Acts 7:42 - ASII LAKDAP Bible (BSI)

⁴² Kriikha miishe, Shiikeawe raq tsangshiq ka jainong miishe shung baiqto. Raüta, ra na diimtlaq raiqsaiq jipi thun kra shomnoq wan ngarai tsantsii thiikho niishe tiidea baiqto. Shammibi lak na akha waiqto: ‘Israilnok lei! namshiq raq wiiroqblai, kumtsaiphii maq ngamsaü ngiqse, honglu na ta wan lan irka, ngi rii ka riimak.

Hawa Naga Bible 2001

⁴² Kvkhoc rvtueq Tishox kuex tsuingshiq kox wawc htvlx phawc phel wvnc ruiux, raungmungx wawc ruiysuiyq htenc nawk palx tvkoc tsuingshiq kuex tuip gay shec tueq, ngoz tueq shvmmax luik htenc nuex wuiyq shec tueq kuex: ‘Israel miqsaz htenc lex, wawc rok bvlic tup kumtsvy tvnx nuex nuimshiq rueq shomc nawk kuy juing nyvmx saz htenc kuex thvt vtueq shomc kuq tuit kuex ngaz muex shomc kuy rvmuq!

Muklom

⁴² Ethirangma Shkewa ning thiwang ngik chuwang ta; etho rangsamal tang likdap na thawit ta thimal ning aa rangwang tasey tang sha shumnuk ma shingchak ta; ‘Israel miqtang! Nim aa jatqhip na pang rokbali, jatngam tang tha duk eq pinthong kot tin tha, irangma ang moq.

Acts 7:42 Referencias Cruzadas

2 HOKHVMX 17:16

Tsangshiq raq tsangshiq Tatiwe tsangshiq Shiikeawe thungtri thun ka wiita jinbaiq wanto. Raüta tsangshiq raq minsaü pongwenai anai sumla ka miiki ngam maq ashomnoq ma nguta loto. Kriithaq niimin tsangshiq raq jechak nyung phra kaü Ashera sumla kra tiiqto. Kiimaq ra wa raiqsaiq thun kra shomnoq wanto. Kiimaq Baal phrakaü ka shomnoq wanto.

2 HOKHVMX 21:3

Awe Hejekia raq thatsang chang hiqba thun tiithenbaiq wantaq kra apaiq raq hali tiihea hai nongto. Apaiq raq Baal phra noqchang berong-wacha thun haito. Raüta Israil mung Hokhamwe Ahab raq klotaq kiikha apaiq riinin jechak phra Ashera sumla thun kra haito. Kiimaq Manase riika raiqsaiq thun min shomnoqto.

Tvtsvmc 95:10

Wiiroqblai tinkhit Ngi ka tsangshiq ma ishusihea liiromang riikang. Ngi raq ngukang, ‘Tsangshiq ka iwokhong na simak abi pinthum! Tsangshiq raq ngi aming thun lang mak khiitlo.’

ISAIA 43:23

Ümniiraq Ngi ma chaqtlii-honglu sku thun lamkuq wan maüdea riilaü, ümniiraq Ngi ka honglu takuq laüta shreng maüdea riilaü. Ngi raq ümjaq wa honglu thun ka keraa dongdii nguta shiitep mang dea, riimakla ümjaq wa homseng honglu holai tiiho mang dea.

ISAIA 63:10

Shatmaq tsangshiq raq apaiq kiq khii raüta awokhong wa donghoto. Raüta apaiq asii wenyi tsan ka tiikhiqto. Kra ningkhan she Tatiwe ka tsangshiq ma wesang ralii she jato. Kra ningkhan tsangshiq ka khatto.

ISAIA 66:4

Kra ningkhan, Ngi raq tsangshiq khuthaq na tiimiqchup then wan chamchao mitiisaüha. Tsangshiq ka jamlai phan mo haisongtlaq kra phan chamchao sawa mitiisaüha. Jamkhano ngukla Ngi raq tsangshiq ka heawan kang akhing na, jurmin ibom tremak. Riimakla Ngi raq tsangshiq rai riibom kang akhing na, tsangshiq raq ibom taimak riito. Tsangshiq raq tam lam lam maq ikiq khü wanto. Raüta abi kli kloto.”

JEREMIA 19:13

Jerusalem wa maiqjam thun kra, kiimaq Juda mung wa hokhambi jamthun kra, kiimaq tsangshiq wukhu thung na ra na sitlaq raiqsaiq thun kra shomnoq wan homseng honglu kuq wantaq thun kra, kiimaq laihin phra thun ma che kok maq tiibok wantaq hongluke chang jamthun kra, wiita kunkun Topheth Tan jamkhiiwa ashe ma jakitaq kiikha wiita ashe siisaq she miraq.”

JEREMIA 8:2

Kra maiqrii phong ka riichom raüta hiqkho ashi na lapbaiq rii na, tsangshiq rok ariiq phong kriika hiqraikhü na weram werok, hiq tiipii ma khoti miphong baiq. Kra maiqrii phong ka riinyin riishin rashekii na, jipi li na kiimaq raiqsaiq liliimtlaq kiijaq mirphong rong, tsangshiq raq lungwii wantaq kiimaq shiikumpan wantaq kiimaq tsangshiq raq phan rap sham akai na lang liiwantaq kiimaq shomnoq wantaq kra khaki na miphong wan.

EJEKIEL 20:25

“Kiijiishe Ngi raq tsangshiq ma tsangshiq miitu ahea riimak thungtri raütu kriishe kuqkang kiimaq aming raütu tsangshiq ma rilung tsitsü kuqlot mak kriishe kuqkang.

EJEKIEL 20:39

Tati Rakaü Hiqwe raq nguto, “Riita, ümchaü namshiq wiitarü Israilnok lei, maiqmii kli polosiq rong liina! Namshiq sumla phra thun kra noqsiq rong liina! Ahea kata! Shatmaq Ngi raq namshiq ma phaq thaq nithak lata sontiikang. Arjai miishe ka namshiq raq ibom tai chang she miraq. Lanta namshiq sumla phra thun ma kongphiq kuq lanta, imang asii ka tiibi tlan kra atsaq chang she miraq.

EJEKIEL 8:16

Krai mren, apaiq raq ngi ka Shomjam mong na wang mongti keathung khok kiiniishe shea wanto. Kra khok mong na asii silaitap khok na nyap wan chang kilamchong, berong-wacha nai maiqkhum chang lam wiithung abin ba heawea kiijaq, maiqwere roqnai ri webiingi tin asi riito. Tsangshiq ka asii siqlaitap tsaüwe khamchong kra jainong nü maq shung raüta, tsangtok ka hiq nü na kuraqraq maq, shedong nü nü kiina nyi raüta rashe dongtlaq kra shomnoq rea riito.

Hosea 4:17

Ephraim ka sumla phra puk niishe shang wanto. Ahea bam-ümkiho laq, maiqmii raq thithi.

John 6:45

Shammibi phong wa weshi raq, ‘Kiimaq tsangshiq tarü ma Shiikeawe riishe mishrin kuq wan’ nguta waiqthüto. Krai mren, jurwa Awe bom ka ni tiitsii raüta tai tlaq, kriiti kli i puk na minyap.

Acts 13:40

Riita, arkha maq, namshiq raq tsii lam ronglaq. Riimak la, arka shammibi raq jamlai wa chongthütaq, kra namshiq dü nap miniki. Shammibi raq akha chongthüto:

Acts 7:36

Krai mren, Mosheq raq mungmaiqse ka Ejip mung wa tsuq wanto. Raüta, Khamshii Kham jong rai ka jin wanto. Raüta, kumtsaiphii lam maq, wiiroqblai mungmaiqse ka shea wanto. Apaiq raq tsangshiq ka awang chang nai amao chang jaqsham pahea sham raüta, kra lümaq tiichhii kuq wan raüta shunshea wanto.

TRI CHONGKE 17:3

laihin phra thun kra shomnoq raüta jinto, riimakla rashe kaü, riimakla jipi kaü kra noqpi raüta riimakla, raiqsaiqthun kra Tatiwe aming jin raüta shomnoqto nguta tsütsa ka mitaihan.

TRI CHONGKE 4:19

Namshiq mak maq jamlai phan wa chhiha tlan, rashe kaü, jipi kaü, kiimaq raiqsaiq phong kra shomnoq maimak. Tatiwe namshiq Shiikeawe raq arthun arka maiq phan ahin thun raq mishom noq laq nguta tsangshiq ma kuqto.

Hebrews 3:9

“Ngi raq tsangshiq ka wiiroq blai shiikumpan lata, shunshea wan kang, Kra chhi shatshat taü miimin, tsangshiq raq ngi ka niqsiqto, nguta Shiikeawe tiibot tlo.

JOSHUA 24:20

Kiimaq namshiq raq apaiq baiqthü lanta pongmungti phra thun shomnoq kai kiho hanla, apaiq ka ma wesang she mijaki. Raüta namshiq ma mo mitiiho. Apaiq ka man na namshiq rai ahea sito li jiimin, apaiq raq namshiq ka mishthen baiq.”