Acts 5:21 - ASII LAKDAP Bible (BSI)

²¹ Krai mren, kiimwebi raq rase aming kra taito. Raüta, ranap na Shomjam na kiraüta, mungmaiqse ma trahokuqto. Ramwe Ajong Pinthum we nai akongtibi raq Jehudinok Rung welabi thun ka ngongthun rong i nguta Rung na tiiheato. Raütiishe, tsangshiq raq kiimwebi ka Rung na tiichap miitu, phaqtek mong wa sheaki rongkiq nguta peta siihiipbi ma aming kuqto.

Hawa Naga Bible 2001

²¹ Kamx waz hez rueq raungkamx waz kvjaz kuex phvnx ruiux, raungnvp raungwuic kox nuex Shomc Yuimx nuex nyuip vtueq tvluing kuq tueq. Shomc Wayungx waz nuiyc vkungjix htenc kuex Yuda miqsaz vyungx vlaungx bix lotlaz kuex Suingdaungx Muingdaungx rungx nuex rvtuimx bomc rvjungc tvkoc tvtuimx gvl tueq; kamx waz hez kuex tvshvlc kay tvkoc nvr vtueq rungx bvmc jix pvlik hez kuex khoktep nuex tvkaz tueq.

Muklom

²¹ Ning aa ira tat eq, rangnap kha o Rangnuk him náng ka eq thaji miqtang ma tatal kot ta. Ajong tingwa tang solwa etho unokwa tang thu eq ning aa Jehudi rongh na wan ma Israel miqlang tang tha thajoq ta; ning aa apostle tang chuk wang solkat phin ta batta.

Acts 5:21 Referencias Cruzadas

Tvtsvmc 105:22

hokhamwe siihiipbi peng ma ningkun kuqto kiimaq apaiq danhonti thaq na hon atsii chongke arang kuqto,

Matthew 5:22

Shatmaq, ümchaü ngi raq namshiq ma chongpha: Jurwa phunaino ma khiq riq tlaq, kriiti ka rung na mitiichap. Kiimaq jurwa phunaino ma, ‘Ümnaq ara thiihü pinthum!’ nguta sontlaq, kriiti ka Rung na mitiichap. Kiimaq jurwa phunaino ma, ‘Ümnaq ara ralang bangbang li’ nguta sontlaq, kriiti ka wamungtan na dea wan nam nam she ikha miraq.

Luke 22:66

Rawü wan kiitiishe, ngongwebi phong wa welabi, ramwe jongbi, kiimaq Thungtri shrinketibi thun kriika ngongthun nga wanto. Raüta, Jesuq ka tsangshiq Rung na tiichapto.

John 18:35

Kiijiishe, “Ngi ka Jehudi we sha? Ümnok ümta nai ramwe jongbi raq khata, ümniika i rung na hitho raüta tiichap wanti ka! Ümniiraq jamlai mat atsa wa tang laü?” nguta Pilat raq Jesuq ma bom ka waiwan nongto.

John 8:2

Anap ranaiq miishe, ranap chu maq, apaiq ka Shomjam rinkea rukmong na kiho nongto. Kra akhing na maiq pahea ka apaiq tro na riitam ngato. Krai mren, apaiq min anga raüta tsangshiq ma Shiikeawe bomtsi shrinkuqto.

Acts 22:15

Riita ija, ümchaü armiiphat she sanha, ümniiraq jamlai phan wa chhi laü, kiimaq jamlai phan wa tai laü, kra thun ka maiqse angu wiitarü ma chongke wan miitu she, ümniika apaiq rukwe kiimwe miishe mija wan haü.

Acts 22:5

Ara ngi raq bom chong tiikang arka tengto dea nguta, Ramwe Ajong Pinthum we nai Jehudinok Rung welabi tarü raq asap. Tsangshiq raq nashiq nok Damaskas chela na siti welabi ma, lak waiq raüta, i jaq na tiiho wanto. Krai mren, ngi ka ara chongtiikai Lamjong ara phan wantibi maiqse angu thun kra Damaskas chela wa lap wa lata, tsangshiq ka kharü maq khaho lata, ara Jerusalem chela na hitho ma nguta, kiimaq tsangshiq ka Rung welabi raq kharü maq kha raüta mitiichamchao laq nguta, tsangshiq lap wa kiina wawan kang.

Acts 5:17

Arthun ara chhi raütiishe, Ramwe Ajong Pinthum we nai akongtibi kiimaq, kiiwa nokti Sadusinok phung raq kiimwebi ka pinthum makshu rashe miishe shulii wanto. Krai mren, tsangshiq raq kiimwebi ka atiichamchao chang ngutiishe bom ka riichongto.

Acts 5:27

Petanok raq kiimwebi ka Rung khok na shea wanto. Raüta, Ngong welabi man niishe tiichapto. Kiijiishe, Ramwe Ajong Pinthum we raq kiimwebi ma,

Acts 5:34

Shatmaq, Phorisinok phong na Thungtri shrinketi shra ajong weshi, apaiq mang ka Gamaliel nguta asi. Apaiq ka mung maiqse wiitarü raq kai shreng tlo. Kiijiishe kriiwe ka Rung welabi man na chapha she riito. Raüta, apaiq raq kiimwebi ka heashi miitu kinphai na sheaho ronglaq nguta thaüto.

Acts 5:41

Shiikeawe raq tsangshiq ka, Jesuq mang na chamchao homa howan nai maiq thoda howan miitu dea shiikapto nguta sap raüta, chojong chise maq, Rung khong mong kiiwa donghoto.