Acts 8:25 - ASII LAKDAP Bible (BSI)

²⁵ Tsangnai raq nokmaiqse ma Jesuq Khristo miitu hakhi kuq lot raüta nai Tatiwe Tsütsa ahea kra chongkuq lot raütiishe, Petar nai Johan ka Jerusalem na hali jangho nongto. Tsangnai ka ajangho lam maq, Samaria wang na maiqhiq shong pahea na Tsütsa Ahea kra chongkuq wanto.

Hawa Naga Bible 2001

²⁵ Peter nuiyc Yohan rueq Yesu lvmz khiz tay wvnc tueq htenc kuex hakhix khvmc vtueq, Taungjix bomjungc kuex jungphvnc kuy yix, Yerusalem nuex yek waung tueq. Tsuingnueyc waung wvnc tueq lvmx wvlex wawc Samaria ghaq htenc nuex Thuix Thaungx Vhvlx kuex jungphvnx kuq tueq.

Muklom

²⁵ Ning ni aa Teyhungwa raaq phanchan ta Jesu tung aa raaq miikkhi kot ta, ethi jio Jerusalem náng wey welta. Lam na ning aa Samaria qhim tang na tungtang qhal phanchan tatat eq kata.

Acts 8:25 Referencias Cruzadas

Matthew 10:5

Ara roqshi ri wenai arma akha tsii chongkuq raüta trahokai tiikito, “Namshiq ka Pongmung maiqse hiqshong na nai Samarianok chela thun niika naqki rongkiq.

Luke 16:28

Kriijaq i phu i notiim webiingi dea asi. Apaiq ka kiraüta, tsangshiq ka ara chamchao walü mong na dea wan mak chang miitu, tsii michong kuq kilaq. Tsangshiq siika mimi, atsai wan jai na, ara chamchao wamungtan na khiim wan mak chang miitu michong kuqki laq.’ ”

John 15:27

Kiimaq, namshiq riimin la, ngi hakhi ma jawan lanta, ngi tingkhu wa bom ka maiqse ma michong kuq han. Ara jamkhano chongtiikang ngukla, namshiq ka ngi raq trahoke wan jaqsham phaho kang ranaiq miiphü she, ngi rai kongshi maq jaqsham wan dam lan kata.”

Acts 1:8

Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”

Acts 13:12

Kra chhi raütiishe, Wanghupti we ka Shiikeawe ma kamwanto. Apaiq raq Tatiwe tsütsa bom chongke kra chhi tai raüta, pinthum amao riito.

Acts 18:5

Kiimaq Silas nai Timothi ka Mesidonia wang miishe kiijaq saü wan kiita sanha, Paul raq apaiq akhing ka wiita Jehudinok ma Jesuq kiidea Khristo nguta tiitho tiipha traho bom chongke niili she moto.

Acts 20:21

Jehudinok nai Pongnok phan maiqse ma romshaq na, ngi raq tsangshiq tarü ka tsangshiq ngarai lamphan kiiwa jang wan raüta, Shiikeawe puk na nyap wan raa tlo, raüta Tati Jesuq ma kamwan raa tlo nguta kiq atsin maq trantsii chongkuq kang.

Acts 28:23

Krai mren she, tsangshiq raq Paul rai ngakai miitu ranaiq akhing ka tiihongto. Kiimaq kra ranaiq tiihongtaq akhing na, tsangshiq maiq pahea kra Paul sitlaq kiijaq kito. Krai mren, Paul raq ranap chu maq phaho raüta, raji ranyaq na saüli she, tsangshiq ma Shiikeawe Mungtan tsütsa kra phanchan chongkuqto. Kiimaq apaiq raq Mosheq Thungtri na awaiq thü nai shammibi lak na awaiqthü thun bomtsi kriika, Jesuq rilung nai apaiq raq jaqsham wantaq kiijiishe kuwanto nguta tsangshiq ma tsan tiinin li chang khan she, tiitho tiipha raüta chongphan kuqto.

Acts 28:28

Kiimaq Paul raq abom ka, “Riita ümchaü sanha namshiq raq arshe sap wan ronglaq. Shiikeawe tiichhii wan tsütsa ahea kriika, Pongnok phan maiqse miishe michong kuq wan. Tsangshiq raq tsütsa ahea kra mitai!” ngutiishe abom chong kra shatto.

Acts 28:31

Raüta apaiq raq tarü ma, Shiikeawe Mungtan bom ka trahokuqto kiimaq Tati Jesuq Khristo tsütsa kra achaq awaq maq nai jamlai tiibanbi min ahü maq shrinkuqto.

Acts 8:40

Philip raq apaiq ka Ashdod hiq niishe saüwa raütiitiq, saüwa kang she khana nguta takto. Kra chela miishe hali, apaiq ka Sisiria chela niishe wawanto. Lam na awa wan lam maq, apaiq raq Tsütsa Ahea ka chelatek na trahokuq wan wan riito.

1 Peter 5:12

Ngi raq ara atoqse maq namshiq ma waiq kang. Ara waiq na khrumketi ka Silas. Apaiq ka ngi ma kamasham na tsapkapkap Phungmaiqse phunowe. Ngi raq namshiq ma tsaiji doke wan rotiikang, kiimaq irilung hakhi ke rotiikang, arka riikhaqli Shiikeawe kaphap. Arjaq pharang rang chap ronglaq.