Acts 5:16 - ASII LAKDAP Bible (BSI)

¹⁶ Krai mren, Jerusalem tro na maiqhiq ümchuwa sitlaq kiiwa maiq ka kongta hushhu maq, riitsap riikhat atsi asiti nai abi winji raq arom wanti thun ka, aboq chang aboq, kiimaq ashea chang ashea raüta, Jerusalem na saü wanto. Kra maiq atsiti ümchuwa saü wantaq thun ka thumthum atsi tiihea kuqto.

Hawa Naga Bible 2001

¹⁶ Kvmaq Yerusalem ghaq tvroz miqghaq htenc wawc miq htenc rueq vthuiuz vsac jix nuiyc htaungc kvpumz jix htenc shvlx wvnc tueq, vthuiuz vsac jix bix htenc muinz hvlx wvnc tueq.

Muklom

¹⁶ Jerusalem rel samhaq tang wang tho daqhan miqtang atak asa etho anaan tsija rum aa tang tha sol eq thajoq ta etho thaji tha taqhal ta.

Acts 5:16 Referencias Cruzadas

Matthew 2:16

Herod raq shedong mung wa aki wanwetiim raq apaiq ka laoratto ngutiishe sapraüta, apaiq ka kai khiqto. Kiimaq apaiq raq Bethlehem chela na siti nai kra tro binjü na siti maiqwe sere, arawii wiinai nai wiinai takiq na ümchuwa siwan tlaq kra tsea baiq miitu aming kuqto. Apaiq raq ara aming kuqtaq arka wanwetiim raq raiqsaiqpo chhitaq akhing rahiq jipi kra shiiton raüta aming kuqto.

Matthew 4:24

Krai mren, apaiq mangjong tsa ka Siria mung tlotli na nyam wanto. Kriikha maq, mungmaiqse raq phanrap phanrii thuptsi thatsi chamchao maiqse thun ka apaiq phaniishe sheahoto. Atsiti phong wa wiijam ka thaq raq arom wan, wiijam ka angaq tsiti, kiimaq wiijam ka khum amaa arki tsiti thun riito. Jesuq raq tsangshiq tarü thatsi ka tiiheakuqto.

Matthew 8:16

Rajiko niishe mungmaiqse raq maiq ka tsak amii raq arom wan, atsi asitibi thun pahea kra Jesuq phaniishe shea wanto. Jesuq raq apaiq bom tsishi miili, tsak amii tha thun wiita chhiijii kuqto. Kiimaq atsiti ümchuwa apaiq phana kirai witaq thun ka wiita tiihea kuqto.

Luke 5:17

Ranaiqshi akhing na, Jesuq ka traho bom chongke rea riito. Kiijaq maiq wiijamti Phorisinok nai Thungtri shrinketibi min asi riito. Tsangshiq ka Gelili wang chelatek wa kiimaq Judia wang wa, kiimaq Jerusalem wa awarai riito. Maiq atsi asiti kra tiiheake miitu, Tatiwe ningkun ka Jesuq khum na asho awo asi riito.

Luke 6:18

Tsangshiq ka Jesuq traho bomchong kra taiwa nai tsangshiq thuptsi thatsi thun kra tiiheawa nguta waraito. Kra maiqphong waraitaq kiijaq, abi winji raq arom wanti min maiq ka asi riito. Kiimaq tsangshiq thatsi kiimin wiita tiihea kuqto.

Luke 9:11

Nokmaiqse phong raq, apaiq ka saü wato nguta tai raüta, tsangshiq raq apaiq jai ka phan wanto. Apaiq raq tsangshiq ka aheawiq maq taoto. Raüta, tsangshiq ma Shiikeawe Mungtan tsütsa kra chongkuqto. Kiimaq atsiti thun kra tiihea kuqto.

John 14:12

Ngi raq chongtiikang arka tengteng: Jurwa ngi ma kam tlaq, kriiti riika, i jai phan phan, awang chang jaq misham wan. Kriika tengteng. Apaiq riika, i jaqsham thaq niimin, ajong lin she misham wan. Ara jamkhano chongtiikang ngukla, ngi ka i We pha niishe wawan tiikang.

Acts 4:30

Kiimaq, asii üm Luqkhapse Jesuq mang na, pinthum awang chang nai amao chang jaqsham ka, atsi asiti ka tiihea kuq laüta, ümningkun jong kra tiichhi kuq laq,” nguta achu jaüto.

Acts 5:15

Kiimwebi raq awang chang nai amao chang jaqsham tlaq kra chhi raüta, atsi asiti maiq pahea piho raüta, changdü na nai damsii na tiikon raüta, lamkii tho na tiibum tlo. Kriika, Petar khum raüjaq, apaiq tsaiji nyam raq jiimin, tsangshiq atsiti dü na miham dam laq nguta tiima raüta tiibum wantlo.

Acts 5:17

Arthun ara chhi raütiishe, Ramwe Ajong Pinthum we nai akongtibi kiimaq, kiiwa nokti Sadusinok phung raq kiimwebi ka pinthum makshu rashe miishe shulii wanto. Krai mren, tsangshiq raq kiimwebi ka atiichamchao chang ngutiishe bom ka riichongto.

1 Corinthians 12:9

Kiimahali, kra Asii Wenyi riisii hali, maiq ashi miika kamtsantsii ningkun kuq tlo. Kiimaq maiq ashi miika, atsi asiti kra tiiheake miitu ningkun kuq tlo.

James 5:16

Kriikha maq, namshiq ngarai thun ka weshi raq weshi ma tiidii rong laq. Kiimaq weshi raq weshi miitu, achu jaü kuq rong laq. Kra riihan jiila, namshiq tsisi kriimin mitiihea kuq. Maiqshaqti raq achu jaü ka ningkun ajong tiidoq ra miraq.