Acts 8:3 - ASII LAKDAP Bible (BSI)

³ Shatmaq Saul riika Phungtu kra shiithen baiqla nguta pinthum srurii heng wanto. Krai mren, apaiq raq Phungmaiqsetiim ka jamshi wa rithoho raüta, jechak maiqwe alap ho nguli raüta, tsangshiq ka phaqtek mong na shaqto.

Hawa Naga Bible 2001

³ Yuq muinz Sholu kuex phungc tvbac tvmoz gay tvkoc hunglaungx tueq, piq rueq yuimx shiz maq vduiz yuimx shiz maq vsvt kvmluimx jix miqsaz yalxjuik miqwaz het tvdung vtueq khoktep nuex shauk gay tueq.

Muklom

³ Etharin Saul aa mondoli sha tashit chey ta. Him him náng ka eq, miqwa nia miqnu uhantey tang tha hum eq chuk náng sakta.

Acts 8:3 Referencias Cruzadas

Acts 16:19

Kra tha jobaiq tho kra heraütiishe, atijong wetiim raq tsangshiq ma piikii lam ka sukbaiqto she nguta tak raütiishe, tsangshiq raq Paul nai Silas ka khaho tlii, nokwe raq rangho raüta, mungmaiqse khapho chang phowebi rung kiiniishe hit wanto.

Acts 22:19

Kiijiishe ngi raq Tatiwe bom ka akha trekang, ‘Tatiwe, tsangshiq riili ngi ka sinagok thun na walata, ümniima kamti maiqse angu thun kra lapho lata, tsangshiq ka ninta tiitseati we nguta tsangshiq raq sapshat.

Acts 7:58

Raüta, apaiq ka Jerusalem chela chiiphai na hitho raüta, long maq tiiqbaiqto. Apaiq tsea baiq damti hakhibi thun raq, tsangshiq samtongjong thun ka, Saul nguta jero we ashi kiima tiikhe thüto.

Acts 8:2

Kamasham na arang aphatibi thun ka riitam raüta, Stephen maa ka pinthum shreng raüta, maaho maanyi maq saiqsamto.

Acts 9:21

Apaiq traho kra tai raüta, nokmaiqse thun tarü ka awang riito. Kiimaq tsangshiq liipan na, “Notsam, arwe ara mak sha, Jerusalem wa Jesuq puk na nyap wantibi thun kra tseabaiq wanti we ira? Kiimaq ümchaü apaiq arjaq wataq arka, tsangshiq thun kra lap wa nguta awa riimak sha? Tsangshiq ka lapho raüta, Jerusalem na ramwe jongbi kiima kiinong keho miitu awa riimak sha?” nguta riiwaisoto.

1 Corinthians 15:9

Ara jamkhano chongtiikang ngukla, ngi arka kiimwebi phong na aran pinthum. Ngi ka kiimwe nguta tiingo min thek mang. Ngi raq Shiikeawe sengi phungtuti thun ka tiichamchao kang.

Galatians 1:13

Namshiq ma nanok raq chongkuq wanto, ngi riika Jehudinok thungtri maq, Shiikeawe lam phan ka kai tsan tiitsi lata phan wan kang. Kiimaq, ngi raq Shiikeawe sengi phungtuti ka pinthum wesang ralii ma mang lata, ngengseng wan kang. Lata, tsangshiq ka pinthum tiichamchao wan kang. Kiimaq Phungmaiqse ka arang chong maq babaiq tlii riila, nguta hongla wan kang.

Philippians 3:6

Nanyungwe Thungtri lang wan lamphan na, tri raü sham wanti, akaü ashi. Kriikha maq, phungtuti ka pinthum tiichamchao wan kang. Thungtri lang raüta kechu maiqse ma jawan chang lam asi dea ngo chang jiika, ngi ka thungtri aming tingting maq lang wanti, kechu maiqse ashi nguta asi wan ha wa.

1 Timothy 1:13

Ngi raq man na, phung na mishang wan ha shaq na, apaiq ka shulii wan kang. Kiimaq apaiq ka ngeng wan kang. Lata Phungmaiqse ka shiikeng miileng, rachhai ralüp longliiq wankang. Li jiimin, Shiikeawe raq, ngi ma apaiq mangchan tsii kli khoti tiichhikuqto. Ara jamkhano chongtiikang ngukla, kra akhing na ngi raq, i shutphit lam ka chhi phaq mang dea lea wan kang. Jamkhano ngukla, kiitiikaq ngi raq apaiq ma mikam wanha shaqli riikang. Kriikha maq, ngi shut lam ka sap mang dea lea wan kang. Kiitiikaq i tsii ka chhi mang shaqli lea wan kang.

James 2:6

Namshiq riitiq nya, miitsan maiqse angu ka, ashummii riiho! Rung awang na namshiq hit-rottibi thun ka juwiita? Chiithe maiqse raq riimak sha!