Acts 4:34 - ASII LAKDAP Bible (BSI)

³⁴ Tsangshiq phong na jumin phaq nai sia na nyi mak dea nguta ju min chamchao mak. Ju jaq niiwa wak lo, jam lo asi, kriiti raq maiqmii tachong hupsam kra asha riito. Raüta, kra sha kampho ka lam wan raüta,

Hawa Naga Bible 2001

³⁴ Tsuinghez nuex rax yaq ngoz tueq vshiz muinz httax muq. Wuik vnax vhttax jix nuiyc yuimx vhttax jix rueq miqmac kox nuex httax yaq htenc kuex shaung vtueq vlvp kuimphox kuex kamx waz hez kox nuex kuq kaz wuez tueq.

Muklom

³⁴ Ning wang utang tho tangshit ahung angta. Chammatakoi utang ma pik aa haq tia him angta, esha sang eq ngin tha,

Acts 4:34 Referencias Cruzadas

Matthew 19:21

Kiijiishe Jesuq raq treto, “Ümniika awongsii maiqshaq ashi ma jawan ro tlaü jiika, ümjam na kilaq. Laüta ümtsiiq ümnyam ümchu wa sitlaq kra wiita asha riilaq. Laüta kra kampho ka miitsan miijan maiqsetiim ma pheakuq laq. Kra riihaü jiitiq ümniika mungtan na chiithe ma mija wan haü. Kra laüta ngi phana wara. Kiimaq i jaqshise ma ja laüta, i jai she phan laq.”

Mark 10:21

Kiijiishe Jesuq raq apaiq phanü na, mangchan lam maq lii raüta apaiq ma akha chongkuqto, “Ümniiraq phanshi jaqsham chang dea asi shaq li. Ümniika ümjam na jangkikiq. Laüta tachong tsiiq anyam ka wiita asha riilaq. Laüta, kra kampho ka miitsan maiqse ma pheakuq laq. Akha riihaü jiila, ümniika ramungtan na chiithe ma mija haü. Kra laüta, i phana wara. Laüta i jaqshi se miishe jawan laq.”

Luke 12:33

Namshiq tachong wiira thun ka wiita sha lanta, kra sha kampho kra miitsan miijan maiqse ma kuq rong laq. Namshiq la kriika thenki mak chang phan kampho tek kra, tiije rong laq. Lanta, namshiq ka Ramungtan na chiithe ma jawan miitu tiije rong laq. Kiijaq tsiiq anyam ka wiihiiki mak miraq. Kiimaq ahuk arot min ahü she miraq. Kiimaq sap achhü riimin phaq mak miraq.

Luke 16:9

Kra ngu raüta, Jesuq raq abom ka akha chongkuqto, “Arkha maq tiina, ngi raq chongtiikang ara: Mangjong hiq wa tsiiq nai nyam armaq athuk atsom jaqsham lanta, namshiq maiqmii miitu, kongti kiimtibi ka lap ronglaq. Krai mren, ümtiikiiwa, ara namtsiiq tum thun kra athum she mirki, kra akhing na, namshiq ka pattup pat-sa jam niishe mitao wan.

Luke 22:35

Kiijiishe, Jesuq raq ajaqshisetiim ma waito, “Namshiq tsan na asi ahiq, ümnap ümji ngi raq namshiq ka Tsütsa Ahea chongke kai tiiki pha ira. Kiitiikaq ngi raq namshiq ma kampho lo, thongkhiiq lo, hokpa lo, min achan naq lamho rongkiq nguta thaü pha riimak sha. Irlak na namshiq wanhiq khumlam maq, namshiq ka phanshi ra na nyi mak dea nguta, chamchao lan sha?” “Jamlai phan miimin thümlit wan mai,” nguta tsangshiq raq apaiq bom ka treto.

Acts 2:45

Tsangshiq raq maiqmii hupchong samchong thun kra shata raüta, kra sha kampho ka, tsangshiq phungtuti liipan na, maiq loweatek ma, jamlai phan niiwa thümlit tlaq, kra tiiphan phan riiphea riinyin raüta sito.

Acts 4:37

Apaiq riimin, ahiq phu bashi shato. Raüta, kra hiq sha kampho ka kiimwebi jaq na kiinong kuqto.

2 Corinthians 8:14

Shatmaq, ümchaü akhing na namshiq ka, arong awin sitlan. Krai mren, namshiq raq nanok juwa, ümchaü athüm alit chamchao tlaq, kriiti ka namshiq raq khrumke chang. Krai mren, namshiq ma athüm alit chamchao ranaiq na, tsangshiq ka arong awin siraüla, tsangshiq raq, namshiq ka mikhrum kuq nong. Akha asiti nai ahüti liipan na, mren mra chhaq maq riiphea riinyin raüta sichang.

TRI CHONGKE 2:7

“Namshiq raq ümchuwa jaqsham wan lan kra Tatiwe namshiq Shiikeawe raq shiiman kuqtaq ira tsan na tiitsang ronglaq. Apaiq raq namshiq ka ara kumtsaiphii bintang jüngi jonghea mung maq laü wan lan akhing phanrap na pinthum shiikum pan kuq wanto. Apaiq ka ara rawii roqblai tingkhit namshiq rai nong nong maq wadamto. Kiimaq namshiq ma jamlai phan wa rongraa wantaq kra apaiq raq thumli kun kun kuqto.

1 Thessalonians 4:12

Akha shongnga han jiila, thatsang maiqse raq, namshiq ka mishreng. Kiimaq namshiq maiqmii ma, jamlai phan wa rong raa tlaq, kra miitu maiqjaq liikai ka raa mak she miraq.

1 Timothy 6:19

Akha singa raü jiitiq tiina, tsangshiq raq rawiichii rilung na, thenki mak phan chaq nai sengtum kra milap. Raüta, pattup pat-sa rilung milap.

James 1:27

Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.