungjix lex vruex waz vraq Yerusalem ghaq wawc mmiqsaz htenc kuex mtanc khvnc lac tvkuilc daz taruiyx kuq yaq lvmx kuex miq paunghvlc kvjaz ngaz rueq tay tauk.

Muklom

¹³ Ananias aa thawel batta, “Teyhungwa, piq aa Jerusalem na ba asang miqtang o jashit jaksom somlo aa ta nga iri miqwa tung aa raaq daqhan miqtang ching wang kap tat táng.

Acts 9:13 Referencias Cruzadas

EJEKIEL 3:14

Tatiwe ningkun ka ikhum na henghea maq saükito. Kiimaq ngi ka apaiq wenyi raq jamkho dowantlaq kra phan phan, ngi ka kiqdaqtam dokdok kiimaq tsankhiqhea riito.

Matthew 10:16

“Tairong laq! Ngi raq namshiq ka ara mangjong hiq na skuse kong ka shephong mong na tiikai ikha tiiki tiikang. Namshiq ka paü se ikha tsii lamshatmaq si ronglaq. Kiimaq haütaü ikha tsan ninse maq si ronglaq.

Acts 22:4

Ngi raq ara ümchaü riichong tiikai Lamjong ara phan wantibi maiqse angu thun arka longliiq lata, tsangshiq miisaq tiithum wan lili tiitsat baiq kang. Kiimaq ngi raq tsangshiq ka jechak maiqwe wiita lap lata, phaqtek mong na shaq baiq wan kang.

Acts 8:3

Shatmaq Saul riika Phungtu kra shiithen baiqla nguta pinthum srurii heng wanto. Krai mren, apaiq raq Phungmaiqsetiim ka jamshi wa rithoho raüta, jechak maiqwe alap ho nguli raüta, tsangshiq ka phaqtek mong na shaqto.

Acts 9:1

Kra bala siili, Saul raq Tatiwe sengi thun ka, tiikot mrot rit raüta, atsea ata tiiphiip miijiip, shiikeng wanto. Krai mren, apaiq ka Ramwe Ajong Pinthum we phana wato.

Acts 9:21

Apaiq traho kra tai raüta, nokmaiqse thun tarü ka awang riito. Kiimaq tsangshiq liipan na, “Notsam, arwe ara mak sha, Jerusalem wa Jesuq puk na nyap wantibi thun kra tseabaiq wanti we ira? Kiimaq ümchaü apaiq arjaq wataq arka, tsangshiq thun kra lap wa nguta awa riimak sha? Tsangshiq ka lapho raüta, Jerusalem na ramwe jongbi kiima kiinong keho miitu awa riimak sha?” nguta riiwaisoto.

Acts 9:32

Petar ka barap binrii na trahoke khum wanto. Kiimaq jangshi ka Shiikeawe sengi Lidda na siti liikai kito.

Acts 9:41

Kiijiishe, Petar raq kra nyung ka ajaq maq kamsaq raüta, tiichapto. Raütiishe, Petar raq Jesuq jaqshisetiim thun ka wiita, manti-nyungre miitaq, rin niiwa, jam mong niishe hali tiijang hea nong raüta, Dorkas ka atra she, tsangshiq jaq na kiinong kuq thüto.

Romans 1:7

Riita, ara chongkuq tiikang arai mren, ngi raq namshiq tarü Rom na sitibi ma, ara lak ara waiq tiikang. Shiikeawe raq namshiq ka dang na lakshiipo alak ikha lungwii tlo. Raüta, namshiq ka apaiq raq asengi miitu riichom hea wanto she. Shiikeawe, Na we, kiimaq Tati Jesuq Khristo raq namshiq ka kaphap shat kiimaq hansang maq mithülaq.

Romans 15:31

Judia wang na siti Jesuq Khristo ma kamwan makti jaq wa, ngi ara mitiikhup wongkuq laq nguta, kiimaq ngi raq, Jerusalem na siti Shiikeawe setiim ma khrum kongphiq kuqki tiikang arka, Shiikeawe setiim maklii na athuk atsom jaqsham ashi mirlaq nguta, ngi miitu achu jaükuq han jaq ahea miraq.

Romans 16:15

Kiimaq Philogas nai Julia ma, kiimaq Nereuas nai ashea nyung ma, kiimaq Olimpas nai tsangshiq rai rintii shi maq siti Shiikeawe setiim wiita ma salam tiitai tiikang.

Romans 16:2

Tatiwe mang na asii maiqsetiim raq kongti ka jamkhii tao chang wa, kiikha, apaiq ka tao ronglaq. Lanta, apaiq ma jamlai phan wa rongra tlaq, kra khrum kuq ronglaq. Apaiq ka nanok pahea rai mang arsap. Kiimaq ngi rai min, kongshi kiimshi maq siwanti maiq.

1 Corinthians 1:2

Korin chela na siti Shiikeawe phungtuti, kiimaq Shiikeawe sengi asii maiqsetiim miitu ahea wantibi ma, juwa Jesuq rai pumshi hanshi sitlaq kra lümaq Shiikeawe riishe jawantiiti thun ma, kiimaq Tati Jesuq Khristo shomnoqti mangjong tlotli na sitibi rai adam maq, tsangshiq TATIWE kiimaq nashiq TATIWE shomnoqti ma:

1 Corinthians 14:33

Ara jamkhano chongtiikang ngukla, Shiikeawe raq nashiq ka brak biishaq, branrok rai trang ka romak. Ahea wiq maq tsangriri hea kiimaq sanglili hea maq, tiitho tiipha raüta tsütsa chongke raa tlo. Riita Shiikeawe sengi phungtu thun na lang tlaq kiikhiisii,

1 Corinthians 16:1

Riita, ümchaü namshiq raq Judia wang na siti Shiikeawe setiim miitu honglu riichom hichang nguta bomtsi tiiwai lan irshe chongkuq pha. Ngi raq Galatia wang na siti phungtuti thun ma jamkho bom ka chongkuq kang, kra phanphan namshiq riimin riichomrom wan lili ronglaq.

1 Corinthians 6:5

Namjia simak sha! Ümkhiiriita jiimin namshiq liipan na kha phoketi maiq weshi ra atsang atsii maiqse ka misi dongdii.

Ephesians 1:1

Ngi, Paul, Shiikeawe raq thapthi raüta Jesuq Khristo kiimwe ma ashong wan we raq-- Shiikeawe sengi Ephisia na siti ma, juwa Jesuq Khristo rai pumshi maq tsapkapkap sitibi ma waitiikang:

Philippians 1:1

Ngi, Paul kiimaq Timothi rai, Khristo Jesuq jaqshi senai raq-- Shiikeawe sengi Philipia na siti tlotli ma, Khristo Jesuq rai pumshi hanshi maq siwanti ma, phungtu shrabi nai akhrumtibi rai tlop saq maq:

Philippians 4:22

Arjaq siti, Shiikeawe sengi tarü raq, akhek ka Hokham we jam na sitibi raq salam tiitai wan tlo.

Colossians 1:2

Shiikeawe sengi Kolosia na siti, Khristo rai pumshi maq tsapkapkap siti naishiq phunainotiim ma: Na We Shiikeawe raq namshiq ka kaphap shat maq hansang maq mirümlaq.

Hebrews 13:24

Naishiq salam bomtsi ka namshiq shunsheati shrabi nai Shiikeawe sengibi tarü ma tiitai kuq han jaq ahea miraq. Itali mung na siti Phungmaiqsetiim phunobi riimin, namshiq ma salam bomtsi tiitai wantlo.

Jude 1:3

Lungwii phunainotiim lei, nashiq raq tiichhii wan rilung lap wan kai kra thaq na seng lata, ngi raq namshiq ma lak ashi, tlothit li waiq tlo ha jiilei nguta tiima wan kang. Arka, Shiikeawe raq nashiq asengi ma, pattup pat-sa kamasham kuqtaq, ara awongsii maq rüm laita siwan miitu, rekhat wanruq maq sichang nguta tsaido jido bom chongke lak waiq wan tiima kang.

1 SAMUEL 16:2

Kiijiishe, “Riita, kra ngi raq jamkho mikloha?” nguta Samuel raq waito. “Saul raq kra tai raü jiika, apaiq raq ngi ka atsea mirbaiq!” nguta Samuel raq treto. Kiijiishe Tatiwe raq treto, “Ümniiraq minsaü saüpongse ashi lamho laq. Laüta ümniika kiijaq Tatiwe ma honglu kekai akiha nguta chonglaq.