Acts 28:3 - ASII LAKDAP Bible (BSI)

³ Paul raq chinthiq setiim ka hiq wa riichomto. Raüta apaiq ka chinkii setiim ka wa na phong chaq rea riito. Kra liipan bala, paüse ashi ka waketsi ma chinthiq mong wa dongki saq raüta, Paul jaq na dakho tlii maq kaqhoto.

Hawa Naga Bible 2001

³ Polu rueq janx tul tulshiz kuex lvmz vtueq wvr nuex jauk tueq, kvkaq wvrluic tv-ngulc rueq janx tul mungx kvwawc puiuc vshiz dung kaz vtueq piq yauk nuex rvwaungx kaz tueq.

Muklom

³ Paul aa chan tha som eq wal tak atho ashey pu eq ujak o kak ta.

Acts 28:3 Referencias Cruzadas

YOBA 20:16

Abiwe raq jamlai wa joktlaq kriika awok mong na liipu ma jakitlo, kriiraq apaiq ka paü raq athaü ikha tsat baiqtlo.

ISAIA 30:6

Arka shemai nü na rumnyangkhi kumtsaiphii binjü na siti rum nyamsekong miitu achongkuq Shiikeawe tsütsa: “Kiimwebi kong ka, athaiq aha lam maq, rum lam hangsikong sichang, paüsang nyiqla sichang, kiimaq arakong asi bitlaq phan pren kaütiim sichang bintang jüngi lam maq khumtlo. Tsangshiq raq tsangshiq kumtoq kong nai kumtsong kong ka tsangmungti ma jamlai khrum kuqlot makti mung kriima kongphiq keho miitu athü tsinhea phan hupsam thun kra miito.

ISAIA 41:24

Namshiq nai namshiq raq klotlan ka atuli shaqmii; namshiq noqti kong kiimin maiqphai asi kong!

ISAIA 59:5

Namshiq raq abi thiikho thutlan kriika paüsang nyiqla kaü tai phong ikha. Maiq tseabaiq chang achok araq lai phan klo tlan. Kra paü taipo kriishe tiibun kiiq raüla, paüse se dongki tlo! Shatmaq namshiq raq abi thiikho thütlan kra riika namshiq ma jamlai achu shiiman ahü. Kriika chiiqkiiq mü wa rai lam raüta khea ataq ikha. Jamlai taichang min riimak!

AMO LUIK DVP (AMOS) 5:19

Kra ranaiq akhing ka, maiq weshi ka hangsikaü raq jowan raüta aju, chapbi kaü rai riihum rainong tlaq ikha miraq! Kiimaq maiq weshi ka wakmaq awa ajam na saü, ajaq hiqkhu chong na arwiiq, kiiwa paü raq athaü ikha miraq!

Matthew 12:34

Namshiq ka paüsang nyiqla kong! Namtsan mong na anyaq rüm wan tlanti raq, bomhea ka jamba wa hum lanto mibom han? Maiqse tsan mong na jamlai phan wa sitlaq, kriili apaiq raq anübok maq mibom.

Matthew 23:33

Namshiq ka paüsang nyiqla setiim kiimaq paüsang nyiqla phan! Wamungtan na tiidea wan tlaq kra wiika jamkhii mitiichhii rong i nguto tiima tlan?

Matthew 3:7

Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?

Mark 16:18

Kiimaq ümkhiimiiwa, tsangshiq raq paü ka jaq maq shamrat raü min, kiimaq achok araq phan phaqsiq rat raü min, tsangshiq khum na taimak miraq. Tsangshiq raq maiq atsi asiti dü na jaq maq sham raüta achu mijaü kuq. Raüla, atsiti thun kra mihiaki.”

Acts 28:2

Kiijaq siti hiqshong maiqse ka naishiq rai abom anai aheawiq riito. Kiitiikaq ra hali junho nongto. Kiimaq rasong hea riito. Kriikha maq tsangshiq raq naishiq ma wa chaqkuq raüta, lungwii tsan- tsii maq naishiq ka taoto.

Acts 28:4

Kriiwa, noktibi raq paüse ka Paul jaq na tiipaq raü kra chhito. Kiimaq kra chhi raüta, tsangshiq nai tsangshiq liipan na akha riichongto, “Arwe arkla maiqtseati matwe dea sham! Apaiq ka khamjong mong na tsai chang wa lunto. Shatmaq, Tingting phra kaü raq apaiq ka tiihang mak she sham arja wa,” nguta tsangshiq liipan na riibomto.

2 Corinthians 11:23

Tsangshiq ka Jesuq Khristo jaqshisetiim dea sha? Ngi ka angi we ikha bomrai tiikang, tsangshiq nam ma, ngi ahata riikhaqli jaqshise nguta sitiikang we! Ngi raq tsangshiq nam na achan jaqsham tiikang. Ngi ka tsangshiq nam ma, phaqtek mong na jang apa shaqto. Ngi ka tsangshiq thaq na apa chunpo-nyam chongwai maq tsat wanto. Ngi ka tsangshiq nam ma, jang pahea atsai chang wa lun wan kang.

2 Corinthians 6:9

Naishiq ka manghü rahü ikhli sirai tiikai. Shatmaq naishiq ara wiitarü raq asap. Naishiq ara atsai kaikun she ngo chang chang ikha sirai tiikai. Shatmaq naishiq ka atrali ngashat shat sitiikai. Naishiq arka, maiq raq ümtinkhan wa jahea jinhea maq tiichop wan tlo. Shatmaq naishiq ka tsai mai li riishatshat, atrali sitiikai.