Acts 6:3 - ASII LAKDAP Bible (BSI)

³ Arkha maq, ümchaü min, phunainotiim lei, namshiq liipan wa, Asii Wenyi maq ama maq siti, kiimaq taksma maiq wa, maiq wemiishi shiikap ronglaq. Naishiq raq ara jaqsham ka tsangshiq jaq na kiinong kuq phai.

Hawa Naga Bible 2001

³ Kvkhoc rvtueq phunox hez lex, nuimshiq phungc kvwawc miq waz mvshix thvl shuinz, vruex yauk shuimc kuex gurc pic tvkoc tsuingshiq muex nuiyshiq rueq tvshuimc shix, tsuingshiq kuex Vsawc Siyac nuex muinz, taksux tharc nuex muinz, hungx htaungx mvrc vtueq muingc jungc vhttax jix yaungc rax tuex.

Muklom

³ Ethirangma í notang, nim jaktung wang Asang Tsija etho thunglam aqhal sheytey sanat miqwa tang shi tal inn. Etho ning ma iri jaksom ri kot inn.

Acts 6:3 Referencias Cruzadas

DUNGWVNC 18:21

Shatmaq kriithaq niimin, ümniiraq maiq asap atsintibi kra tsea laüta mungmaiqse khuthaq na welabi ma shonglaq: welabi ka maiq ahing thun pengtibi, ashi thun pengtibi, roqbiingi thun pengtibi, kiimaq aroq thun kra pengtibi kra shonglaq. Tsangshiq thun ka Shiikeawe ma haisong tsantsii rümtibi kiimaq maiq kamsea chang kiimaq tsiiqlap simakti riichang.

ISAIA 28:26

Apaiq raq awak shamsea ka atsin, jamkhano ngukla Shiikeawe raq apaiq ma shrinkuqto.

ISAIA 28:6

Apaiq raq phowebi ma kha ka tingting tri raütu sham raüta phoke miitu phaqchi mikuq. Kiimaq chela tro ruk kilamchong thun ka re jaq wa tiiwongti phenlabi ma nola ningkun mishoqkuq.

Matthew 23:8

Shatmaq namshiq ka tarü siphu sino siisaq siwan tlan. Kiimaq namshiq tarü ma, ‘Shrinketi we’ ka weshi li sitlo. Kriikha maq namshiq ka maiq ma, ‘Shrinketi we’ nguta naq tiimang rongkiq.

John 21:23

Krai mren, Jesuq jai phantibi liipan na, ara jaqshise arka tsai mak miraq ngutiishe, bom ka parai wanto. Shatmaq, Jesuq riika, apaiq ka tsaimak miraq ngutiika ngu mak dea. “Ngi raq apaiq ka ngi saükai akhing na saüli atrali misi laq nguta thikang lo, kriika ümniima jamlai wa raa ta?” ngutli nguto.

Acts 1:15

Kiitincho ji na kamasham maiqsetiim ka adam na rintii thungngato. Tsangshiq ka wiitarü shishi ri roqnai tin khan riito. Kiimaq kiitiikaq Petar ka chap raüta akongtibi kiima akha chongto,

Acts 1:21

“Riita, ara chongtlaq arai mren, maiq weshi, nashiq rai Tati Jesuq ka amaa wa dong wanto she dea nguta, hakhi kewan dam miitu tsea chang she rakito. Apaiq ka khamlamketi we Johan raq, ngarai tiidii wan khamlamke tsütsa chongkuqtaq kra akhing maq pha wan raüta, Tati Jesuq raq, nashiq phong na khum raüta, traho wantaq, kiijaq lom damti we riichang. Raüta, Jesuq ka ramungtan na shea wantaq ranaiq na saüli, nashiq rai kongshi maq sidamti we riichang.”

Acts 10:22

Kiijiishe, “Kepten Kornelias raq tiikito,” nguta tsangtsam raq treto. “Apaiq ka maiqshaq. Shiikeawe shomnoqti. Apaiq ka Jehudinok tarü raq kai shrengtlo. Rase ashi raq apaiq ma ümniika tiiheakikiq nguta chongkuqto. Arka ümniiraq apaiq ma jamlai chongke chang wa, kra miitu tiihea kito.”

Acts 15:23

Raüta tsangshiq raq ara lak ara Antiok na siti phungmaiqsetiim ma waiqto. Raüta Judas nai Silas ma tiiho wanto. Lak ka akha waiqto: “Naishiq kiimwebi nai maiqlare, namshiq ma phunainotiim raq, namshiq Pongnok phan maiqse lungwii phunainotiim, Antiok chela na kiimaq Siria nai Silisia wang na siti tlotli ma salam bomtsi tiitai wan tiikai.

Acts 16:2

Listra nai Ikoniam chela na siti phunainotiim tarü ka apaiq mang tsaki wanti siisaq riito.

Acts 2:4

Krai mren she, tsangshiq tarü ka, Asii Wenyi raq ama she rom wanto. Kiimaq, tsangshiq ka Asii Wenyi raq ama rom wantaq krai mren, maiq pongnok pongta phan bom miishe bomtrang hoto.

Acts 22:12

“Kra chela na maiq weshi asi riito. Apaiq mang ka Ananias. Apaiq ka tsantsii kuq raüta Shiikeawe shomnoq wanti we. Kiimaq nashiq Jehudinok Thungtri ka tsapkapkap maq lang wanti we. Kiimaq kiijaq siti Jehudinok tarü raq apaiq ka pinthum shreng wantlo.

Acts 28:14

Naishiq raq kra chela na phunainotiim wiijamti asi riihum wankai. Tsangshiq raq naishiq ka tsangshiq rai chepat shi haithü ronglaq nguta tiiwinto. Kiimaq kra laitiishe naishiq ka Rom chela niishe saü wan kai.

Acts 6:2

Kriikha miishe, kiimwebi roqshi ri wenai raq kamasham maiqsetiim ka wiitutam maq adam na hea raüta, tsangshiq ma bom ka akhiishe chongkuqto, “Naishiq ka ara ranaiqtek khoraki ara pheake jaqsham na mowan laita, Shiikeawe bomtsi chongke ka chiimsam lot mai.

Acts 6:5

Krai mren, tsangshiq kamasham maiqsetiim wiitutam raq, kriidea thukto nguta, kiimwebi bom na, kiqshi maq romdamsaq riito. Raütiishe, tsangshiq raq arwetiim arshe tsea raüta shiikapto: Tsangshiq mang thun ka ara. Stephen, apaiq ka kamtsantsii ajong rümtiwe, kiimaq Asii Wenyi na ama maq siti we. Kiimaq Philip, Prokhoras, Nikanor, Timon, Parmenas, kiimaq Nikolaüs riito. Apaiq ka Pongmung maiqse phan wa. Antiok chela na siti we. Apaiq ka kongkhuji na, Jehudinok kamasham lamphanti wa, Phung niishe ashang wan.

Acts 6:6

Tsangshiq wiitutam raq arwetiim, tsangshiq wemiishi ka, kiimwebi man na tiichapto. Krai mren, kiimwebi raq tsangshiq khuthaq na jaq maq sham raüta, achu jaü kuqto.

Acts 9:30

Jesuq jaqshisetiim raq kra matkii sü tho kra he raütiishe, tsangshiq raq Saul ka, Sisiria chela niishe sheahoto. Kra miishe hali apaiq ka Tarsas chela niishe tiiwa baiqto.

1 Corinthians 12:8

Kra Asii Wenyi riisii hali, maiq ashi ma taksma tsütsa chongkuq tlo. Kiimahali kra Asii Wenyi riisii hali, maiq weshi miika anyan phaqchi tsütsa chongkuq tlo.

1 Corinthians 16:3

Ngi ümtiikiiwa saü wan tiikang, kiijiishetiq namshiq raq alu kekaiti juwa tsea lan, kiima ngi raq mang triisap bomchong lak waiqkuq lata, Jerusalem na mitiikiha.

Ephesians 5:18

Ümchaü sanha, cherop ma naq ja rongkiq she. Che riika namrilung kli mishthen baiq. Kra rii na, Asii Wenyi ma nam mongjii ka kunli tiima lantli si ronglaq.

TRI CHONGKE 1:13

Maiq phantek wa maiq wiijam taksu maiqsebi, taksmabi, kiimaq asap atsinti thun kra tsea ronglaq, kiimaq ngi raq tsangshiq ka namshiq khuthaq na welabi ma mishong kang.’

1 Timothy 5:10

Kiimaq manti-nyungre mang raüpot na wea wan damli chang ka, nokwe man na shamhea kaiwa jaqshamti riichang. Asetiim ka ahea wiq maq dunghiq raüta tiijongluti riichang. Ajamkun ka wandü jam ashi riichang. Phungmaiqse miitu jaqsham ahea shamke wanti riichang. Kiimaq chamchao litkot maiqse khrumketi riichang. Raüta maiqmii rilung ka nokwe ma ahea jaqsham keti riichang.

James 1:17

Phanrap ahea awa kongphiq ümchuwa sitlaq, kiimaq phanrap athuk atsom kongphiq ümchuwa sitlaq kriika, ramungtan na siti Shiikeawe raq siisaq akuq. Arthun arka Shiikeawe jaq wa siisaq saütlo. Apaiq ka ra na diim tlaq raiqsaiq, jipi, rashe sitlaq kra Tiiqti we. Apaiq ka pattup klai mak phan. Apaiq riika maiqse rilung na ra tiinyaq mak phan.

3 John 1:12

Nanok wiitarü raq Demetrias dea ahea nguta tsakitlo. Tengman tlaq bomtsi riili apaiq ka maiqshaq dea nguta hakhi kuq tlo. Kiimaq kriithaq na naishiq riimin apaiq ka maiqshaq dea nguta hakhi kuq nong tiikai. Kiimaq ümniiriimin naishiq raq jamlai wa chongtiikai arka tengteng dea nguta asap haü.