Acts 4:21 - ASII LAKDAP Bible (BSI)

²¹ Kra, tai nong raütiishe hali, Rung welabi raq, tsangnai ka tiiphiip miijiip raüta, kiq atsin maq hali, Jesuq mang na nanok ma trahoke maimak dongdii nguta, shiikeng miileng raütiishe, tsangnai kharü ka diibaiq raüta tiiwa baiqto. Jamkhano ngukla, tsangshiq raq tsangnai tiishut chang lam ka hum mak. Kiimaq, mungmaiqse tarü raq, “Shiikeawe raq awang chang shamto. Apaiq ka awangchang Shiikeawe,” nguta Shiikeawe tiitsam kamti siisaq.

Hawa Naga Bible 2001

²¹ Kvkaq Suingdaungx Muingdaungx walaungx bix rueq tsuingnueyc muex kvjaz vtsanz maq honc jungx kuq yek vtueq tvkaz gay tueq. Tsuingshiq rueq tsuingnueyc muex murx tvgurc mvy muq kuex khiz wuez tueq, yvmx khoc lac ngoz ruiux lec miq htenc rueq Tishox muex tvtsvmc kvmc wuez yaq.

Muklom

²¹ Ning aa ning ni ma wey tacho eq qhap chakta, etharin eshi miqwa ni ma jin tsamnang mi ta usam eq ta, chammatakoi chamlang angta tungkang o thaji miqtang aa Shkewa tha tasapsey ta.

Acts 4:21 Referencias Cruzadas

Matthew 15:31

Mungmaiqse raq maiq nütangti thun ka abom asa wa liishe, akü ashiiti thun ka nyea dang dang hea shamhea shamjü she, ahok doqshdoqti thun ka akhum ashiim waliishe, makchuk jaqmiiti thun ka tsangmakpo ka rashe kaü chhai wa ikhiishe tiihea kuq wantaq kra chhi raüta pinthum amaoli she riiwanto. Kiimaq tsangshiq raq Israilnok Shiikeawe ka pinthum tiitsam kam wanto.

Matthew 21:46

Kriikha maq, tsangshiq raq apaiq ka alap ma tanto. Shatmaq tsangshiq ka mungmaiqse ma ahai. Jamkhano ngukla Jehudinok mungmaiqse raq Jesuq ka shammiwe nguta langtlo.

Matthew 26:5

Shatmaq, tsangshiq liipan na, “Nashiq raq apaiq ka Poi bala lap chang ka riimak. Mungmaiqse liipan na makjaq kharong khoti miraq,” nguta bom ka riichongto.

Matthew 9:33

Shatmaq Jesuq raq kra nütang tha ka jobaiq ri li she, kriiwe thatsi ka tiidoqra heakisaq li she, heakito. Raüta apaiq ka abom asa wahea liishe phintsaq she heakito. Kra chhi raütiishe nokmaiqse tarü ka kai awang li she riito. Krai mren, “Nashiq raq atinkhan awang chang jaqsham kaiwa arka Israil mung na chhi mai shaq jo!” ngutiishe tsangshiq ka wangto.

Matthew 9:8

Nokmaiqse raq kra jaqsham ka chhi raüta ahai riito. Kiimaq maiqse ma atinkhan arang kewan kra chhiraüta Shiikeawe ka tiitsam kamto.

Luke 13:17

Apaiq bom tre ka tai raüta, apaiq ngengtibi ka ajiasi riito. Shatmaq, apaiq raq kai awang chang jaqshamtlaq kra chhi raüta, nokmaiqse angu thun kriika, kai chochito.

Luke 20:19

Kra tai raüta, Thungtri shrinketibi nai ramwe jongbi raq, Jesuq ka kriijiili lapholai nguta danto. Kra jamkhano tanta ngukla, kra manphan shiiton maq tsangshiq ka shiitanto nguta sapto. Shatmaq, tsangshiq ka mungmaiqse ma ahai kha maq, apaiq ka lap mak dea riito.

Luke 20:6

Shatmaq, nashiq raq, ‘Maiqse raq akuq,’ nguta ngu hai jiika, arjaq thung tlaq mungmaiqse raq, nashiq ka long maq mitiiq baiq. Jamkhano ngukla, tsangshiq raq Johan ka shammi we dea nguta asap.”

Luke 22:2

Ramwe jongbi nai Thungtri shrinketibi thun ka mungmaiqse ma ahai. Kriikha maq, tsangshiq raq Jesuq ka ahukse maq tsea baiq ma nguta, lampu rit konchon wan shat miishe kheto.

Luke 5:26

Kra chhi raütiishe, tsangshiq tarü ka, kai awang riiwanto. Tsangshiq ka ahai lam maq, “Ümchaü ranaiq nashiq raq, ara awang chang jaqsham jonghea ashi chhi kai!” ngutiishe Shiikeawe ka tiitsamkamto.

Acts 4:17

“Li jiimin, ara tsütsa arka, nanok maiq ahinti raq tai mak chang miitu, atiisang pat baiq chang. Arkha maq, nashiq raq arwe nai arma, tsangnai raq Jesuq mang ka chong raüta, maiq ahinti ma trahoke raa mak she ngutli tiihai chongkuq rong i,” nguta tsangshiq liipan na iiphoto.

Acts 4:22

Riita, ara chongtiikai, Shiikeawe raq awang chang jaqsham raüta, athatsi tiihea kuq tiiwe kriika, wiiroqblai pat maiq riito.

Acts 5:13

Phung na mishang shaqti Jerusalem wa mungmaiqse ahinti ka phungtu na nyap wan raüta, adam na haisea wandam ka khulot mak ahai riito. Li jiimin, tsangshiq raq Phungmaiqse kong ka ahea dea nguta shomra riito.

Acts 5:26

Kra tairaütiishe, peta siihiip we ka asengi petanok sheaho raüta, kiimwebi ka Rung na shea wanto. Kiitiina, tsangshiq raq ningkun ningkaq ka riimak. Ahea miili shea wanto. Nokmaiqse raq tsangshiq ka long maq tiiqbaiq jiiq nguta tsangshiq min ahai ka asi.

Acts 5:40

Tsangshiq raq kiimwebi ka kinphai wa Rung khok na tiiheaki nongto. Raüta, chunpo-nyam chongwai maq petanok ma ninta tiitsatto. Raüta, tsangshiq ma aming atsin maq hali, Jesuq arang maq trahoke maimak nguta aming kuq nongto. Raütiishe, tsangshiq raq kiimwebi ka phaqtek mong wa tiidong baiqto.