Acts 6:7 - ASII LAKDAP Bible (BSI)

⁷ Krai mren, Shiikeawe bomtsi ka maiq pahea raq taiwan wan she riito. Raüta, maiq pahea raq Shiikeawe bomtsi ma kamwanto. Krai mren, Jesuq ma kamwanti maiqnye kong ka, Jerusalem na pahea riiwan wan she pa wanto. Kiimaq ramwe weraü phan wa maiq pahea raq, Tsütsa Ahea ma kamwanto.

Hawa Naga Bible 2001

⁷ Kvkhoc rvtueq Tishox bomjungc nyvmc wvnc vtueq, sangac bix htenc muinz Yerusalem nuex paunghvlc paung wvnc tueq, shomc waz bix muinz paunghvlc kvmluimx wvnc tueq.

Muklom

⁷ Irimal wang Shkewa raaq pholchalta, etho Jerusalem haq na hantey miq daqhan ang chey ta, etho daqhan tingwa tang aa kamta.

Acts 6:7 Referencias Cruzadas

2 KAÜWA WERAÜ 29:34

Riita kiijaq kra nyamse kong ka honglu na take wanti ramwebi ka atsap li kha maq, Lewinok raq kra jaqsham ka tiithumli khrum kuqto. Riita kra liipan bala na ramwebi abiti thun riishe tsangshiq khum ka phumram kham maq tiisii batto. (Lewinok ka ramwebi nam ma tsangshiq khum ka asii maq riim wan lam na kai tsapkapkap siwanto.)

2 KAÜWA WERAÜ 30:24

Hokhamwe Hejekia raq minsaü pongwe kong hingshi, kiimaq skukong ka hingmiishi kuqto. Arka mungmaiqse raq ataa mirphaq laq nguta kuqto. Kiimaq apaiq siihiipbi riika tsangshiq ma minsaü pongwe kong hingshi kiimaq skukong ka hingroqshi hali kuq nongto. Ramwebi pahea raq tsangshiq khum ka phumram kham maq bat raüta tiisiito.

Tvtsvmc 132:16

Ngi raq aramwebi ka tsangshiq raq jaqshamtlaq kunli na mishman kuqha, kiimaq asenginok ka khoqriiq shishiiq agilülü mishinge.

Tvtsvmc 132:9

Ümramwetiim raq wranaiqshe tengman jaqkli misham laq; ümsenginok raq chojong chise mirüriiqlaq!

Matthew 19:30

Shatmaq ümchaü maiq pahea juwa ajong nguta siwan thun ka, rawiichii maiqpat anye saüho tlaq akhing na, aran miishe mitiija wan. Kiimaq ümchaü maiq pahea, juwa aran nguta siwan tlaqti ka, rawiichii maiqpat anye saüho tlaq akhing na, ajong miishe mitiija wan.”

Luke 2:34

Simeon raq tsangtsam ma ramram achu shiiman kuqto. Raüta, anyung Meriq ma chongto, “Ara no arka, Shiikeawe raq ashong. Apaiq lümaq, Shiikeawe raq Israilnok phan pahea mishthen baiq. Kiimaq apaiq lümaq hali, Israilnok phan, pahea mitiichhii kuq. Apaiq ka Shiikeawe raq ashong wan miithii ajong ashi. Maiq pahea raq, apaiq angeng mirwan.

John 12:42

Kiikha riikli jiimin, Jehudinok welabi phong wa, maiq pahea raq Jesuq ma kam wanto. Shatmaq, tsangshiq ka, Phorisinok ma hai ma, tsangshiq kamtsantsii kriika, ra na doli nokwe man na, tiichhi mak miili sito. Kriika, Phorisinok raq tsangshiq ka sinagok wa tiidong baiq jiiq nguta, kriima hai ma adam apaü lam miili kamto.

Acts 12:24

Kiimaq, ana liipko miika, Shiikeawe bomtsi ka maiq pahea raq tai wan wan she nyam wanto. Krai mren, Shiikeawe ma kamwanti maiq ka pahea pawan wan she riito.

Acts 13:8

Shatmaq, tsangshiq bomchong ka mintin we Elmas (Bar Jesuq ka Grik mang maq Elmas ngutlo) raq wanghupti we ka Jesuq ma kamwan wa shang baiq hajaq nguta tiibanbito.

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

Acts 19:20

Atinkhan ningkun aheng maq, Tatiwe tsütsa ka maiq pahea raq tai wan wan she nyam wanto. Raüta, maiq pahea raq Shiikeawe ma kamwan wan she pa wanto.

Acts 2:47

Tsangshiq ka akha Shiikeawe tiitsam kamwan li she shongnga wanto. Kiimaq phungtuti shongnga rilung kra chhi raüta, mungmaiqse riimin tsangshiq ka kai lungwiito. Kiimaq, krai mren, Tatiwe raq maiq anye ka wranaiqtek tsangshiq phung na tiitsuq wan wan maq, maiq ka tiipa kuq wan ruq li riito.

Acts 21:20

Tsangshiq raq ara tsütsa ka tai raüta Shiikeawe ka tiitsam kamto. Raüta, tsangshiq raq apaiq ma chongto, “Phuno we Paul lei, Jerusalem wa maiq pahea ahing ahing she phung na shang wanto. Kriika ümniiriimin asap haü. Kiimaq tsangshiq ka nashiq Jehudinok Thungtri ka jaqkhon tiipha raüta atsin maq lang wanti siisaq.

Acts 6:1

Kra jai maq heashi sijai na, Jesuq ma kamwantibi maiq anye ka pahea pawan ruq li riito. Kriikha maq, Grik bom maq bomti Jehudinok nai nokti Jehudinok liipan na, maiq wiijamti ka abot tsaü riito. Grik bom maq bomti Jehudinok raq ranaiqtek khoraki kampho pheake na, tsangshiq phong wa manti-nyungre ma samhea tiikham nyin kuq mak laqthaqtlo nguta tiibot nyanto.

Romans 1:5

Apaiq lümaq, Shiikeawe raq ngi ma ara kiimwe jaqsham rahea phan arshe, kiimaq jonghea arshe, kuq wanto. Ara jaqsham arka, aram ari jaqsham. Arka Jesuq Khristo mang tiijong wan miitu. Ara i jaqsham ara lümaq, mangjong maiqse tlotli ka, Shiikeawe ma tiikam wan miitu, ara jaqsham ara kuq wanto. Raüta, apaiq ma kamwanti thun maiqse angu ka, apaiq wokhong na misi wan laq nguta akuq wan.

Romans 16:26

Riita, ümchaü, shammibi raq waiqthütaq kra lümaq tengteng bomtsi ka wiitarü man na, linkuq wanto she. Kiimaq pattup pat-sa Shiikeawe aming maq, maiq mung thun wiita na tiitai kuq wanto she. Kriika tlotli mikam wanlaq nguta, kiimaq apaiq aming ka milang wan laq nguta kuqto.

Galatians 1:23

Tsangshiq raq i tsa ka nanok ahinti nü wa: “Man na nashiq Phungmaiqsetiim ngeng raüta, nashiq tiichamchaoti we irka, ümchaü sanha apaiq riishe, Jesuq ma kamwanto raüta, apaiq raq nanok ma kamasham lamphan kriishe tra hokuq tlo!” nguta riichongsea kriili taito.

Galatians 6:10

Ara chong tiikai arai mren, ümchaü sanha, nashiq raq ümtin wa akhing aten lap tiikai tek na, wiitarü ma, ahea kiimung kli she, apa shiichaq laita si rong i. Kiimaq, akhek ka nashiq ma, kamasham na naphu nano Phungmaiqse sitlaq kiima khrum kuq laita sirong i.

Colossians 1:6

Ara chongtiikai Tsütsa Ahea raq mangjong tlotli na nyam rat wanto she. Raüta mangjong maiqse pahea raq achu shiiman lap wan tlo. Arka man na namshiq phong na, aphaji na namshiq raq Shiikeawe kaphap mangchan ka atinkhan jonghea sitlo nya nguta sap lan ikha, raüta namshiq phong na nyam wantaq ikha, ümchaü min, nanok sang amang mung ahin liipan niishe nyam wan tlo.

2 Thessalonians 1:8

Tati Jesuq ka, kra akhing na, walüli rai tlaq ikha misaüho. Raüta apaiq raq Shiikeawe bomtsi shisheti thun nai nashiq Tati Jesuq bomtsi, Tsütsa Ahea kra lang makti thun ka, wiita mitiichamchao wan.

2 Timothy 2:9

Ngi raq Tsütsa Ahea ara chongkuq tiikang arkha na, ngi ka tiichamchao wan tlo. Ngi ka matwe tsawe kaü ikha, shumraü kharü maq kha raüta tiichamchao wan tlo. Shatmiitiq, Shiikeawe bomtsi ka kharü maq khalot mak.

Hebrews 11:8

Shiikeawe raq Abraham ma, mung ashi mikuq kang nguta kiqkham kuqto. Krai mren, Abraham raq Shiikeawe ma kamtsantsii thüto. Raüta, apaiq ka ümba na saüho chang wa, kriimin sap mak miili, ahiqshong arahai kra miimthü raüta, Shiikeawe raq shunshea tlaq kra phanphan, Shiikeawe raq akuq tachong hiqshong mung kiina kihoto.

Hebrews 5:9

Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.

Jude 1:20

Shatmaq, lungwii phunainotiim lei, namshiq riika, namshiq asii kamtsantsii rilung jam hai wan kli shiichaq wan ruq sironglaq. Asii Wenyi ningkun maq achu jaü lantli sirong laq.

Jude 1:3

Lungwii phunainotiim lei, nashiq raq tiichhii wan rilung lap wan kai kra thaq na seng lata, ngi raq namshiq ma lak ashi, tlothit li waiq tlo ha jiilei nguta tiima wan kang. Arka, Shiikeawe raq nashiq asengi ma, pattup pat-sa kamasham kuqtaq, ara awongsii maq rüm laita siwan miitu, rekhat wanruq maq sichang nguta tsaido jido bom chongke lak waiq wan tiima kang.