Acts 3:17 - ASII LAKDAP Bible (BSI)

¹⁷ “Riita, ümchaü min, i phu i notiim lei, namwelabi raq nai namshiq raq, Jesuq tsatbaiq lan kriika, namshiq raq ajiq dea klo kai nguta sap man kha miili dea, kiimung lan nguta ngi raq asap ha.

Hawa Naga Bible 2001

¹⁷ “Majuiuc yuq muinz phunox bix lex, nuimshiq nuiyc nuimshiq muex walaungx bix rueq Yesu kuex tuiuz muit rvtueq ruez gay tuit lvmz ngaz rueq tuiuz vshaungx.

Muklom

¹⁷ “Ipho notang, nga sam eq ang, nim nia nim walang tang aa chamtho sam hunga iritang raa somlo tin.

Acts 3:17 Referencias Cruzadas

RAPHA HIQWA LAK 21:26

Abimelekh raq treto, “Kriika jurwa klota ngi raq sap mang. Ümniiriimin ngi ma chong maü dea. Kiimaq ngi riika ümchaütiq taitiikang.”

RAPHA HIQWA LAK 39:8

Shatmaq apaiq raq tremak riito. Kiimaq apaiq ma akha chongto, “Liilaq. Ngi arjaq asi kha maq itijongwe raq ara jam kun miitu jam min chapa mak she. Apaiq raq ngi ma apaiq tachong hupsam kunli khuthaq na liiko wan miitu arang kuqto.

RAPHA HIQWA LAK 44:15

Kiijiishe Joseph raq nguto, “Namshiq raq jamlai wa riilan? Ngi akha ajong ala maiqse riika langlii lata, namshiq raq jamlai wa klo tlan kra michhiha ngo ka sap man shea riilan?”

DUNGWVNC 32:1

Ümtiikiiwa mungmaiqse raq Mosheq ka pum wa satki mak she, rahiq ka luhea she kiijaq siraiho kiita, tsangshiq ka Aron tro na riitamto raüta, apaiq ma akha nguto, “Nashiq ka Ejip mungwa shea wantiwe Mosheq ka jamkhii she wa jakita nashiq ri sapmai. Kra ningkhan nashiq shun sheati phra kaü ashi hailaq.”

WEAWEA 22:6

Tsangshiq ka naishiq thaq na achan pahea. Kra ningkhan, mangchan laüta ümniika ana kira. Laüta tsangshiq khuthaq na ngi miitu man sonlaq. Jursap kra nguraü ka naishiq raq tsangshiq ka khat laita mitanghai min lo riila. Laita tsangshiq ka naimung wa mijobaiq lot hai minlo riijiiq. Ngi raq asapha, ümtiikiiwa ümniiraq maiq ma ramram kuq tlaü, raüla maiq raq achu shiiman laptlo. Kiimaq ümtiikiiwa ümniiraq maiq ka ason riitlaü, haüla kriiti ma manson tiini kitlo.”

Luke 23:13

Kiijiishe, Pilat raq ramwe jongbi, welabi nai mungmaiqse thun ka adam na heato.

Luke 23:34

Kiijiishe, Jesuq raq, “I We le, tsangshiq ngarai ka adii riikuq laq! Tsangshiq raq jamlai wa klo tlaq kra sapmak,” nguta nguto. Tsangshiq raq langlii raüta, apaiq khea ka tsangshiq liipan na riipheato.

John 15:21

Shatmaq, namshiq ka i sengi ngo kha maq, tsangshiq raq namshiq ka mihaihii wan. Ara jamkhano chongtiikang ngukla, tsangshiq raq ngi tiikaiti we ka juwa sap mak.

John 16:3

Tsangshiq raq, Awe nai ngi ka juwa kra sap mak kha maq, namshiq ma ara chong tiikang chamchao thun ara mitiisaü wan.

John 7:52

Kra tai raütiishe, tsangshiq raq, “O, ngo mai ri ahea kata. Ümniikiimin la Gelili hiqshongti sii dea riimak sha? Asii Bomtsi ka samhea phat laüta liiwan liina. Laüta, Gelili hiqshong wiika Shiikeawe shammi ka dong mak nguta bom chongtlaq kra misap haü,” nguta apaiq bom ka treto.

Acts 13:27

Akha riishatmaq dongdii min, Jerusalem na siti mungmaiqse nai tsangshiq shunsheati welabi raq, apaiq ka Chhiiti we dea nguta sapmak riito. Kiimaq Asii Niitiitsak ranaiqtek na, shammibi bomchong lakdap phat wan tlaq kra liichum kriimin takwan mak dea riito. Li jiimin, tsangshiq raq Jesuq tsatbaiq raüta, kra lümaq shammibi bomchong kra khoti tiikupi wanto.

Acts 22:5

Ara ngi raq bom chong tiikang arka tengto dea nguta, Ramwe Ajong Pinthum we nai Jehudinok Rung welabi tarü raq asap. Tsangshiq raq nashiq nok Damaskas chela na siti welabi ma, lak waiq raüta, i jaq na tiiho wanto. Krai mren, ngi ka ara chongtiikai Lamjong ara phan wantibi maiqse angu thun kra Damaskas chela wa lap wa lata, tsangshiq ka kharü maq khaho lata, ara Jerusalem chela na hitho ma nguta, kiimaq tsangshiq ka Rung welabi raq kharü maq kha raüta mitiichamchao laq nguta, tsangshiq lap wa kiina wawan kang.

Acts 26:9

“Ngi raq dongdii min tiima wankang, Najareth hiqti we Jesuq lamphan wantibi thun ka wiita shiithen baiq hajaq nguta kai shiikut chaq wan kang.

Acts 28:21

Kra tai raütiishe, kiijaq Rom na siti Jehudinok welabi raq treto, “Ahü la, naishiq riiha ümkhu thaq seng raüta, Judia wang wa lak awe jam min lap mai la. Kiimaq nashiq nok kiinü mung maq awati jurmin, ümnaq tsütsa ka naishiq ma tiitai chong wan mak dea. Kiimaq ümkhu thaq na abi ati bom jamlai min chong wan mak, ahü taishan wan mai dea.

Acts 7:40

Kriikha miitiina, tsangshiq raq Aron ma, ‘Naishiq shunshea wanti phra sumla wiijam hailaq. Ejip mung wa naishiq shea wanti we Mosheq arkla, jamkhii she wa jasha kita naishiq ri sapmai,’ nguta shiitepto.

Romans 11:2

Shiikeawe riika, apaiq raq hiqpha rawa miiphü atsea arwan, asengi shaq ka shubaiq tlii ka, shubaiq mak dea. Asii bomtsi na Elija raq Israilnok ka Shiikeawe ma kamwan mak riitlo nguta shra wan bom chong tlaq kiijaq, Shiikeawe raq Elija bom ka jamkho tretaq kra namshiq raq phat tlan ahiq na. Elija riika akha achu jaüto.

1 Corinthians 2:8

Ara mangjong hiq langtibi hokhambi thun raq, ara phaqchi arka jurmin sap wan lot mak riito. Tsangshiq raq ara sapshat ngu raü jiika, achhai anyii Tatiwe ka pumsongkham na tübaiq mak mirwa.

2 Corinthians 3:14

Riita, tsangshiq Israilnok khutsai kilü ka shaqje she riito. Krai mren, ümchaü niitaq saüli tsangshiq khutsai kilü ka tiishaq shatli sitlo. Krai mren, ümchaü niitaq saüli tsangshiq khutsai ka ara achü tongshong lakdap phat wan tlaq akhing tek na, kra khea phu raq tsangshiq khutsai makpo ka pangshat li pangtlo. Riita, kra tsangshiq mak pang chang khea phu ka jurwa Jesuq Khristo ma kam tlaq, kra akhing niishetiq tlinki tlo. Kriika Jesuq raq linkuq tlo.

Ephesians 4:18

Kiimaq tsangshiq khutsai kiimin khang mak. Ranyaq tangtang li sitlo. Tsangshiq riika Shiikeawe raq akuq rilung anye lamphan wa alap wandam chang min ahü. Ara jamkhano chongtiikai ngukla tsangshiq raq, jam min sapmak. Kiimaq tsangshiq ni ka wanshakshak, chongkuq raü min taimak phan.

Philippians 1:22

Shatmaq, rilung alu siha jiika, sham akai ajong sham chang dea asi shaqli. Riita, riikhaqli ka tsang mang shaqli. Ara anai arwa ümriiti tsea wan chang wa riijiiq.

1 Timothy 1:13

Ngi raq man na, phung na mishang wan ha shaq na, apaiq ka shulii wan kang. Kiimaq apaiq ka ngeng wan kang. Lata Phungmaiqse ka shiikeng miileng, rachhai ralüp longliiq wankang. Li jiimin, Shiikeawe raq, ngi ma apaiq mangchan tsii kli khoti tiichhikuqto. Ara jamkhano chongtiikang ngukla, kra akhing na ngi raq, i shutphit lam ka chhi phaq mang dea lea wan kang. Jamkhano ngukla, kiitiikaq ngi raq apaiq ma mikam wanha shaqli riikang. Kriikha maq, ngi shut lam ka sap mang dea lea wan kang. Kiitiikaq i tsii ka chhi mang shaqli lea wan kang.