Acts 8:17 - ASII LAKDAP Bible (BSI)

¹⁷ Kriikha maq, Petar nai Johan raq tsangnai jaq ka tsangshiq dü na sham raüta, achu jaü kuqto. Krai mren, tsangshiq raq Asii Wenyi ka lapto.

Hawa Naga Bible 2001

¹⁷ Kvruex yimaq Peter nuiyc Yohan rueq tsuingshiq htauk nuex yauk tvdaungc koq tueq, tsuingshiq rueq Vsawc Siyac kuex lvp wvnc wuez tueq.

Muklom

¹⁷ Peter nia John aa ning o jak tha shing ta etho ning aa Asang Tsija kapta.

Acts 8:17 Referencias Cruzadas

WEAWEA 27:18

Tatiwe raq Mosheq ma nguto, “Nun se Joshua ka tsealaq, apaiq ka phanrap na asap atsin. Laüta akhu na ümjaq maq shamlaq.

WEAWEA 8:10

Raüta Israilnok raq tsangshiq jaq ka Lewinok khupo na tiida chang.

Mark 5:23

atsan tsihea maq, akha tiipaiqnea wanto, “I se jechakse ka tsihea langlang. Ümnaq wara. Laüta adü na jaq maq sham wakiq. Kra riihaü jiila apaiq tsi ka ahea mirki!”

Acts 13:3

Krai mren she, tsangshiq raq amang maq achu jaüto. Raüta, tsangnai dü na jaq maq sham raüta achu jaükuqto. Raütiishe, tsangnai ka traho jaqsham wa miitu wanhiq na tiiwato.

Acts 19:6

Paul raq ajaq nai maq tsangshiq khu na sham raüta achu jaükuqto. Kiimaq Asii Wenyi ka tsangshiq khum niishe satkito. Krai mren she, tsangshiq ka atse atsaq min tiitai mak phan bom miishe bomtrang hoto. Kiimaq Shiikeawe raq achongkuq tsütsa kra tlü chongkuqto.

Acts 2:4

Krai mren she, tsangshiq tarü ka, Asii Wenyi raq ama she rom wanto. Kiimaq, tsangshiq ka Asii Wenyi raq ama rom wantaq krai mren, maiq pongnok pongta phan bom miishe bomtrang hoto.

Acts 6:6

Tsangshiq wiitutam raq arwetiim, tsangshiq wemiishi ka, kiimwebi man na tiichapto. Krai mren, kiimwebi raq tsangshiq khuthaq na jaq maq sham raüta, achu jaü kuqto.

Acts 8:18

Simon raq phungmaiqsetiim ma kiimwebi raq tsangshiq khum na jaq maq sham raüta achu jaükuq wan taq kra lümaq, Shiikeawe raq tsangshiq ma Asii Wenyi kewan kra chhito. Kra chhi raütiishe, apaiq raq Petar nai Johan ma kampho kuqto.

Acts 9:17

Krai mren, Ananias ka Saul jap chang jam kiijiishe kihoto. Raüta, jam mong na nyap wato. Raüta, ajaq maq Saul dü na sham raüta, “Phuno we Saul le,” nguta bom damto. “Ngi ka ümniiphana Tatiwe raq tiikito. Ümniika ana wa lam na awarai shon, ümniirai lam na sham riichhikitaq Jesuq apaiq raq tiikito. Apaiq raq ngi tiikitaq arka, ümmak kra tiipiiqke kai miitu, kiimaq ümniika Asii Wenyi raq ama maq rom raüta, ama miishe misi laq nguta tiikito.”

Romans 1:11

Ngi raq namshiq rai sham riichhi tlo ha jiilei, nguta i tsan na atsi maq sitiikang. Namshiq rai riihum lata, namshiq ka kamasham na choke wan, achu shiiman kran kuqwa hajaq, namshiq wenyi lam phan na ningkun tiijong wan ma nguta tiima tiikang.

1 Timothy 4:14

Ümkhum na asii kamasham kongphiq Shiikeawe raq akuq sitlaq kra, samhea wiq maq rüm laq. Arka ümniima Shiikeawe shammibi raq chongkuqtaq, kiimaq kamasham na maiqlare raq, tsangshiq jaq ka ümdü na sham raüta ramram achu jaü kuqtaq akhing na, Shiikeawe raq akuq.

1 Timothy 5:22

Tatiwe jaqsham ma, maiq ka moshong shong naq shongkiq. Nanok raq jamlai ngarai wa tang tlaq, kiijaq ümniika naq tiitsam nyiim damkiq. Ümniiraq ümkhum ka siirairai maq thü laq.

2 Timothy 1:6

Krai mren, ngi raq ümdü na i jaq maq sham lata, achu jaükuq kang akhing na, Shiikeawe raq ümniima kongphiq kuqtaq ira walü tu ka, ümniiraq tiinyai ruq maq rüm laq.

Hebrews 6:2

Khamlam wan kai kra liichum kiimaq jaq ka maiq dü na sham raüta, achu jaüke liichum, bomtsi kra chongke wan kiimaq maiq ka amaa wa dong wan nai wamungtan na khiim wan liichum chongke kiijiili, nga ruq ka ngarai mai she.