Acts 8:10 - ASII LAKDAP Bible (BSI)

¹⁰ Krai mren, kra chela na siti mungmaiqse, ajong aran wiitarü raq, apaiq bomchong ka aheawiq maq tiitsang tai wanto. Raüta, “Notsam, apaiq arka Shiikeawe ningkun tu, ‘Ningkun Jonghea Rümti we’ nguta chongtlaq irshe dea pokito sham nya,” nguta tsangshiq liipan na bom ka riichongto.

Hawa Naga Bible 2001

¹⁰ Kvkhoc rvtueq tsuingshiq kuex nosaz rulx maq phaungc vtueq nyuiuz waz rulx lotlaz rueq, “Vruex waz kuex, ‘Yunghvlc Luimc Vkawc,’ ngoz yaq Tishox luimc vkawc maq httuiuc kay jix waz rvtueq,” ngoz tueq piq kvjaz kuex tay wuez ruiux shuex.

Muklom

¹⁰ Miqlang nijang ang ajo tho, piq raaq sha tatta etho batta, “Iri miqwa raa ‘Ajong Tarong’ ta hal aa Shkewa tarong.”

Acts 8:10 Referencias Cruzadas

JEREMIA 31:34

Tsangshiq phong wa jurmin akongtiwe ma Tatiwe ka sap wan laq nguta shrinke wan ngomin rarai mak she miraq. Jamkhano ngukla, tsangshiq wiitarü raq Ngi ka misap. Nosese maq phawan raüta nolajong pinthum na saüli, tarü raq ngi ka misap wan. Ngi raq tsangshiq ngarai thun ka wiita midii kuq wanha. Krai mren, Ngi raq tsangshiq shutphit thun kra itsan na tiitsang mang she mirha. Arka Ngi, Tatiwe raq toqtan tiikang.”

JEREMIA 42:1

Kiitiikaq phentubi tlotli rai adam maq Karea se Johanan kiimaq Heshaia se Ajaria kiimaq mungmaiqse ajong aran wiita kunli ka kiqshi maq ri raüta,

JEREMIA 6:13

Maiq ajong aran wiita pili raq, kampho ka arot akiq lamlu kiiwa lapwan kli shiichaq wantlo. Shammibi nai ramwebi raq dongdii min mungmaiqse ka laoliitlo.

JEREMIA 8:10

Kra ningkhan Ngi raq tsangshiq wak ajam thun ka maiq anyeti miishe mikuqha. Kiimaq tsangnyungre ka maiq ahinti miishe miromkuqha. Maiq angu tarü, ajong aran wiita lotli raq, piikii lam na kampho ka arot akiq lam maq lap wan kriili rittlo. Shammibi nai ramwebi raq dongdii min mungmaiqse ka arot chong raüta laoliitlo.

Jona 3:5

Krai mren, Ninewi chelati mungmaiqse wiita raq Shiikeawe bomtsi ma kamto. Raüta ajong alabi maq phaho raüta nyungwe nose tarü hutjok amang maq achu jaü rong i nguta tri romto. Krai mren, wunthaü riinaü miirii sam raüta, maiqmii mra tiidii wan maaho manyi maq achu jaüto.

Acts 14:11

Kiijaq mungmaiqse riiphong rai tlaq kra raq, Paul raq atsiti we tiiheake jaqshamtaq kra chhi raüta, tsangshiq ka tsangshiq nok Likonia bom maq, agi asii wa trang liishe, “Notsam arka rakaü hiq we phra thun ka ara maiqse khum na poki raüta, ümchaü nashiq pha niishe ra wa saükito!” ngutiishe siitrangto.

Acts 28:6

Tsangshiq raq apaiq ka maklii liipan niili, achhang ajong she mirwan sham, raüta jaqlo chutli she mitsai sham nguta tiimato. Shatmaq, akhing ashaqpuq she sijai niimin, Paul ka sangkaq kaq li riito. Jam min ngusiq mak. Kra chhi raütiishe, tsangshiq tiima ka klaisaq she klai kito. Raüta, “Notsam apaiq arka phra kaü ashi ahata!” ngutiishe tsangshiq liipan na riibomto.

1 Corinthians 1:24

Shatmaq, Shiikeawe raq, maiq ümchuwa apaiq rii she nguta hea wantaq, kriiti miika, Khristo kli Shiikeawe ningkun tu. Kiimaq Shiikeawe taksma anyan phaqchi. Arka Jehudinok miimin kiimaq Pongnok phan miimin.

2 Corinthians 11:19

Namshiq riiwe kla, atsang atsii siisaq nguta sirai tlan. Kriikha maq, namshiq riika angok angiti rai ka riitatiiq man maq, aheawiq miili she nin rat tlan!

Ephesians 4:14

Kra akhing na, nashiq ka nosere ikha, maiq bom maiqsa ma kona jon wa, kona shonki ka riimai she. Arot akiq maiqse, maiqlao liiti raq jamlai wa, arot akiq traho bomtsi shrinkuqtlaq, kra manphan jüche ka tai laita, nashiq ka shonbii kimai she. Tsangshiq riika laolot mak she.

2 Peter 2:2

Arot shrabi raq ashe, sethoq ngarai tang tlaq kra chhi raüta, Phungmaiqse pahea raq tsangshiq jai ka miphan. Tsangshiq rong arai abi kra thatsang maiqse raq chhi raüta, Khristan rilung lamphan kra abi nguta thatsang maiqse raq michongsiq.

Revelation 13:3

Ngamthaiq kaü khupo miishi kiiwa ashi ka tiibitaq tiimije ikha riito. Shatmaq, kra mi ka aheakai wishe riito. Mangjong maiqse tarü raq apaiq ka chhi raüta, kai awang li she riito. Kiimaq ngamthaiq kaü, sammoktra jü mong maq adong wan kaü puk na siisaq she shang wanto.