Acts 9:10 - ASII LAKDAP Bible (BSI)

¹⁰ Kiijaq, Damaskas chela na Phungmaiqse weshi asi. Apaiq mang ka Ananias. Apaiq raq riisham mak maq Tatiwe ka chhito. Kiimaq Tatiwe raq apaiq ma, “Ananias!” nguta heato. Kiijiishe, “Tatiwe loi, ngi ajaq asi lii,” nguta apaiq bom ka treto.

Hawa Naga Bible 2001

¹⁰ Kvruex kaq Damasku ghaq nuex kvmluimx miqsaz vmuingc Anania ngoz yaq washiz httax tueq. Taungjix rueq piq muex siyac maq tvkhic vtueq jungx kuq tueq kuex, “Anania lex!” ngoz tueq gvl tueq. Piq rueq muinz, “Taungjix lex, ngaz vyuq nuex,” ngoz tueq tvralc tueq.

Muklom

¹⁰ Damascus na ashey jiphantey miq bara piq miing tha Ananias ta angta, Ananias máng na Teyhungwa piq ma batta, “Ananias!” Piq aa batta, “Teyhungwa, nga irina.”

Acts 9:10 Referencias Cruzadas

RAPHA HIQWA LAK 14:15

Kiijaq apaiq raq asenginok ka akong akong niishe triipheato. Raüta rewe ka rawa na khatto. Raüta tsangshiq ka tangto. Apaiq raq tsangshiq ka Damaskas chela maq shekhu nü na Hoba hiq na saüli jowanto.

RAPHA HIQWA LAK 22:1

Kra jai maq ashaqpuq sijai na Shiikeawe raq Abraham ka maitaito. Apaiq raq Abraham ka heato, “Abraham!” Kiimaq Abraham raq treto, “O, ngi ka ajiilii!”

RAPHA HIQWA LAK 31:11

Shiikeawe rase raq ngi ma rawa ma maq akha chong kuqto, ‘Jakob!’ nguta nguto. Kiijaq ngi raq ‘Ngi arjaq lii,’ nguta trekang.

2 SAMUEL 15:26

Shatmaq apaiq ka ngi ma atsan heamak jiika, apaiq raq ngi ara jamkhii tiijasha wa thapthi tlaq, kra phanphan miklo laq.”

DUNGWVNC 3:4

Ümtiikiiwa Tatiwe raq Mosheq ka atho na warai chhitaq, kiitiikaq apaiq raq kra rumtamse mong maq, “Mosheq lei! Mosheq lei!” nguta heato. Apaiq raq treto, “O, ngi ka ajiilii.”

ISAIA 6:8

Kiijiishe ngi raq Tati raq akha nguto taikang, “Ngi raq juwa mitiikiha? Nashiq kiimwe ma juwa mija?” Kiijiishe ngi raq trekang, “Ngi mikikang! Ngi tiikiliina!”

DANIEL 2:19

Krai mren, kra rawali kra amao chang bomtsi ka riisham mak maq, Daniel ma tiichhikuqto. Krai mren, apaiq raq ratsan ramong nyang na siti Shiikeawe ka akha tiitsam kamto:

WEAWEA 12:6

Kiimaq Tatiwe raq nguto, “Ümchaü Ngi raq jamlai bom wa chongtiikang ara tai ronglaq! Namshiq phong na shammibi siraüla, Ngi ka tsangshiq rai isham ka riisham makchhi maq tiichhikuq tiikang. Kiimaq tsangshiq rai rawa ma maq riibom dam tiikang.

Acts 10:3

Apaiq raq ranaiqshi, ranaiq naritsam tin khan na, riisham mak maq tsangriri hea, Shiikeawe raq atiiki rase ashi ka chhito. Rase raq, “Kornelias!” nguta apaiq rai bomto.

Acts 11:5

“Kra akhing na, ngi ka Joppa chela na achu jaürea riikang. Kra bala, ngi raq riisham mak maq, ra nü wa i makki na phanshi tiijikitaq kra chhikang. Ngi raq ramungtan wa phanshi damkom kaü ikha, adiimliim kaü jonghea kaü ashi kra, ashok shokblai wiita maq maiq raq jaq maq sham raüta achan rat ikha, ramungtan maq hiq nü na atiisat rea chhikang. Kiimaq kra diimliim kaü ka, ngi tho niishe tiichiim kito.

Acts 12:9

Kiimaq, Petar ka rase jai phan phan, phaqtek mong wa kinphai na dongho kihoto. Shatmaq, rase raq apaiq shunshea wan tlaq kriika, rawümi sha rawa ma bom wiinya ngutli tiima raito. Apaiq raq tiima ka, shammi makchhi sham ngutli tiimato.

Acts 16:10

Paul raq kra riisham bomchong kra chhi raütiishe, arka Shiikeawe raq naishiq ka Mesidonia wang na siti mungmaiqse ma Tsütsa Ahea kra chongke wa miitu she heatlo ngutiishe tak kai. Krai mren, naishiq ka tlothit li she, Mesidonia wang nü na lai maq wawan miitu she tiijeme wan kai.

Acts 16:9

Kra rawa shaqshaq she, Paul raq rawa na riisham mak maq, Mesidonia wang wa maiq weshi ka, apaiq khaki na chap raüta, “Mesidonia wang na warong ra. Lanta naishiq ara khrum kuqwa rongkiq!” nguta apaiq ma tiipaiqnea bom chongrea chhito.

Acts 18:9

Rawashi Paul raq riisham mak maq Tatiwe ka chhito. Tatiwe raq apaiq ma ningkun shoqke bom ka akha chongkuqto, “Ümniika maiq ma akhiismin naqhai songkiq. Shatmaq, traho bom chongke kli shiichaq wan ruq riilaq. Akhiismin naq nungpaq kiq.

Acts 2:17

‘Shiikeawe raq akha chongtlo, Ngi raq phangthum wan akhing na akha mirha: Ngi raq i Wenyi ka pheanyin pheanyi kaütak rishi, maiq loweatek ma asho awo miraü kuq ha. Namsetiim jechak aja maiqwe aja wiitarü raq, rinkinku maq changriim chiiriim, i tsütsa ara michong kuq wan. Namsetiim jerobi ka shammibi ma mija. Kiimaq nyungwere raq ra wa ma ka, machha khaqkhaq mima.

Acts 22:12

“Kra chela na maiq weshi asi riito. Apaiq mang ka Ananias. Apaiq ka tsantsii kuq raüta Shiikeawe shomnoq wanti we. Kiimaq nashiq Jehudinok Thungtri ka tsapkapkap maq lang wanti we. Kiimaq kiijaq siti Jehudinok tarü raq apaiq ka pinthum shreng wantlo.

Acts 9:12

Kiimaq, Saul apaiq riimin, riisham mak maq achhi wishe. Apaiq raq chhi ka, maiq weshi amang Ananias nguta, kriiwe ka waraüta, apaiq mak ka tiipiiqke miitu, adü na kriiwe raq ajaq maq sham chhito.”

Acts 9:9

Apaiq ka ranaiqtsam, jam min chhi mak, makchuk sito. Kiimaq kra ranaiqtsam liipan na apaiq raq jam min phaqsiq mak, amang maq, kiimaq kham min nyang mak maq sito.

2 Corinthians 11:32

Ngi ka Damaskas chela na bala, kiiwa wanghupti we, hokham Aretas we jaqkhong na sitiwe raq, ngi tlap lu wan ma nguta, chela kilam chong thun na phenlabi ma tiikhe wanto.

Galatians 1:17

Kiimaq ngi ma kongkhu na jaqsham pha wanti kiimwebi, Jerusalem na sitibi phana niimin riihum kimang miili, ngi ka tlothit li Arabia wang na kiho kang. Lata Arabia wang maq Damaskas chela na hali jang wan nong kang.

1 SAMUEL 3:4

Tatiwe raq Samuel ka heato. Kiimaq apaiq raq treto, “Oi, ngi asi lii.”