Acts 6:11 - ASII LAKDAP Bible (BSI)

¹¹ Kriikha miishe, tsangshiq raq maiq wiijamti ma tsiiqlap kuq raüta, raikao tatto. Krai mren tsangshiq ma, “Naishiq raq apaiq ka Mosheq nai Shiikeawe ma ashut bomto taikai!” nguta arot kha nyanto.

Hawa Naga Bible 2001

¹¹ Kvkhoc rvtueq tsuingshiq rueq, “Vruex waz kuex vraq Moshe muex muinz, Tishox muex muinz shummarc kvjaz kvjak yaq kuex nuiyshiq rueq tay tiq,” ngoz tueq miq wvyvmc muex vyumx maq yauk noalc kuq vtueq tvjungc tueq.

Muklom

¹¹ Etharin ning aa chamtey miqtang ma irimal hutdip bat ma ngin kot ta, “Í aa iri miq raa Moses etho Shkewa sha dan eq raaq ta tha kap tat ti!”

Acts 6:11 Referencias Cruzadas

DUNGWVNC 23:1

“Arot shapshaü naq tiipakiq. Kiimaq ajiqwe miitu arot saqse kuq laüta naq khrumkiq.

JEREMIA 26:11

Raütiishe ramwebi nai shammibi raq mungmaiqse ma akhiishe khatan bomtsi nguto, “Arwe ka tiitsailaq tseabaiq chang kha tangto. Jamkhano ngukla apaiq raq nashiq chela khuthaq na abi bomto. Namshiq raq maiqmii ni maq tailan kata.”

JEREMIA 37:13

Shatmaq ngi ka chela ruk Benjamin Kilamchong na saüho ri li she, kiijaq jaqshamti phenlabi pengti siihiipwe, apaiq mang ka Irija, awe mang ka Shelemia, ati mang ka Hanania, apaiq raq ngi ka shiikhinghoto. Raüta akha nguto, “Ümniiraq chela ka Bebilon mung jaq khon na tiishaübaiq dantlaü!”

LEWI 24:16

Kiimaq apaiq ka tseabaiq raa dongdii. Israilnok wa juli jiimin, riimakla wanshawe pong mungti Israilnok rai sidamti jurwa Tatiwe ma manson kiqsü bomtlaq, kriiti ka nokwe raq long maq tiiq raüta tseabaiq raa.

John 1:17

Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.

John 16:3

Tsangshiq raq, Awe nai ngi ka juwa kra sap mak kha maq, namshiq ma ara chong tiikang chamchao thun ara mitiisaü wan.

John 9:29

Naishiq raq asap hai, Mosheq miika Shiikeawe raq bom chongkuqto. Shatmaq, naishiq raq arwe arka ahiqshong arahai santla sap mai!”

Acts 15:21

Ara jamkhano chongtiikai ngukla, Mosheq Thungtri bomtsi ka pat-achat miiphü Asii Niitiitsak ranaiqtek sinagok na phatkuq wan ruq kata. Kiimaq Mosheq bomchong kra chelatek na nokmaiqse ma phanchan kuq wan ruq riitlo,” nguta Jakob raq bom ka chongkuqto.

Acts 18:6

Shatmaq, tsangshiq raq apaiq traho bomchong kra tao mak dea, akhii rea lishe khoti riito. Kiimaq apaiq ma abi atili she khoti bom rai wanto. Kra riikiita she, Paul raq, apaiq dü na asam khea na botkhulai akop kra naüshaü shaü raütiishe, tsangshiq ma jainong shung wan, apaiq khum tiihe bom pan akhiishe raikuqto. “Riita, ikhla, ümchaü amiiphat sanha, Shiikeawe raq namshiq tsitsü raü ka chumbaiq raüta tsai han jiila, kriika namshiq maiqmii raa phaq lanta tsai miishe mija! Ngi shrong raa chang ka jam min ahü she. Ümchaü amiiphat, ngi raq namshiq ma chongkuq mang she. Ara tsütsa arka Pongnok phan maiqse miishe michong kuqha!” ngutiishe apaiq raq tsangshiq ma bom ka chongkuqto.

Acts 21:28

Tsangshiq raq, “O Israilnok singmung maiqse lei! Warong ra lii! Arwe ara tiinin tlo rong i!” nguta gitrang wanto. “Arwe ahata barap binrii na waraüta nokmaiqse tarü ma, Israilnok mung thaq na, Mosheq Thungtri thaq na kiimaq ara Shomjam arthaq na, ashut riiqkhiq traho bomchong kewanti we. Kiimaq liirong laq, ümchaü min apaiq raq Pongnok phan maiqsetiim ka ara Shomjam mong na shea wan raüta, ara Asii Shomjam arka tiisheshi baiq wantlo!”

Acts 25:3

Phestas ma Paul ka Jerusalem na tiiwa raüjaq ahea nguta bom ka thuto. Paul ka tiiwa raüla apaiq ka lam wiili tsea baiq ma nguta tsangshiq raq ahukse maq reraü ka ashun wishe riito. Kriikha maq tsangshiq raq bom ka kiikha thuto.

Acts 25:7

Riita, Paul ka rung na saüki kiita, Jerusalem wa akiti Jehudinok ka apaiq tro na chap raüta, Paul ma asiq areng kha pahea tü nyanto. Tsangshiq raq apaiq ma khü akha ümchu wa nyantaq kra thun kriika, tsangshiq raq ngohea dea nguta jamlai saqseng hakhi min tiichhi kuq lot mak taü maq nyanto.

Acts 26:11

Ngi raq tsangshiq ka akhing pahea, sinagok thun maq tsat wan kang. Lata tsangshiq raq Jesuq ma kamtsantsii thü tlaq, tsangshiq kamtsantsii kra, tiipan baiq miitu, tiiphiip miijiip longliiq wan kang. Ngi ka tsangshiq ma, i tsankhiq ninlot mangshe kha maq, tsangshiq ka pongmung chela thun na saülili she tiikot trot jowan lata, tsangshiq pahea tiichamchao wan kang.

Acts 6:10

Shatmaq, Asii Wenyi raq Stephen ma taksu phaqchi ka aheng keje kha maq, apaiq bomchong ka tsangshiq raq poshi min khiilot mak riito.

Acts 6:12

Tsangshiq raq akha lule klo raüta, mungmaiqse, welabi kiimaq Thungtri shrabi thun kra tiishai baiqto. Raüta, tsangshiq raq Stephen ka lap raüta, Rung na hit wanto.

Acts 6:13

Raütiishe, tsangshiq raq maiq wiijamti ka shea wan raüta, apaiq tiishaü baiq miitu, kha ka arot tünyan nongto. Kra arot hakhi ketibi raq Stephen ma, “Naishiq raq apaiq ka, nashiq asii Shomjam ara nai Mosheq raq akuq Thungtri khuthaq na, bom ka ashut abi bom kli tai tiikai.

Romans 3:8

Ikhiijiika akhli ngu rong i na, “Ai ahea dea. Ngarai khoti apapa tang laita sirong i na. Krai mren, Shiikeawe khushü ka jonghea tiijong ruq li riima,” nguta maiq wiijamti raq chong tlo. Maiq wiijamti raq, ngi raq nangnga akha bom tlo nguta, tsangshiq shut ka i nübok na sukkuq raüta, ngi ka trot kiq tlo! Shiikeawe raq tsangshiq ka akha, aku anong bom tlaq arkha na, kha ma ka jonghea mitiiho kuq wan.

1 Timothy 1:13

Ngi raq man na, phung na mishang wan ha shaq na, apaiq ka shulii wan kang. Kiimaq apaiq ka ngeng wan kang. Lata Phungmaiqse ka shiikeng miileng, rachhai ralüp longliiq wankang. Li jiimin, Shiikeawe raq, ngi ma apaiq mangchan tsii kli khoti tiichhikuqto. Ara jamkhano chongtiikang ngukla, kra akhing na ngi raq, i shutphit lam ka chhi phaq mang dea lea wan kang. Jamkhano ngukla, kiitiikaq ngi raq apaiq ma mikam wanha shaqli riikang. Kriikha maq, ngi shut lam ka sap mang dea lea wan kang. Kiitiikaq i tsii ka chhi mang shaqli lea wan kang.