Acts 27:3 - ASII LAKDAP Bible (BSI)

³ Kiimaq napjai ranaiq naishiq ka Sidon chela na saü wan kai. Julias ka Paul ma mangchan asi riito. Krai mren, Paul ma jamlai phan wa rong raa tlaq, kra akongtitiim raq mikhrum kuq laq ngo maq, Paul ka akongtitiim rai riihum nai riibom riinyiim, ahai asea lam miili shea wanto.

Hawa Naga Bible 2001

³ Raungnvp kvyix nuiyhez kuex Sidon ghaq nuex httuiuc kaz tiq. Juliu rueq Polu muex menjenc vtueq vkungjix bix kox nuex tvrvhumc kaz vtueq, piq muex rax yaq phvnx htenc kuq noalx shuimc kuy shec tvkoc vkhangx kuq tueq.

Muklom

³ Saal dak o í Sidon mung náng thuti. Julius aa Paul ma rapney tinshitta etho piq ma chamlang ràa aa sha kotma piq tha unokwa tang jamoq tachong ma kot ta.

Acts 27:3 Referencias Cruzadas

RAPHA HIQWA LAK 10:15

Kanan setiim ka, Sidon, apaiq ka chhikhuwe pinthum. Kiimaq Heth, tsangnai kiiwa tsangnai mangponti maiq phan thun ka puwanto.

RAPHA HIQWA LAK 49:13

“Jebulun ka khamjong chumkii na misi. Apaiq kham jong chumkii ka sangpho lai phong khing chang miraq. Apaiq mungtan hiq rai ka Sidon hiqshong kiina saüli miraq.

ISAIA 23:12

Sidon chela lei, üm chochi rilung ka thumto she. Kiimaq ümsenginok ka shumraü kharii mong niishe chamchaotlo. Tsangshiq ka Saipras mung na tiipaü laüho raü min, tsangshiq ka lunlot mak miraq.

JEKERIA 9:2

Kiimaq Hadrak mungti tho na siti Hamath mungti miimin, kiimaq Tajar nai Sidon chelati pinthum taksunok miimin, tsangshiq khuthaq niimin Tatiwe maklii sitlo.

Matthew 11:21

“O, Khorajin chelati le! Namshiq ma phiiptsi chang asi jo! Kiimaq Bethsaida chelati le! Namshiq miimin phiiptsi chang asi jo! Ngi raq namshiq makki na ümchuwa awang chang jaqsham wankang thun kriika, Tajar nai Sidon mung na sham wan ha jiika, tsangshiq raq man niiphü thoila thum sam raüta, kiinyiikhiq maq makphai khüshang raüta, tsangshiq khakam na tapkhu maq nyat raüta, tsangshiq ngarai kra tiidii maaho manyi mihoqsiq wa!

Acts 12:20

Herod ka Tajar nai Sidon chelati ma tsankhiq hea riito. Kriikha maq, kra chela anai wa mungmaiqse welabi thun ka Herod rai riihumkai kito. Tsangshiq raq apha na tsangshiq khrumke miitu, hokham we jam kheti we Blastas ka kongkhu na tsangshiq kiimwe ma tiija ma nguta tiijom na wanto. Raütiishe, Blastas ma tiishea raütiishe, tsangshiq ka Herod pha na riihum wa wato. Raüta, Herod ma, ari aram miidea singa rong i nguta, bom ka tiitai chong wanto. Jamkhano ngukla, tsangshiq chela anaiti raq aphaq asea chang raipo wonglo thun kriika hokhamwe sengi jaq wa riphaq siqtlo.

Acts 24:23

Raüta, apaiq raq Paul liiti phentuwe kiima, Paul ka phenlabi ma tiikheshat maq thülaq nguta aming kuqto. Shatmaq, apaiq ka aje na tiimeshi khumshiim ka naq tiiwinkiq. Kiimaq apaiq ma akhek anaq jamlai phan wa rongra tlaq, kra thun kra khrum liiko kewanti, apaiq kongtibi watlaq kriika naq tangtakiq nguta bom ka chongkuqto.

Acts 27:1

Riita naishiq ka Rom na wachang she nguta bomshat wantaq krai mren, tsangshiq raq Paul nai phaqtek na siti maiq shumwi kong wiijamti ka phentuwe Julias jaq na kiinong kuqto. Julias ka “Hokham we Rejiment” phentu pengti phong wa siihiip weshi riito.

Acts 27:43

Shatmaq, phentujong we raq, Paul ka tsatjiiq nguta apaiq tiichhii kewan miitu, phenlabi ma shumwi kong ka atsea raa mak nguta tiiwinto. Kra rii na, apaiq raq maiq ümchu riiwa jüwai atsin, kriiti thun ka kongkhu laijong maq kham na doq rong laq; lanta tareko kiina wai wan tlo ronglaq nguta aming kuqto.

Acts 28:16

Kiimaq naishiq ka Rom chela niishe saü wan kaita, Roman hokham raq Paul ka apaiq honhon jam ashi niishe tiisito. Kiimaq apaiq ka phenla weshi miili tiikhe raüta tiisito.

JOSHUA 19:28

Raüta Ebron, Rehob, Hammon, kiimaq Kana kriithun tiiham wan raüta, shekhu nü pinthum tiisup na Sidon chela kriijaq tiisupto.