Acts 8:23 - ASII LAKDAP Bible (BSI)

²³ Ngi raq ümtsan mong ka anyaq phoqngeng tsii raq ama chhi tiikang kiimaq ümniika ngarai kharü raütu maq tiikha shat chhi tiikang,” nguta Petar raq nguto.

Hawa Naga Bible 2001

²³ Yvmx khoc lac ngoz ruiux lec mthuinz nuex khelric bac thuinz httaz yaq nuiyc mvrax rueq khvrc buinc rvhumc vtuiux miq washiz rvtoq lvmz ngaz rueq khiz vshaungx,” ngoz tueq tvralc tueq.

Muklom

²³ Chammatakoi nang aa ba tin mong na jashit tinthin hol u etho nang ngarey wang qhak shing phu ta ukhi eq ang.”

Acts 8:23 Referencias Cruzadas

YOBA 20:14

Shatmaq tsam ka awok mong na akhap wiq she jakitlo; tsairai bitchi aphaqsiq ikha khapbiti she khapkitlo.

Tvtsvmc 116:16

Ngi ka ümjaqshise, Tatiwe lei; ngi raq ümnaq shiikumpan tiikang, inyung raq shiikumpantaq ikha. Ümniiraq ngi atsai maakho wa tlun kuqlaü.

TAKSU LAK 5:22

Ngarai maiqse ngarai tang tlaq kriika, apaiq minrai chang chiiq. Apaiq ka apaiq ngarai chiiq niili minraitlo.

ISAIA 28:22

Ngi raq namshiq ma jamlai honlam bom wa chongkuq tiikang, kra miitu naqnai rongkiq! Namshiq ka anaila riihan jiila, namshiq hangkai chang lamlu ka ahü she miraq. Ajong Pinthum Tatiwe raq armung ka tlotli tiithenbaiq miitu tri ka toqtanto she taikang.

ISAIA 58:6

“Ngi raq lungwiitiikang amang maq achujaü ka akha rotiikang: Maiq ji maq nishishi haihiitlan kharü ka chumbaiq ronglaq. Kiimaq di ama ikha maiq tiichamchaotlan kra atiiwa she riibaiq ronglaq.

JEREMIA 4:18

Juda lei, arka ümniiraq ümkhu thaq na, ümrilung na ümchap ümnga maq kiimaq ümjaq sham ümkai wa maq niq wan laü ahata. Ümngarai ma phong kra tham she ara chamchao ara saü wanto. Ümchaü sanha jasai maq üm mongpo na tiiphok ra she shokto.

JEREMIA 9:15

Arningkhan, tiitsang tailaq, Ngi Ajong Pinthum Tatiwe, Israilnok Shiikeawe raq jamlai jaq wa misham wanha kra tailaq. Ngi raq isenginok ma pechong khap dokdok phan thun kriishe mitiiphaq wanha. Kiimaq maiqchok raq chang phan kham kriishe mitiinyang wanha.

AJONJÜ 3:19

Ikhum na atsi chamchao ka, jamhü waksü liipu raq achok ikha.

AJONJÜ 3:5

Apaiq raq ngi ka, chamchao thiikho mong na san thüto.

John 8:34

Kiijiishe, Jesuq raq tsangshiq ma akha chongkuqto, “Ngi raq chongtiikang arka tengteng: Jurwa ngarai tang tlaq, kriiti ka ngarai dise.

Ephesians 4:31

Riita, ümchaü sanha, tiipung miirung lanta naqsi rongkiq she. Maiq bom bi tai lanta, mophok rai ka naqphok rongkiq she. Kiimaq mokhiqriq kai min, naqkhiq rongkiq she. Maiq rai morkhiikhii min naq riikhii rongkiq she. Kiimaq maiq ka moshummii kai min naq shummii rongkiq. Maiq rai makshu rashe, wesang ralii tsantsii thü min raa mak she.

Titus 3:3

Jamkhano ara chongtiikang ngukla, man na lea wankai akhing ashi na, nashiq tarü ka maiqjiq, angok angikong ikha siwan kai. Shiikeawe lamphan sapmai, nilan kong siwan kai. Kiimaq ashut ashe rilung li siwan kai. Nashiq ka ngarai sükha tsii kharü mong na siwan kai. Kiimaq phanrap phanrii, ngarai han-ngam sükha polo lam phan wan laitli siwan kai. Nashiq raq nashiq rilung ka maiq chongsea nai maiq ngengseng lam miili rilung shaphaq wan kai. Nanok raq nashiq ka shuliito. Kiimaq nashiq riimin nanok ka shulii wan laitli rashe jipi tiicha wan kai.

Hebrews 12:15

Namshiq ka, Shiikeawe kaphap wokhong nyang wa, lamjiq na kiho man chang miitu, tsii lam shat maq si ronglaq. Namshiq phong wa, jumin akhap atsuwiq pechong ma, naqja rongkiq. Kra chong jonglu wan raüta, nanok miatsii baiq wan ka raa mak.

2 Peter 2:19

Ara arot shrabi raq, nokwe ma, wenyi na wase ma jawan lam chongkuq tlo. Shatmiitiq tsangshiq maiqmii riiwe ka ngarai rong arai kharü mong niili sitlo. Maiqse ngutlaq kriika apaiq raq ju bom wa taitlaq, kriiwe dise miishe jaki tlo. Jurwa ngarai rong arai kharü mong na sitlaq, kriika ngarai dise.

2 Peter 2:4

Nashiq raq asap i, Shiikeawe raq ashutti rasetiim kha ka tiihang mak maq photo she. Raüta tsangshiq kha ka tanto she. Raüta tsangshiq ka wamungtan na tiidea baiq wanto she. Ümchaü tsangshiq ka wamungtan na jinraü kharü maq kha raüta ranyaq tangtang phaqtek mong na shaq raüta thü tlo. Phangthum Khapho Ranaiq na saüli tsangshiq ka kiijiili she mishaq baiq.