Acts 4:36 - ASII LAKDAP Bible (BSI)

³⁶ Riita, ija, ara chongtiikai akhiisii hali, Lewi saüse phan wa maiq weshi, Saipras mung na sitiwe asi riito. Apaiq mang ka Joseph. Kiimwebi raq apaiq ka Barnabas nguta mangto. (Barnabas ngutlaq ka “Tsaiji doketi” nguta ngo).

Hawa Naga Bible 2001

³⁶ Kvkaq Kupru mungx wawc Lewi miqsaz Yosep ngoz yaq waz httax tueq, piq kuex kamx waz hez rueq Barnaba ngoz tueq muingc tueq, (kvruex vlvmz kuex sitenc yatenc hungc vlaungc kuy jix waz ngoc rvtueq),

Muklom

³⁶ Cyprus mung na Joseph ta miing aa ashey Levi phan angta, apostle tang aa piq sha Barnabas ta halta, Barnabas ta “Tin thajongtey.”

Acts 4:36 Referencias Cruzadas

Mark 3:17

Jakob nai ano Johan. Tsangnai ka Jebedi se (Jesuq raq tsangnai mang ka Boanergi nguta mangto.) Kra liichum ka ramok ikha tsüti nguta ngo riito.

Acts 11:30

Tsangshiq raq ara khrum kongphiq jaqmiiq kampho arka riichom lot raütiishe, Barnabas nai Saul ma, Jerusalem na phungtu liiti maiqlare jaq niishe tiikuq kito.

Acts 12:25

Barnabas nai Saul riimin, tsangnai wanhiq khum jaqsham kra lot raüta, Jerusalem miishe pai wan nongto. Tsangnai rai Johan Makaq kiimin shea wan damto.

Acts 13:1

Antiok phungtu na trahoke wanti shammibi nai kamasham bomtsi shrinketibi maiq ka asi riito. Tsangshiq ka Barnabas, Simon (Maiq nyaq we ngutlo), Lusia (Sairini mung wa), Manael (apaiq ka wanghupti we Herod raq atiijong lu wan), kiimaq Saul.

Acts 13:15

Mosheq Thungtri lakdap wa nai Shammibi lakdap wa phat wan jai miishe, sinagok liiwanti maiqlare raq, tsangnai ma, “Phuno we nai, namnai raq tsaido jido bomtsi chongke chang tsishi ra asi jiila, nokwe ngatlaq arma chongke miitu akhing asi miraq,” nguta bom ka tiiwaito.

Acts 13:2

Tsangshiq ka Shiikeawe shomnoq, amang maq achu jaü sitlaq liipan na, “Barnabas nai Saul ka ngi miitu pong na raithü ronglaq. Tsangnai ka i jaq sham miitu, ngi raq ashong kun she,” nguta Asii Wenyi raq tsangshiq ma chongkuqto.

Acts 13:4

Asii Wenyi raq tsangnai ka traho jaqsham wa tiiwato. Krai mren, Barnabas nai Saul ka Antiok maq riita, Silisia na wato. Kra miishe, khamjong mong na sitlaq Saipras mung kiiniishe laijong maq wawanto.

Acts 15:12

Krai mren, Barnabas nai Paul raq tsangnai lümaq, Shiikeawe raq Pongnok phan maiqse ma ümtinkhan wa awang chang nai amao chang jaqsham kuqtaq, kra tsütsa ka tiitai phanchan chongkuq wan kiita, ngongthunti kiimwebi nai phukhu welabi thun tarü raq bom ka sanglili maq tiitsang taito.

Acts 15:2

Paul nai Barnabas ka tsangshiq rai ara bomtsi khuthaq na, pinthum achaq awaq maq riikhiito. Kriikha miishe, ikhla Paul nai Barnabas rai Antiok phungtu wa maiqlare wiijam ka Jerusalem na kilanta kiimwebi nai maiqlare rai bom ka riiwaiki rongkiq ngutiishe bom ka riichongto.

Acts 15:37

Riita, Barnabas riika Johan Makaq kiimin tsangnai rai traho wa wanhiq na shea wan nongro riito.

Acts 15:39

Kriikha miishe, tsangnai liipan na kiq ka atsin miishe riikhii raito. Raütiishe, tsangnai ka traho bom chongke wa ka kongnai niishe riipheato. Raütiishe, Barnabas ka Johan Makaq shea wan raüta, lai maq Saipras mung niishe wawanto.

Acts 21:16

Riita Sisiria wa maiq wiijamti phunainotiim kiimin, naishiq rai adam maq wadamto. Raüta, naishiq ka naishiq düwa chang jamchongti we jam na shea wanto. Apaiq mang ka Mnason riito. Apaiq ka Saipras wang na siti. Apaiq ka man na aphaji niiphü kamasham maiqse dongdii riito.

Acts 21:3

Riita lam na khamjong thaq maq khamjong mong hiq Saipras ka laijong maq rashra chhithü kai. Laita kiimaq shemai nü tiithithi maq jiiqho laita, Siria wang nü na kihokai. Riita naishiq ka khamjong kii hiq Tajar chela niishe saüho kai. Naishiq kai chang laijong maq ahoho piikii chang huk asam thun kriika, kiijaq tiisat wa chang riito.

Acts 27:4

Laita, naishiq ka Sidon chela maq hali tiido wan nongkai. Shatmaq, rahai wa ka naishiq walam nü maq hai wan tlaq kriikha maq, laijong jiiq wan ka atongrea riihoto. Kriikha miishe, naishiq ka khamjong mong hiq Saipras wang khamwiiq rahai tiiwong shat win binjü kiimaq jiiq wankai.

Acts 9:27

Kiijiishe, Barnabas raq Saul ka khrumto. Apaiq raq apaiq ka kiimwebi phaniishe shea wanto. Raüta, Saul raq lam maq Tatiwe rai jamkho riihumtaq, kiimaq Tatiwe raq apaiq ma bom ka jamkho chongkuqtaq, kra thun tsütsa kriishe tsangshiq ma tru chongkuqto. Kiimahali, Saul raq Damaskas chela na, nokmaiqse ma, Jesuq mang na achaq awaq maq tra hokuqtaq kra tsütsa kiimin tsangshiq ma tiitai chongkuqto.

1 Corinthians 14:3

Shatmaq jurwa Shiikeawe tsütsa riisham bom chongkuq tlaq, kriiti ka kongtibi ma chongkuq tlo. Kiimaq tsangshiq ka kamasham rilung na jonglu na khrum kuq tlo. Kiimaq tsangshiq tsaiji kra dokuq tlo. Kiimaq atiijaiq riikuq tlo.

1 Corinthians 9:6

Shea Barnabas nai ngi, nainai wenai riika maiqmii tiidung hea miitu minshiiq chang sha?

Galatians 2:1

Wiiroqshi ri wiiblai jai miishetiq, Barnabas rai Titas min sheaho lata, ngi ka Jerusalem na hali jangki nong kang.

Galatians 2:13

Petar honja kra chhi raütiishe, Jehudinok Phungmaiqsetiim ahinti phunainotiim kriimin she, haisu we Petar tiihaihii tlaq kiikha adam na trai wan damto. Kiimaq, Barnabas dongdii min she, kra tsangshiq haisu kong kra chhi raüta, tsangshiq rai hali trai wan damto.

Galatians 2:9

Jakob, Petar kiimaq Johan, tsangtsam maiqlabi raq santla, Shiikeawe raq ngi ma ara tsankhun tsanwa jaqsham arka kuqto dea, nguta sapto. Krai mren, tsangshiq raq Barnabas nainai min tsangtsam rai kongshi maq, Shiikeawe jaqsham dam tlo, nguta anato jaq shiikamto. Laita, naishiq ka tsangshiq rai adam na nga laita, jaqsham ka akha riiphea wankai. Barnabas nainai riika Pongnok phan maiqse ma, Tsütsa Ahea kra michong kuq wan i, kiimaq tsangshiq riika, Jehudinok phan ma Tsütsa Ahea kra michong kuq wanlaq nguta, Shiikeawe jaqsham kra riiphea wan bom, kiq ri wan kai.

Colossians 4:10

Kiimaq ngi rai phaqtek mong na siti we, Aristarkas riimin namshiq ma salam bomtsi tiitai tlo. Kiimaq Barnabas nangwe Makaq riimin namshiq ma salam bom tiitai tlo, (Namshiq phana Makaq saü wa raü jaq, apaiq ka jamkhii shiikumpan chang wa, kriika namshiq ma kongkhu na atiichong wan wishe).