Acts 5:5 - ASII LAKDAP Bible (BSI)

⁵ Ananias ka ara bomtsi ara tairili, kiijaq chut riwan tlü tsaikito. Kiimaq ara tsütsa taitibi thun maiq tarü ka phiip raq tsaito.

Hawa Naga Bible 2001

⁵ Anania rueq kvruex kvjaz kuex tay rac dvyx kvlak rul vtueq thueyc kaz tueq. Kvruex tay jix lotlaz muinz pinhtumc hiyaz wuez tueq.

Muklom

⁵ Ananias iri raaq tang raa tat eq hun ngak eq tita; etho iri raaq tattey tang tha ucho angta.

Acts 5:5 Referencias Cruzadas

2 HOKHVMX 2:24

Elisha raq jainü na trosaq riito, raüta tsangshiq ka makbi maq tiqtiq liito. Raüta tsangshiq ka Tatiwe mang maq sonto. Kiijiishe rummong wa chapbi kaü nai dongkito. Raüta kra nosere maiqwesere kong roqblai ri wenai ka bunlak buncha kaqbaiqto.

1 KAÜWA WERAÜ 13:12

Kiimaq Dawit ka Shiikeawe ma ahai she riito. Kiimaq akha nguto, “Ikhiijiika ngi raq Tongshong Tek arka ngi rai jamkho mipi wan ha?”

1 KAÜWA WERAÜ 15:13

Namshiq ka man na apha lak na kra Tongshong Tek kra piwan miitu ahü riilan kriikha maq Shiikeawe raq nashiq ma mo tiiho kuqto. Jamkhano ngukla nashiq raq apaiq ka riikhaqli thungtri maq shomnoq wan mai dea riikai.”

Tvtsvmc 119:120

Ümniima ngi kai hai tiikang; ngi ka ümniiraq kha photlaü kriima pinthum hai tiikang.

Tvtsvmc 64:9

Tsangshiq tarü ahai she miraq, Shiikeawe raq jamlai jaq wa shamtaq kra tsangshiq raq mitiima kiimaq apaiq jaqshamtaq thun kra michong.

EJEKIEL 11:13

Ngi raq kra shammi bom tiithai rea bala niili, Pelatia ka kiijaq chutli tsaikito. Kra chhilata ngi ka hiq na bum kitlii riilata, akha agi asiishe hoqkang. “Akhii wiq wiq ka naq riikiq, Tati Rakaü Hiqwe lei! Riita ümniiraq Israil mungti abung atiichong ka wiita sha mitsat baiq haü?”

LEWI 10:3

Kiijiishe Mosheq raq, “Ümtiikiiwa Tatiwe raq, ‘I jaq shamtibi wiitarü raq ngi asii arai ka shreng ratlo; Ngi raq ikhushü ka isenginok ma mitiichhi kuqha,’” nguta ngutaq irka akhnok ara ngo nangnga nguto, nguta Aron ma chongto. Shatmaq Aron ka kaiqshak li riito.

Acts 13:11

Riita, ümchaü min, Tatiwe manson ka ümdü niishe mini wan kiiphaü. Ümmak ka achuk she mirki. Shiikeawe akhing mihong wan shaq wiiwii, makchuk lishe misi haü.” Krai mren, tiihanghiiq miili she, Elmas raq amak na ranyaq riitangli, pang wan saq pang wan kra sapto. Kiimaq apaiq ka phiim shiiphiim she, maiq weshi ra raq apaiq ka ajaq maq hit raüta, shunshea kuq raü jaq nguta, phangli phiimli she wawanto.

Acts 2:43

Kiimwebi jaqsham lümaq, awang chang nai amao chang jaqsham ka pahea shamto. Kra chhi raüta, mungmaiqse thun ka tarü kai amao riito.

Acts 5:13

Phung na mishang shaqti Jerusalem wa mungmaiqse ahinti ka phungtu na nyap wan raüta, adam na haisea wandam ka khulot mak ahai riito. Li jiimin, tsangshiq raq Phungmaiqse kong ka ahea dea nguta shomra riito.

1 Corinthians 4:21

Namshiq raq ümriiwa ro tlan? Ngi ka namshiq phana chongwai kii sham lata sha miwaha? Sha lungwii tsantsii maq namshiq boqpum chang noboq kheathum kra holata wa miwaha?

2 Corinthians 13:10

Namshiq tiijonglu wan miitu tiima lalata tiina, ümchaü ngi ka, ana pongbin wiiq na sitiikang bala niimin, namshiq ma ara lak ara waiq lata tiiho wan tiikang. Ara waiq tiikang arka, namshiq raq tsii milam laq, nguta waiq tiikang. Krai mren, ngi namshiq phana saü wan tiikang ranaiq na, ngi ma Shiikeawe raq akuq sintsangkii maq, namshiq ka tsat wa mang chang miitu waiq tiikang. Ara sintsangkii arka namshiq tiichhan chhi wan miitu akuq. Namshiq tiiphiipjiip miitu akuq ka riimak.

2 Corinthians 13:2

Namshiq liipan wa ümriiti riiwa kongkhu ji na ngarai tang lan, kriiti nai namshiq ahinti thun, kiimiimin, ngi raq tsii chongkuq tiikang ara, samhea tsan na tiitsang tai rong laq. Arka, man na ngi namshiq phana laknai ngoja wakang akhing niimin chongkuq kang. Kiimaq ümchaü ngi ana, namshiq ma binlu na sitiikang bala niimin, chongkuq tiipha ara tairong laq. Arjai maq, ngi ka namshiq phana wanong tiikang na kla, juwa ajiq sitlaqti kriika, jumin sintsang tiihohü miika tiihang mang she mirha.

2 Corinthians 7:11

Namshiq tsanbitaq kriika, Shiikeawe raq thimi tlaq kiijaq hong wanto. Liimanta, kra tsanbi wantaq kra lümaq, namshiq ma ahea lamlu she saüto! Namshiq raq kra ajiq mra kra tru wan miitu, kha ka phokuq lan she. Lanta, namshiq ka shut wan dam man, sepii dea nguta, tri raü ka riikhaqli maq sham lanta, ajiq we kha ka phokuq lan. Jamlai mra wa pintaq, kra miitu namshiq tsan khiq wanto. Kiimaq kra jai niimin, mra pin nong jiiq nguta, ümchaü ka namshiq tiihai song shat miishe sitlan. Kra mra pin kha maq, namshiq raq i sham chhi ro riilan. Kiimaq namshiq raq i khum tiikhe bom chong lan. Kiimaq ajiq we ka tsa lan she. Riita ara mra pintaq, raüta kra mra tiisup jaqsham wan na, namshiq ka jam shut ahü, sepii dea nguta tiichhi kuq lan she.

TRI CHONGKE 13:11

Kra riihantiq, Israilnok tlotli raq jamlai mra wa pintaq kra wiita raq mitai. Raüta tsangshiq ka ahai she miraq. Kiimaq maiq ahinti jurmin akha ashut aphit jaqsham ka klo mak she miraq.

TRI CHONGKE 21:21

Kiijiishe kra chelati mungmaiqse raq kriise ka long maq tiitsaiqlaq tiiqbaiq chang. Namshiq raq akhnok abi maiqse ka alam mirbaiq han. Israil mungti kunli raq kra tsütsa ka mitai laq. Raüta tsangshiq hai misilaq.

JOSHUA 22:20

Jera se Akan raq tiimiqchup shiithenbaiq chang nguta aming akuq hupsam kra tiithenbaiq mak tri jin raüta, mra pintaq ira tsan na tiitsang ronglaq. Kra ngarai tang kha na, Israilnok mungmaiqse kunli raq mohoto. Apaiq ngarai khana, Akan apaiqli ka tsaimak.”

Revelation 11:13

Kra tsangnai wawan ri, tlothit li she henghea langlang hiqjong muto. Kra hiqmu raq chela ka manroqshi khu wa manshi rii ka tiithen baiqto. Kiimaq, maiq ka hingmiishi jiimto. Kiiwa chantlaq maiqse angu thun ka, kai phiip raq tsaito. Raüta, tsangshiq raq ramungtan wa Shiikeawe ningkun jonglu kra chhi raüta, apaiq ka tiitsamto.

Revelation 11:5

Maiq ashi ra raq tsangnai ka tsatlai nguta tanraü jiila, tsangnai nübok maq wa midong. Raüta, tsangshiq ka mikhiim baiq. Ara chongtiikai akha, jurwa tsangnai ka shiithen lai nguta tankhan jiiq, kriiti ka atsea mirbaiq.