Acts 6:14 - ASII LAKDAP Bible (BSI)

¹⁴ Apaiq nga Najareth hiqti we Jesuq raq, ara Jerusalem wa Shomjam arka, atiithen mirbaiq nguta chongkuqtlo. Kiimahali, Mosheq raq natitiim ma thung alai achongkuq thü thun kriika, ümchaü nashiq raq lang wan raa mak she, shatmaq thunglai ahin she lang laita sichang nguta chongkuqtlo!” ngutiishe kha ka nyanto.

Hawa Naga Bible 2001

¹⁴ Nazaret ghaq jix Yesu rueq Shomc Yuimx kuex tvbac httak gay ruiux, naungshiq muex Moshe rueq vkuq htungx vlayx htenc kuex layc gay shuex ngoz tueq piq rueq jungx yaq kuex nuiyshiq rueq tay tiq,” ngoz tueq jungx wuez tueq.

Muklom

¹⁴ Piq aa irimal batta raa í aa tat eq ti, iri Nazareth Jesu aa Rangnuk him raa thakchak na etho Moses aa chamli thong kot ta iri thaji raa kaley na!”

Acts 6:14 Referencias Cruzadas

ISAIA 65:15

Ngi raq atsea arwanha isenginok raq namshiq mang ka chong raüta maiq ma manson miitu mishton wan. Ngi Ajong Thaq Na Ajong Pinthum Tatiwe raq, namshiq ka mitsatbaiqha. Shatmaq jurwa ibom tai tlaq raüta iwokhong na sitlaq kriiti miika mang anye she mikuq wanha.

JEREMIA 26:12

Kiijiishe ngi raq ngukang, “Tatiwe raq ngi ma ara chela khuthaq na nai Shomjam khuthaq na manson bomtsi namshiq ni maq tai lan kra wiita chiiriim laüta chongkuq kiqkiq nguta tiikito.

JEREMIA 26:18

“Man na Hejekia raq Juda mung na hokham jataq akhing na, Moresheth hiqti shammiwe Mika raq mungmaiqse tlotli ma Tati Ningkun Ajongwe raq jamlai wa ngutaq kra akha chongto, ‘Jajon chela ka wak thutlaq ikha mithubaiq, Jerusalem ka jamriim phong li she miraq, kiimaq Shomjam haichang jamkhii ka rumtang pero ma mijaki.’

DANIEL 9:26

Kiimaq kra chongtlaq rawii akhing kra nyiwan jai she, Shiikeawe raq ashong wan welawe kriika, khühü lamhü na atsea mirbaiq. Kiimaq ningkun ajong hoti tuwe phenlabi raq khat wan raüta Jerusalem chela nai Shomjam kra mishthen baiq. Kra athum wan akhing ka jüchhang asaü wan ikha, re ka midong wan. Raüta mung ka mithen wan. Kriika Shiikeawe raq tiihongtaq kra phan phan miraq.

Hosea 3:4

Akhiisii hali, Israilnok kiimin akhing luhea tsangshiq rümti hokhambi min ahü maq lo welabi min ahü maq siwan chang miraq. Kiimaq Shiikeawe ma honglu min kewan hümiili riimak la, asii honglu wacha longshong kaü thun min ahü miili siwan chang miraq. Kiimaq langlii wan chang nai teitlang chang sumla thun kiimin ahü miili siwan chang miraq.

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki

JEKERIA 11:1

Lebanon lei, kilü thun ka dithü laq, Maisak pero wa maq tiikhiim chaq ma!

JEKERIA 14:2

Tatiwe raq mangjong hiq na siti maiq mung thun ka Jerusalem khatkai miitu adam na misheaho. Raüta rechap ka misürii wan. Jerusalem ka re raq khat raüta mitang wan. Nokmaiqse jam awak thun ka wiita mirut wan. Jechakre ka re raq mihaihiibaiq. Kra chelati khoko ka pongmung niishe munglu shumwi ma mitsuq wan. Shatmaq kiiwa abung akhii tiichong tlaq thun ka munglu shumwi miika tsuq wan mak miraq.

Matthew 26:61

Raüta tsangnai raq, “Arwe kaü ariiraq Shiikeawe Shomjam ka tiithen baiq raüta, ranaiqtsam jai maq hali mihailot nong ha nguta chongto,” nguta kha ka nyanto.

Mark 14:58

“Mungtubi le. Naishiq raq apaiq bom ka akha taikai. Apaiq raq akha nguto, ‘Ngi raq ara maiqse raq jaq maq ahai Shomjam ara run baiq lata, ranaiqtsam jai maq, maiqse raq jaq maq hai lot mak chang phan, Shomjam ashi she mihaiha,’ ” nguta Jesuq ma kha ka nyanto.

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

Luke 21:6

“Arthun ümchaü namshiq raq chhi tlan arka, akhing ashi saü wan raüjaq, bunlak buncha she mitiibun baiq. Ara jamhai chang longpen diim kaü thun arka, wiita hiq maq hutse botkhulai rai shot tlii mirun baiq.”

John 2:19

Kiijiishe, “Namshiq raq ara Shomjam ara tiithen baiq han jiila, ngi raq ranaiqtsam liipan niili mihai nongha,” nguta Jesuq raq tsangshiq bom ka treto.

John 4:21

Kiijiishe, Jesuq raq apaiq ma chongto, “Maiqnyung loi! I bomchong arma kamlaq! Akhing ashi misaü wan, maiqse raq Awe Shiikeawe ka ara kin arjaq lo, Jerusalem na lo, ka shomnoq mak she miraq.

Acts 15:1

Maiq wiijamti Judia wang wa Antiok na waraüta, phunainotiim ma traho bomtsi ka akha shrinkuqto, “Namshiq raq Mosheq Thungtri na chongtlaq kra phan phan, athohan poi ka lang man wiiwii, Shiikeawe raq nam khum ka tiichhii kuq mak miraq.”

Acts 21:21

Pongnok phan mung na siti Jehudinok tarü ma, ümchaü sanha Mosheq Thungtri kriika lang wan raa mak she, kiimaq athohan poi klo min raa mak she, kiimaq Jehudinok thungtri kriika lang raa mak she nguta, ümniiraq tsangshiq ma tra hokuq tlaü ngu wa nguta, nanok raq tsangshiq ma tsütsa ka tiitai chongkuq hoto.

Acts 25:8

Shatmaq, Paul raq apaiq khum tiichhii bom ka akhiishe chongpha hoto, “Ngi raq Jehudinok Thungtri min jin mang. Shomjam min tiisheshi mang. Kiimaq Roman Hokham we miimin abi jam min bom mang.”

Acts 26:3

Ara jamkhano ngutiikang ngukla, ümniiriika Jehudinok raq tsangshiq kamasham thungtri ka atsin maq lang raüta sitlo nguta asap haü. Kiimaq tsangshiq liipan na kra lang wan tlaq thung alai lamphan na seng raüta, pahea riikhii riilea sitlaq bom khupo thun kriimin wiita tiitho tiipha asaphaü siisaq. Riita arkha maq, ümchaü ngi raq ümniima tiipaiqnea wan ka, naq tsutsakiq maq, ngi raq i khum tiichhii bom chong tiikang bomtsi ara taiwan haü jaq ahea miraq nguta tiitai tiikang.

Acts 28:17

Kiijaq saü wali maq, ranaiq tsam sijai na, Paul raq kiijaq siti Jehudinok welabi ka adam na triitam hea raüta ngato. Tsangshiq ka apaiq phana riitam saüki kiitiishe, apaiq raq tsangshiq ma bom ka akha ngutiishe chongkuqto, “I phan i maq Israilnok phunainotiim lei, ngi raq nashiq nok mungmaiqse ma abi ati jamlai phan min sham wan mang. Kiimaq natitiim raq nashiq ma akuqthü thungtri thaq niimin jamlai kiqjiq wan mang. Shatmaq, tsangshiq raq ngi ka Jerusalem maq shumraü kharü maq kha raüta, Roman hokham jaqkhon mong na kuqbaiqto.

Galatians 3:19

Riita, ikhiijiika, Shiikeawe raq, Mosheq lümaq Thungtri ka jamlai miituli she wa kuq wan nongta? Abraham ma kiqkham raüpot kuqtaq kra thaq na hali, Thungtri maq tiitsuq kuq wan nongtaq kriika, maiqse raq, ashut klo tlaq kriika, ashut dea nguta, tiichhike miitu she, Thungtri ka kuq wan nongto. Krai mren, ara Thungtri lang hekiilai howan arka, Abraham ma kiqkham raüpot khakuqtaq kra tiiku wan, Abraham se saükai akhing ranaiq na saüli lang wan miituli kuqto. Thungtri ka rasetiim ma tiikuq kito. Rasetiim bom tlü chongke wanti ka maiq weshi, Shiikeawe nai Israilnok liipan na ramwe jati we, Mosheq riito. Shiikeawe bomtsi ka Israilnok ma, Mosheq lü miishetiq chongkuq wanto.

Galatians 3:23

Shatmaq, Jesuq ma kamwan akhing misaüho shaq liipan na, thungtri raq nashiq tarü ka, phaqtek mong na shaq raüta thü wanto. Arka, Jesuq khristo ma kamwan akhing rahiq jipi ka mitiichhi kuq wan shaq liipan na, jamsha wanto.