Acts 7:8 - ASII LAKDAP Bible (BSI)

⁸ Kra raütiishe, Shiikeawe raq Abraham ma athohan poi klo arang kuqto. Kra athohan poi ka Shiikeawe nai Abraham liipan na, tongshong ramram tiipha riito. Krai mren, Abraham raq ase Isak ka rawii chhi jai maq, chepat shi siraüta athohan kuqto. Kiimaq, Isak riimin ase Jakob ma atho ka hankuqto. Kiimaq Jakob raq asetiim weroqshi ri wenai kiimiimin atho hankuqto. Natitiim roqshi ri wenai kra tsangshiq pat na, ajong ala siisaq, tsangshiq mangchong jong kriika ra tsa hiq tsa ikha siwanto.

Hawa Naga Bible 2001

⁸ Kvruex yimaq Tishox vpiq rueq vtaq bomkhvrc mvhttarc vshiz ikhoc Abraham muex vhttoar gvnc vhtungx kuex kuq tueq. Kvkhoc rvtueq Abraham rueq vsaz Esak jawx tueq yix maq raungx tvjvt vngoz nuex vhttoar gvnc vhtungx kuq tueq; Esak rueq vsaz Yaku muex vhttoar gvnz kuq tueq, Yaku rueq muinz naungjix tamx ngoz yaq vsaz hez rokshiz rac wanueyc muex vhttoar gvnz kuq tueq.

Muklom

⁸ Etho Shkewa Abraham ma hankhup qhan ma raaqkhak kot ta. Req Abraham aa Isaac chang atho saal ashat jio hankhup qhan ta; Isaac sha Jacob wa, etho Jacob sha hiqtang asi ani phan wa.”

Acts 7:8 Referencias Cruzadas

RAPHA HIQWA LAK 29:31

Riita Tatiwe raq Jakob riika Lea ka Rechel nam ma atsap lin lungwiitlo nguta chhito. Kriikha na Tatiwe raq Lea ka wiikhang wiira nyung ma tiijato. Shatmaq Rechel ka sehüli riishat shat riito.

RAPHA HIQWA LAK 30:5

Kiimaq Bilha ka wiihan she riito. Kiimaq Jakob ma ase ashi hum kuqto.

RAPHA HIQWA LAK 35:16

Jakob nai ajamtitiim raq Bethel hiq ka baiq thüto. Kiimaq tsangshiq ka Ephrath hiq na saü ma ashaqpuq dea niili, Rechel ma nodo akhing ka saüto. Kiimaq apaiq ma nodo ka ahawiq chamchaoto. Apaiq ma nowüchhi tsi ka henghea pinthum riito.

RAPHA HIQWA LAK 35:18

Shatmaq apaiq ka atsai wan she riito, kiimaq atsitsü apit wan niishe apaiq raq ase ka Benoni nguta mangto. Shatmaq awe raq no ka Benjamin nguta mangto.

1 KAÜWA WERAÜ 1:34

Abraham se Isak setiim ka maiqwe se nai anai. Esau nai Jakob.

Matthew 1:2

Abraham se ka Isak; Isak se ka Jakob; Jakob setiim ka Juda nai anotiim riito;

John 7:22

Mosheq raq namshiq ma maiq we setiim ka athohan chang nguta aming kuqthüto. (Mosheq riika akha aming ka kuqthü mak dea. Shatmaq, arka namtitiim riishe pha wanto.) Krai mren, namshiq raq Asii Niitiitsak ranaiq niimin, apii ashi min ngu man maq, no maiqwe se tho ka hankuq tlan.

Acts 2:29

“Phunainotiim lei, ngi raq namshiq ma pharangrang maq, nati ajong pinthum Hokham we Dawit manphan ka chongkuq pha. Apaiq ka tsaikito she. Apaiq maakho ka ümchaü niitaq, arjaq nashiq makki na asi.

Romans 4:10

Riita, ara chongtiikai Shiikeawe raq, apaiq ka kechu maiqse she nguta, ajam na tiidii wantaq akhing ranaiq niika, Abraham raq athohan ka miklo wan shaq akhing niili, rairii wanto. Apaiq raq athohan poi klo jaitiq ka riimak.

Galatians 3:15

I phu i notiim lei, ngi raq namshiq ma, nashiq maiqse raq lang tiikai, thung nai lai sitlaq kra maq thapthi lata chongkuq i na. Tairong laq. Bom shiiton ngu i, ümtiikiiwa maiq wenai raq, tsangnai tiqtaq liipan na, mantut na nga raüta, phanshi ra lamlu na seng raüta, kiq riikham tlaq, kra kiqkham raüpot ka, maiq ahinti juwe riimin diilot mak she. Kiimaq kra thaq na ahin anye min tiitsuq lot mak she miraq.

Galatians 3:17

Shiikeawe raq Abraham ma tongshong kuqto. Kra tongshong kiqkham raüpot ka apaiq ma ase ashi mikuq ha nguta khakuqto. Riita, Shiikeawe raq Thungtri ka, apaiq kiqkhamke wan jai maq, rawii wiiroq shiblai ri wiiroq tsam jai niishetiq kuqto. Kra Thungtri kuq wantaq kra riika, tongshong kuqtaq kra nai kiqkham raüpot khakuq wantaq kriika diibaiq wan lot mak she. Kiimaq tiikhoi baiq lot mak she.

Hebrews 7:4

Riita, ara chongtiikai arwiili she, ümchaü namshiq raq, Melkijedek ka pinthum ajong aluwe dea riito nguta, sap chang sitlo. Nati Abraham mangjong ka ratsa hiqtsa ikha riito. Nati Abraham riishe Melkijedek ma, rewa tsiiq, sepat lope ümchuwa tsiiq wantaq, kriiwa phanrap wa tiikham raüta, manroqshi khu wa manshi manshi ka, Melkijedek ma honglu na kuqto nguta chongtlo.