Acts 3:19 - ASII LAKDAP Bible (BSI)

¹⁹ Riita, ümchaü min, ara chong tiikai arai mren, namshiq raq maiqmii ngarai ka tiidii tlo ronglaq. Lanta, Shiikeawe wokhong na nyap wan tlo ronglaq. Kra riihan jiitiq, Shiikeawe raq namshiq ngarai kra midii kuq. Namshiq raq kra riihan jiila,

Hawa Naga Bible 2001

¹⁹ Kvkhoc rvtueq Tishox rueq nuimshiq mvrax htenc kuex mdawc kuq kv-phuinx thuinz kvlayc wuez kuinz. Nuimshiq rueq kvkhoc ruez ruiux yuq,

Muklom

¹⁹ Irimal ang ajo nim kaley ang inn, etho Shkewa relnáng ngik inn, piq aa nim ngarey sha tolchak na,

Acts 3:19 Referencias Cruzadas

Tvtsvmc 103:12

Shedong mung ka shenyap mung maq ümloqluwa, kloq na nashiq ngarai thun ka apaiq raq tsuqbaiqtlo.

Tvtsvmc 51:13

Raüla ngi raq ngarai maiqse kong ma ümnaq aming thun mishrin kuqkang, kiimaq tsangshiq ka ümwokhong na hali mijang wan nong.

Tvtsvmc 51:9

Ümmak ka tiichuklaq ingarai thun ka naq liikiq laüta idüwa abi thun kra wiita lambaiqlaq.

ISAIA 43:25

Kiitinkhan taü maq dongdii min, Ngi ka Shiikeawe, ümngarai thun diiketi, kiimaq Ngi raq arthun klotiikang arka Ngi ka Ngi dongdiiwe ngokha maq shamkuqtiikang. Ngi raq ümngarai thun ka ümniima tiihoruq tiiho mang she.

ISAIA 44:22

Ngi raq ümngaraibu ka phumda ikha tsuqbaiqkang she. Ngi phana jang wa nongkiq; Ngi ka ümnaq chhiiti.”

ISAIA 51:11

Ümniiraq tiichhii wan laü thun ka Jerusalem na chojong chise misaü wan. Ashi ange arü ariiq watrang chochikhiq miraq. Tsangshiq ka pattup pat-sa khoriiq shishiiq mishong wan, Pattup pat-sa aho ajü ahüshe miraq.

ISAIA 6:10

Kra nguraütiishe apaiq raq ngi ma chongto, “Arnok khutsai ka ahü ma tiijabaiqlaq. Tsangni ka biila miishe tiijabaiqlaq. Kiimaq tsangshiq mak ka makchuk ma tiijabaiqlaq. Kraimren tsangshiq raq chhimak she, kiimaq taimak she kiimaq takmak she mirlaq. Tsangshiq raq chhi raü jiika, tai raüjiika, takraü jiika iwokhong na miwa wan wa. Raüta tsangshiq ngarai tsi si ka atiihea mirkuqha wa.”

ISAIA 61:3

Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

ISAIA 61:9

Tsangshiq ka maiq mung thun na ajong pinthum miraq; Tsangshiq sham chhiti loweatek raq Tsangshiq ka Ngi raq ashiiman kuqhanok nguta misap wan.”

JEREMIA 36:3

Jursap Juda mungti raq, Ngi raq tsangmung tiithenbaiq wan chongtiikang kra tsangshiq raq tai raüla, tsangshiq tsan nai tsii abi thütlaq kriilo klai raü. Kra nguraü ka Ngi raq tsangshiq ajiq ümchuwa klotlaq kiimaq tsangshiq ngarai thun kra adii mirbaiqha.”

JEREMIA 50:20

Kra akhing she saü wan raüla, Israilnok mung na ngarai ka ahüshe miraq. Kiimaq Juda mung na abi kiimungti ka ahüshe miraq. Jamkhano ngukla, Ngi raq ümchuwa khupwong kuq wan kang maiq thun ngarai ka adiishe mirbaiqha. Arka Ngi, Tatiwe raq toqtan tiikang.”

AJONJÜ 3:40

Nashiq jamkho shongnga tiikai kra, shinlii laita Tatiwe phana nyap wan nong rong i.

AJONJÜ 5:21

O, Tatiwe lei, naishiq ümwokhong na, jangshi ri shea wan nong laq! Richüpat wa lüwa khushü ka, naishiq ma jangkuq nong laq.

EJEKIEL 33:11

Tsangshiq ma chonglaq, Tengteng. Ngi, Tati Rakaü Hiqwe ka atra Shiikeawe. Ngi raq ngarai maiqse ashi tsai wan kra rosi mang. Ngi riika apaiq raq ngarai klo kra thaqbaiq raüta atra siwan kli rotiikang. Israil lei, ümniiraq abi kiimungtlaü kra thaqbaiq tlolaq. Ümniika jaram tsai wa rotlaü?

DANIEL 9:13

Mosheq raq awaiq thü Thungtri lakdap na chongtlaq kra phanphan dea, naishiq ma manson chamchao ka kuqlaü. Shatmaq ümchaü min, O, Tati naishiq Shiikeawe lei, naishiq ka naishiq ngarai lam phan wa ümwokhong na jang wan laita, ümnaq tiichochi wan ka tiima ra mai sitiikai. Kiimaq ümniiraq akuq haü tengteng bomtsi kra phan phan siwan mai riitiikai.

Hosea 14:2

Tatiwe phana jangtlo ronglaq. Akha achu jaü ronglaq, “Naishiq ngarai diikuqlaq. Naishiq achujaü tre laq. Ümniima kiqkhamkuqkai, kra phanphan mishomnoq kai.

Yoel 2:13

Namkhu namkhea chailanta riimak, namtsantsii ka chai lanta, Warong ra, jang wan ronglaq nam Tati Shiikeawe phana. Apaiq pinthum ka mangchan rümtiwe. Apaiq ka pinthum anin wantiwe. Apaiq kiqkham ka tiipoi mak phan. Apaiq ka shokkhot nokhot tsiiti, mra kechang lam wa tsii klaitlo.

Matthew 13:15

Tsangshiq khutsai ka abikai kun she. Tsangshiq ni kiimin alan kai kun she. Kiimaq tsangshiq makpo kiimin achukkai kun she. Kra riimak ngu raü jiika tsangshiq raq michhi wan wa. Tsangshiq ni maq mitai wan wa; tsang khutsai na minyap wa. Raüta tsangshiq ka ngi phana miwa wan wa, kiimaq ngi riimin tsangshiq ngarai ka midii kuq wan ha wa,’ nguta Shiikeawe raq chongtlo.”

Matthew 18:3

Raüta akha nguto, “Ngi raq chongtiikang arka tengteng. Namshiq ka ara nonose akha klai wan man wiiwii Ramungtan ümtiikiimin saü man mirhan.

Luke 1:16

Kiimaq apaiq raq, Israilnok mung maiqse pahea, Tati Shiikeawe wokhong na mitiijang shea wan nong.

Luke 22:57

Kiijiishe, Petar raq, “Maiqnyung, apaiq ka juwa, ngi raq asap min sapmang!” nguta kra nyung kiq ka khiito.

Acts 1:6

Krai mren, kiimwebi ka Jesuq rai adam riitam nga tlaq akhing na, tsangshiq raq apaiq ma, “Tatiwe, riita, ümniiraq Israilnok ma mung ahinti khuthaq na hokham jaqsham wan arang ka ümchaü jaqlo miili she shea mikuq haü?” nguta waito.

Acts 11:18

Tsangshiq raq ara Petar raq chongkuqtaq tsütsa kra tai raütiishe, tsangshiq raq Petar shra bom nyantaq kra diibaiqto. Kiimaq, “Ikhiijiika, Shiikeawe raq ara Pongnok phan maiqse miimin, tsangshiq ngarai kra tiidii miitu, tsangshiq miimin kilü ka dikuqto she dea. Raüta tsangshiq miimin, atra maq si miitu rilung lam she tankuq wanto!” nguta tsangshiq raq Shiikeawe kiishe tiitsam kamto.

Acts 11:21

Tatiwe ningkun ka tsangshiq khum na asi riito. Krai mren, tsangshiq traho bomchong tai raüta, maiq pahea raq Tati Jesuq ma kamwanto.

Acts 15:3

Tsangshiq ka phungtuti raq tiikito. Tsangshiq ka akai lam maq, Phonesia nai Samaria wang lam maq kihoto. Kiimaq tsangshiq ma Pongnok phan raq Shiikeawe ma kamwantaq tsütsa kra tiitai chongkuq hoto. Kra tsütsa ka tairaüta, phunainotiim kunli ka kai khoqriiqto.

Acts 17:26

Apaiq raq maiq ka weshi tiiq wanto she. Kiimaq kriiwe lai wiishetiq, maiqphan ka pahea tiipu wanto. Raüta ara mangjong hiq ara hamli niishe tiisi wanto. Tsangshiq ka ümriiba na shongnga chang wa kra, asi anga wan chang jamkhü wiirü thun kriimin, kongkhu miiphü thapthi wanje she tiihong raüta thü wanto.

Acts 2:38

Kiijiishe, Petar raq tsangshiq bom ka akha treto, “Namshiq maiq loweatek raq, maiqmii ngarai ka tiidii wan raa tlo. Lanta, Jesuq Khristo mang na kham lam wan raa tlo. Kra riihan jiitiq, Shiikeawe raq namshiq ngarai kra midii kuq. Kiimaq, Shiikeawe raq akuq kongphiq Asii Wenyi kra namshiq raq milap han.

Acts 28:27

Ara jamkhano ngutiikang ngukla, arnok sung atsii ka alamlatkai wishe; kiimaq tsangshiq ni ka alankai wishe. Kiimaq tsangshiq mak ka amiikai wishe. Kiikha riimak ngu raü ka, tsangshiq raq mak maq michhi wa, tsangshiq raq ni maq mitai wa, tsangshiq sung atsii ka tsangrakrak maq misap wan wa. Raüta tsangshiq ka ngi phana miwa wan wa, kiimaq ngi raq tsangshiq tsisi ka, wiita mitiihea kuq wanha chang wa, raüta tsangshiq ka, hansang maq singa wan chang wa,’ ” nguta Shiikeawe raq chongtlo.

Acts 3:20

Tati Shiikeawe raq namshiq ma wenyi rilung na phintsaqtsaq hea miishe siwan miitu, akhing ahea mikuq. Apaiq raq namshiq miitu, Jesuq ka Khristo nguta man niiphü ashong wan kun she dongdii. Krai mren, apaiq ka namshiq phaniishe mitiiki.

Acts 3:21

Shiikeawe raq awokhong na siti asii shammibi nübok maq, man na rathup rapha richü pat na, riisham bom tiichongtaq kra phanphan, Jesuq ka ramungtan na siruqli she misi wan. Apaiq ka Shiikeawe raq, ara phanrap ra nai hiq sitlaq ara, tingsang anye ma tiija wan rahiq akhing saü tlaq kiijaq saüli, ramungtan niili she mitiisi.

Romans 11:25

Phunainotiim lei, ngi raq ara apaü raüta athü wan, tengteng bomtsi ara namshiq ma chongke wan rotiikang. Arka namshiq raq sap wan chang akhek sitlo. Kra sap wan han jiila, namshiq tsan na, “Naishiq Pongnok phan maiqse dea taksu maiqse,” nguta tiishom ra man mirhan. Riita, ara chong tiikang tengteng bomtsi ka ara. Ümchaü Israilnok tsantsii wanshakshak rüm tlaq arka, pattup akhli ka wanwan mak miraq. Arka, Pongnok phan maiqse ka Shiikeawe puk na ümtinkhan shang wan chang wa siwan tlaq, kra thun kra kunli she shang wan akhing ranaiq na saüli niili Israilnok tsantsii ka mitsin wan.

2 Thessalonians 1:10

Arka Tatiwe raq, apaiq saükai akhing Ranaiq na, apaiq phan amaq maiqse thun raq, apaiq khushü tiima shreng tlaq, kiimaq maiqse ümchuro apaiq ma kam tlaq, kriiti thun raq, apaiq tiishomra tlaq, kra akhing ranaiq na mirairii baiq. Naishiq raq Shiikeawe bomtsi ka namshiq ma chongkuq kai. Krai mren, namshiq raq, kriima kamwan lan. Kriikha maq, namshiq thun kiimin, kra ranaiq ka ara chongtiikai, asii maiqsetiim rai misi wan dam han.

2 Thessalonians 1:7

Kiimaq namshiq ümchaü chamchao tlan ka, atiiwong mirkuq. Kiimaq naishiq armin atiiwong mirkuq. Shiikeawe raq ara khaphoke arka, Tati Jesuq Khristo ka apaiq rasetiim ajong alabi thun sheaho raüta, rawang win na akai rai saüho tlaq akhing ranaiq na mipho kuq wan.

2 Timothy 2:25

Apaiq riika, apaiq ngengsengti ma tsii chongkuq tlaq akhing niimin, tsan nin woknin maq chongke lili chang. Jamkhano ngukla, jursap, apaiq raq akha bomnin se maq trap ru chongkuq tlaq kra lümaq, lamjiq na kaihotibi ka, Shiikeawe raq tsangshiq tsantsii ka klai wan miitu, akhing ahea moke wan miraq. Raüta, tsangshiq raq tengman tlaq bomtsi ka mosap wan miraq.

Hebrews 4:1

Riita ija, ümchaü min la, Shiikeawe raq nashiq ma nütiitsak raüta sichang hiqshong kra mikuq kang nguta kiq khamkuqto. Ara khamkuqtaq nütiitsak raüta sichang mungtan kriika, nashiq miitu. Riita nonai notsam lei, Shiikeawe raq namshiq phong wa maiq ka weshi min, ara chong tlaq niitiitsak chang mungtan na saü lot man miili, ajiq we nguta lamkam pii miili tiidea baiq mak chang miitu, hon atsii tiitsang tiitsang maq si rong laq.

1 Peter 2:25

Man na, namshiq ka skuse kong tsangshiq lam tiimii raüta, rum na amiiki ikha silan. Shatmaq ümchaü sanha, Sku Rümti we kiimaq namshiq tsaiji Rümti we Khristo wokhong na hali tiijang shea nongto.

2 Peter 3:8

Lungwii phunotiim lei, kiitiina, namshiq raq akhek ara bomtsi ara tsan na atsi dada maq shaq lanta sirong laq! Tatiwe riika nashiq raq wea wan tiikai ikha rahiq jipi ka alu atoq ngutiika wea mak. Apaiq miika rawii hingshi kiimin ranaiq shi asi ikhli atoqseli. Nashiq miika ranaiqshi ka atoqse. Kiimaq rawii hingshi kriika luhea nguta wea tiikai. Shatmaq Tatiwe miika rawii hingshi nai ranaiq shi ka adam li. Atiikhothiq kai chang ka ahü.

Revelation 21:4

Apaiq raq tsangshiq makphai ka wiita she mitat kuq. Kiijaq maiqse ma atsai ngutiika ahü she miraq. Ajü amii, aho anyi, kiimaq atsi asi ngutiimin ahü she miraq. Ra chü hiq chü ka wiita pan wanto she.”