Acts 8:12 - ASII LAKDAP Bible (BSI)

¹² Shatmaq, ümtiikiiwa Shiikeawe mungtan tsütsa ahea kra nai Jesuq Khristo tsütsa kra Philip raq tsangshiq ma chongkuq wantaq, krai mren, tsangshiq raq kra tsütsa kiima kamwanto. Krai mren, tsangshiq jechak maiqwe kamwantiiti thun wiita ma kham lamkuqto.

Hawa Naga Bible 2001

¹² Yuq muinz Philip rueq Tishox Mungtan lvmz nuiyc Yesu Christu lvmz thuix thaungx vhvlx bomjungc kuex jungphvnc kuy ningkhvnc nuex tsuingshiq kvmluimx wvnc vtueq, miqwaz rulx nuiyc yalxjuik rulx rueq yuix luip lvmz wvnc wuez tueq.

Muklom

¹² Etharin Philip aa Shkewa rangmungtan tungtang aqhal etho Jesu Khristo tung aa raaq phanchan ta tho han eq miqnu nia miqwa tang aa jung lam ta.

Acts 8:12 Referencias Cruzadas

Matthew 28:19

Arkha maq, mangjong hiq na maiqphan ümchu wa sitlaq, kiijaq barap se na kirong laq. Lanta tsangshiq ka i jaqshisetiim ma tiija rong laq. Tsangshiq ma Awe mang na, Ase mang na kiimaq Asii Wenyi mang na kham lamkuq rong laq.

Luke 9:2

Raütiishe, apaiq raq tsangshiq ka, Shiikeawe Mungtan bom tra hokekai thaüto. Kiimaq atsi asititi thun kra tiiheake kai miitu tiikito.

Luke 9:60

Kiijiishe, Jesuq raq, “Ama ka wenyi na amati raq milap laq. Ümniika asak rilung lapro tlaü jiila, i jai phan laq. Laüta, Shiikeawe Mungtan tsütsa kra, maiqse angu ma chongkuq laq,” nguta treto.

Acts 1:3

Apaiq ka amaa wa dong wan jai min, raroqblai na saüli akiimwetiim rai jang pahea, tsangshiq tsan na tiitsangdada maq, asham ka tiichhi kuq wan lili raüta, tsangshiq rai riihumto. Kiimaq, tsangshiq raq, apaiq rai sham riichhito. Krai mren, apaiq ka atra dea nguta, tsangshiq ka tsan sangli chhaq miishe sito. Kiimaq, apaiq raq tsangshiq ma, Shiikeawe Mungtan ka saüho tlo she nguta chongkuqto.

Acts 11:20

Shatmaq, Saipras mung nai Sairini mung wa kamasham maiqsetiim wiijamti riika, Antiok chela na wawan raüta, Tati Jesuq manphan Tsütsa Ahea kra Pongnok phan maiqsetiim miimin chongkuqto.

Acts 18:8

Krispas ka kiijaq sinagok na maiqla weshi riito. Apaiq ka ajamti thun rai adam na Tati Jesuq ma kam wanto. Kiimaq Korin na siti maiq ahinti pahea raq tsütsa ka tai wanto. Raüta kam wanto. Kiimaq tsangshiq raq kham ka lamto.

Acts 19:5

Riita, tsangshiq raq ara bomtsi tru chongkuqtaq ara tai raütiishe, Tati Jesuq mang na kham ka lamto.

Acts 2:38

Kiijiishe, Petar raq tsangshiq bom ka akha treto, “Namshiq maiq loweatek raq, maiqmii ngarai ka tiidii wan raa tlo. Lanta, Jesuq Khristo mang na kham lam wan raa tlo. Kra riihan jiitiq, Shiikeawe raq namshiq ngarai kra midii kuq. Kiimaq, Shiikeawe raq akuq kongphiq Asii Wenyi kra namshiq raq milap han.

Acts 2:41

Krai mren, Petar traho bomchong kra tai raüta, maiq pahea raq, Jesuq ma kamto. Kiimaq, tsangshiq ma kham lamkuqto. Krai mren, kra ranaiq liipan niili phungtu na maiqnye ka hingtsam tiitsuq shang wanto.

Acts 20:21

Jehudinok nai Pongnok phan maiqse ma romshaq na, ngi raq tsangshiq tarü ka tsangshiq ngarai lamphan kiiwa jang wan raüta, Shiikeawe puk na nyap wan raa tlo, raüta Tati Jesuq ma kamwan raa tlo nguta kiq atsin maq trantsii chongkuq kang.

Acts 20:25

“Ngi raq khumshkhum maq, namshiq wiitarü ma, Shiikeawe Mungtan tsütsa kra chong kuq kang she. Riita ümchaü sanha, namshiq phong wa jurmin, i sham ka chhi nong man she mirhan nguta ngi raq asapha.

Acts 28:31

Raüta apaiq raq tarü ma, Shiikeawe Mungtan bom ka trahokuqto kiimaq Tati Jesuq Khristo tsütsa kra achaq awaq maq nai jamlai tiibanbi min ahü maq shrinkuqto.

Acts 5:14

Shatmaq, Tatiwe ma kamwanti maiq pahea maiqwere nai jechakre thun ka, tsangshiq phungtu kiijaq pong wan damto.

Acts 8:4

Shatmaq, Phungmaiqsetiim ümchuwa pin wantaq kra raq, barap binrii na khum wan wan raüta, Tsütsa Ahea kriishe chongkuq wanto.

Romans 10:10

Ara jamkhano akha chong tiikai ngukla, nashiq raq tsan mong na, Shiikeawe ma kamtsantsii thü tiikai kra lümaq, nashiq ka Shiikeawe raq kechu maiqse she nguta, apaiq rai wehea miishe tiija wantlo. Raüta, ajam jong niishe tiidii wan tlo. Kiimaq, nashiq raq na nübok maq, Jesuq kiidea Tatiwe nguta hakhi kuq tiikai kra lümaq, nashiq ka tiichhii kuq tlo.

1 Corinthians 11:11

Shatmaq tiina, nashiq raq Tatiwe ma kamwan tiikai kamasham rilung niika jechak ka awese ahü maq pong wela jalot mak. Kiimaq awese riimin atanyung ahü maq pong wela jalot mak.

Galatians 3:28

Krai mren, ümchaü sanha, nashiq liipan na, arka Jehudinok phan, arka Pongnok phan nguta, rairii wan chang lam ka ahü she. Di ama phan nai chiisan maiqse phan, nguta tiikhothiq wan chang min ahü she. Kiimaq jechak nai maiqwe nguta, tiikhothiq wan chang min ahü she. Namshiq wiitarü Jesuq Khristo rai pumshi hanshi she jawan lan, krai mren, namshiq wiitarü ka weshi ikhli she sitlan.

1 Peter 3:21

Kra rathup jüjang wantaq liichum ka, ümchaü namshiq raq kham lam tlan kra lümaq, namshiq khum tiichhii kuq tlaq kra tiiji shi kuqto. Kriika han-ngam khum wa ashe ashi maqraiq hebaiq riimak. Shatmaq Shiikeawe ma tsantsii siirairai maq kiqkham raüpot khake wan achu jaü bomtsi. Ara lümq namshiq ka Jesuq Khristo amaa wa dongwantaq ningkun maq chhiito.