Acts 4:32 - ASII LAKDAP Bible (BSI)

³² Kra Phungmaiqse kong ka tsangshiq tarü, tiima tsantsii ashi maq siwanto. Tsangshiq tarü loweatek raq, jurmin apaiq jaq na jamlai phan hupsam wa sitlaq, kriika apaiq rii li nguta tiima mak riito. Shatmaq, tsangshiq tarü raq maiqmii jaq na jamlai wa asi, kriika kongtibi rai takshi pinshi maq riiphea riinyin phaqsiq raüta shongnga wanto.

Hawa Naga Bible 2001

³² Kvmluimx jix miqsaz htenc kuex thuinz vshiz maq miqmac rueq vlvp hup vsvmx ngoz ruiux muinz, ngvy hup ngvy svmx ngoz muq maq tvroc tvshix shuimx wvnc tueq.

Muklom

³² Uhantey tang waan jaktungna, ning thung nia tinthin ashey angta. Ning ching na chamli tangwang angta esha ning aa iràng ta raaq moq angta, etharin ning aa ira ning thaji ràng ta tathin ta.

Acts 4:32 Referencias Cruzadas

2 KAÜWA WERAÜ 30:12

Kiimaq Shiikeawe ka Juda mung na jaqsham shat riito. Raüta mungmaiqse tsan tsü ka kiqshi tsiimshi ma tiija kuqto. Raüta hokhamwe nai asengi ajong alabi aming ka langwan miitu tsangshiq tsantsii ka tiichhii kuqto.

JEREMIA 32:39

Ngi raq tsangshiq rilung na tsantsii ashi kli she mikuqha: kriika tsangshiq raq Ngi ka rilung pattup pat-sa she mishreng wan. Kriika tsangshiq ma ahea miitu kiimaq tsangsaü tsangsetiim ma ahea miitu.

John 17:11

Riita, ümchaü ka ngi ümphana wawan she. Ngi ka mangjong hiq na simang she. Shatmaq, tsangshiq ka mangjong hiq niili. Asii i We lei! Tsangshiq ka ümmang jong ningkun, ngi ma kuqlaü kriimaq khup wong kuqshat riilaq. Krai mren, nanai jamkho kiqshi maq sitiikai, kiikhiisii tsangshiq min kiqshi tsiimshi maq mishong nga laq.

Acts 1:14

Tsangshiq ka akhing khing na adam na achu jaü, jechakre re rai kiimaq Jesuq ma anyung Meriq nai anotiim thun kra riito riitamtlo.

Acts 2:1

Raroq Biingi Poi akhing saü ranaiq na, kamasham maiqsetiim ka wiita adam maq jamshi na, riitam ngashat riito.

Acts 5:12

Mungmaiqse liipan na kiimwebi raq awang chang nai amao chang jaqsham pahea sham wanto. Kamasham maiqse thun ka tsantsii ashi maq Solomon Jolitiip na riitam ngato.

Romans 12:5

Akhiisii hali, nashiq ka apum wea miika, maiq ka apawiq sitiikai. Li jiimin, nashiq tarü arka, Khristo pum lümaq, weshi ikhli sitiikai. Kiimaq, nashiq tarü arka, maiqpum shi na ahok, ajaq jamkho sitlaq, ikha nashiq min adam na, atiipumke wan wishe. Nashiq tarü arka, pumshili she sitiikai.

1 Corinthians 1:10

Ngi ma nashiq Tati Jesuq Khristo raq, nashiq hupli thaq na shunshea wan arangke kha maq, ngi raq namshiq tarü ma ara tsii chongkuq tiikang; phunainotiim namshiq tarü tiima tsantsii ashi miili sirong laq. Bom riichong tlan na kiqshi tsiimshi maq ri ronglaq. Namshiq liipan na naq tiikhothiq rongkiq. Namshiq tiima tsantsii ka ashi li thü ronglaq. Kiimaq rekhu ashi miili si ronglaq.

2 Corinthians 13:11

Riita, ümchaü sanha, phunainotiim lei, awashejo! Minhap jawan miitu shiichaq ronglaq; ngi tiipaiqnea bom kra tai ronglaq; ari aram maq si ronglaq; hansang maq si ronglaq. Kiimaq lungwii Shiikeawe kiimaq khusang ka namshiq ma misilaq.

Philippians 1:27

Riita, ümchaü namshiq ma akhek pinthum ka, namshiq rilung ka Khristo Tsütsa na jamkhiiwa chong tlaq, kra phanphan singa chang. Krai mren, ngi ka namshiq liiwa wakang lo, kiimaq walap mang lo, li jiimin, ngi raq namshiq ka miitung ashi niili, pharang rang maq chap tlo nguta mitaiha. Kiimaq kra rekhu ashi jaqsham kra ningkhan li, reraüshi maq, Tsütsa Ahea chongke wan jaqsham na misi wan han.

1 Peter 3:8

Riita ümchaü jamlai wa chong kang, kra bomtsi ka ashat she riipha. Namshiq wiitarü ka tiima tsantsii ashi kiimaq chap ashi, nga ashi maq sirong laq. Namshiq liipan na siphu sino ikha riilung riiwii sirong laq. Riimang riichan kiimaq sobsob bombom maq sironglaq.

1 Peter 4:11

Jurwa Shiikeawe bomtsi chongkuq tlan, kriiti riika Shiikeawe kiq wa adeaki ikha, trahoke raa tlo. Jurwa phungtuti ma jaqsham kuq tlan, kriiti riimin Shiikeawe raq akuq ningkun maq shamke wan chang. Kra namshiq liipan na akha jaqsham tlan krai mren, wiitarü raq Jesuq Khristo lümaq Shiikeawe kli mishom ra wan laq. Jesuq Khristo kli pattup pat-sa khushü kiimaq ningkun ajong rümti we. Amen.