Acts 6:5 - ASII LAKDAP Bible (BSI)

⁵ Krai mren, tsangshiq kamasham maiqsetiim wiitutam raq, kriidea thukto nguta, kiimwebi bom na, kiqshi maq romdamsaq riito. Raütiishe, tsangshiq raq arwetiim arshe tsea raüta shiikapto: Tsangshiq mang thun ka ara. Stephen, apaiq ka kamtsantsii ajong rümtiwe, kiimaq Asii Wenyi na ama maq siti we. Kiimaq Philip, Prokhoras, Nikanor, Timon, Parmenas, kiimaq Nikolaüs riito. Apaiq ka Pongmung maiqse phan wa. Antiok chela na siti we. Apaiq ka kongkhuji na, Jehudinok kamasham lamphanti wa, Phung niishe ashang wan.

Hawa Naga Bible 2001

⁵ Kvkhoc jungx tueq kvjaz kuex wvtaungx ruix rueq raungc raq vtueq kvmluimx thuinz vmvrx nuiyc Vsawc Siyac vmvrx jix Stephen ngoz yaq waz nuiyc Philip, Prochoru, Nikanor, Timon, Parmena nuiyc Nikolau kuex thvl tueq, Nikolau kuex Yuda miqsaz rvmuq, Yuda nawk palx lvmx nuex nyuip waungc jix Antiok ghaq jix rvtueq.

Muklom

⁵ Asi ani apostle tang raaq tat eq thaji miq sungrang angta etho ning aa iri miqtang raa talta. Iri miqtang raa Asang Tsija etho kam na ushey Stephen, Philip, Prochorus, Niconor, Timon, Parmenas etho Nicolas bara Antioch mung na Gentile miq angta etho jakho Jehudi thong phan ma kaley ta.

Acts 6:5 Referencias Cruzadas

RAPHA HIQWA LAK 41:37

Hokhamwe nai asengi ajong alabi raq Joseph raq ara jaqsham süriitaq kra tengto dea nguta tsangshiq kiq romto.

TAKSU LAK 15:1

Aninse maq maiqbom tre raüla, maiqtsankhiq ka ashi mirki; Shatmaq kiqla hiiphii maq tre raüla, tatsoli mitiipa.

TAKSU LAK 15:23

Akhing riikhaqli na, riikhaqli bomtsi chongketi siraü la, pinthun chochi chang!

Mikha 3:8

Shatmaq ngi kla Tatiwe ningkun raq asho awo kiimaq, apaiq wenyi raq alüm alei sitiikang. Kiimaq Israilnok raq jamlai ngarai wa klotlaq kra, tiichhit tra chongke miitu, achaq awaq ningkun tri kuqtlo.

Matthew 23:15

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq maiq weshi ka namshiq Jehudi nok kamasham lamphan phung kiina tiishang wan miitu sammoktra jü jin lanta, kiimaq maiqmung pahea kiina khum lanta, trahoke khum tlan. Krai mren, maiq weshi kra tiishang han jiila, namshiq raq apaiq ka namshiq jamkhiiwa siwan tlan kiikha tiinamtok chongkuq lanta, mannai rii chamchao homa kra howan raüta wamungtan na kaiho miitu tiijethü tlan!”

Acts 11:19

Stephen tsat baiqtaq akhing chamchao lak na kamasham maiqsetiim tiipin jintaq lak wa, maiq wiijamti ka Phonesia wang na, Saipras mung na, kiimaq Antiok chela thun na, Tati Jesuq tsütsa ka Jehudinok phan miili chongkuq wan wan wawanto.

Acts 11:20

Shatmaq, Saipras mung nai Sairini mung wa kamasham maiqsetiim wiijamti riika, Antiok chela na wawan raüta, Tati Jesuq manphan Tsütsa Ahea kra Pongnok phan maiqsetiim miimin chongkuqto.

Acts 11:22

Kiimaq ara tsangshiq tsütsa arka Jerusalem na siti phungtuti ni niishe saüto. Kra tai raütiishe, tsangshiq raq Barnabas ka Antiok chela na tiiwato.

Acts 11:24

Barnabas ka maiqshaq weshi. Apaiq ka Asii Wenyi raq ama kiimaq kamasham na srea weshi riito. Apaiq traho bomchong kra tai raüta, maiq pahea Tatiwe puk na nyap wanto.

Acts 11:26

Apaiq ka Saul rai riihum raüta sanha, apaiq raq Saul ka Antiok chela niishe sheahoto. Raüta, tsangnai wiita adam miishe, phungtuti rai wiitang wiishi sidam raüta, maiq pahea ma Shiikeawe bomtsi shrinkuqto. Antiok chela maq, kamasham maiqsetiim ka Khristan nguta mang phahoto.

Acts 11:27

Kra akhing bala niisii hali, Jerusalem wa shammibi wiijamti ka Antiok chela na wato.

Acts 13:1

Antiok phungtu na trahoke wanti shammibi nai kamasham bomtsi shrinketibi maiq ka asi riito. Tsangshiq ka Barnabas, Simon (Maiq nyaq we ngutlo), Lusia (Sairini mung wa), Manael (apaiq ka wanghupti we Herod raq atiijong lu wan), kiimaq Saul.

Acts 15:22

Kra riichongtaq krai mren she, kiimwebi nai maiqlare ka phungtuti tlotli rai adam maq kiqri raütiishe, tsangshiq phong wa maiq wiijamti kra tsea raüta, Paul nai Barnabas rai Antiok phungtuti rai riihum wa chang miraq ngutiishe, bom ka shatto. Krai mren she, tsangshiq kamasham maiqse wiitarü raq shreng tlaq maiqla wenai kriishe tseato. Tsangnai wenai wa weshi mang ka Barsabas. Apaiq ka Judas ngutiimin ngutlo. Kiimaq weshi mang ka Silas. Apaiq kriiri tseato.

Acts 2:4

Krai mren she, tsangshiq tarü ka, Asii Wenyi raq ama she rom wanto. Kiimaq, tsangshiq ka Asii Wenyi raq ama rom wantaq krai mren, maiq pongnok pongta phan bom miishe bomtrang hoto.

Acts 21:8

Kriimaq napjai ranaiq min khamjong lam miili kihoruq kiho laita, Sisiria chela niishe saükikai. Kiijaq naishiq ka akhumti we shra Philip jam na japho kai. Apaiq ka Jerusalem na akhrumtitiim wemiishi tseataq kra phong wa weshi riito.

Acts 22:20

Kiimaq, tsangshiq raq ümruk ümkiim we Stephen tiijai raübaiqtaq akhing ranaiq na, ngi min tsangshiq rai pong dam lata asi riikang ihata. Ngi riimin riikhaqli dea tsat baiqto nguta tsangshiq rai kiqshi maq pong wan damti we riikang ihata. Kiimaq apaiq tsea baiq wantibi matwe kong samtong jong khea phong kra lii wanti we ka ngi riikang ihata,’ nguta Tatiwe bom ka trekang.

Acts 6:10

Shatmaq, Asii Wenyi raq Stephen ma taksu phaqchi ka aheng keje kha maq, apaiq bomchong ka tsangshiq raq poshi min khiilot mak riito.

Acts 6:3

Arkha maq, ümchaü min, phunainotiim lei, namshiq liipan wa, Asii Wenyi maq ama maq siti, kiimaq taksma maiq wa, maiq wemiishi shiikap ronglaq. Naishiq raq ara jaqsham ka tsangshiq jaq na kiinong kuq phai.

Acts 6:8

Shiikeawe raq Stephen ma pinthum asho awo achu shiiman kuqto. Apaiq ka Wenyi na ningkun ama riito. Apaiq raq mungmaiqse phong na, awang chang nai amao chang jaqsham pahea shamkuqto.

Acts 7:1

Kiijiishe, Ramwe Ajong Pinthum we raq, “Riita, ümniima ara kha nyan tlaq arka ngohea dea sha ngulaü?” nguta Stephen ma waito.

Revelation 2:15

Ara niq riri sii hali, ümchaü min, namshiq phong na Nikoletan nok jai phanti maiq asi.

Revelation 2:6

Shatmaq, namshiq jaqsham ahea, ngi raq rotiikang ka ara: Nikoletan nok raq sham tlaq kriika ngi raq jamkho tsaihai tiikang, kiikhiisii hali namshiq riimin tsaihai tlan.