Acts 27:1 - ASII LAKDAP Bible (BSI)

¹ Riita naishiq ka Rom na wachang she nguta bomshat wantaq krai mren, tsangshiq raq Paul nai phaqtek na siti maiq shumwi kong wiijamti ka phentuwe Julias jaq na kiinong kuqto. Julias ka “Hokham we Rejiment” phentu pengti phong wa siihiip weshi riito.

Hawa Naga Bible 2001

¹ Vyungx vlaungx bix rueq nuiyhez kuex svngpholix maq Italy mungx nuex kay tvkoc htvp htaz lot yix maq, Polu nuiyc khoktep wawc miq wvyvmc kuex Agustu nolaungx bix guimz jix waz Juliu ngoz yaq vyungx vlaungx waz yauk nuex tvshuk lekuq tueq.

Muklom

¹ Í italy náng kat ma ning aa tathin ta, ethi rangma ning aa Paul etho chukna tongtey adak miqtang ma Julius ta thamiing aa ashey ralkoltey tang solwa ma kotchak ta. Piq “Ajong lungwang ralkoltey waan tang” ta thamiing aa Rome ralkoltey waan wang angta.

Acts 27:1 Referencias Cruzadas

RAPHA HIQWA LAK 50:20

Namshiq raq ikhu thaq na abi klo lan. Shatmaq Shiikeawe kra mat raü ka ahea miitu wiiqbaiqto. Kra mra pintaq kra lümaq ümchaü ranaiq maiqse pahea atra sitlo.

Tvtsvmc 33:11

Shatmaq apaiq raq jamlai kiimung wa sürii tlaq kriika pattup mitsing; apaiq raq kiimungtlaq kriika pattup pat-sa misi wan.

Tvtsvmc 76:10

Maiqse tsankhiq riika ümnaq tiitsamkam tiijong wan chang li saütlo; re jaqsong atiichongti raq ümnaq shomra poi thun kra milang wan.

TAKSU LAK 19:21

Maiqse riika phanrap sham-akai mithapthi. Shatmaq Tatiwe raq, tiimatlaq kriili mihong wa.

AJONJÜ 3:27

Kiimaq arningkhan tsankhun maq, jeroji na nin laita siwan riiwe ka ahea.

DANIEL 4:35

Apaiq maklii na mangjong maiqse ka, hiqtilise ikhli liitlo; ramungtan na siti rasetiim nai, mangjong hiq na siti maiqse, apaiq jaqkhon mong na thütlo. Apaiq raq jamlai wa thapthi tlaq, juwe riimin tangta lot mak, kiimaq jurmin apaiq ma wailot mak.

Matthew 27:54

Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.

Luke 23:47

Phentuwe raq arthun ara chhito. Kiimaq apaiq raq, “Ngohea dea, apaiq arka kechu maiqse dea,” nguta Shiikeawe ka tiitsamto.

Luke 7:2

Kiijaq Roman phentuwe ashi asi. Aluqkhap se ka apaiq raq kai mangchantlo. Aluqkhapse ka tsihea, tsaija chhunja.

Acts 10:1

Sisiria chela na siti maiq weshi asi. Apaiq ka “Itali wa aki phen Rejiment,” kra pengti we phentuwe.

Acts 10:22

Kiijiishe, “Kepten Kornelias raq tiikito,” nguta tsangtsam raq treto. “Apaiq ka maiqshaq. Shiikeawe shomnoqti. Apaiq ka Jehudinok tarü raq kai shrengtlo. Rase ashi raq apaiq ma ümniika tiiheakikiq nguta chongkuqto. Arka ümniiraq apaiq ma jamlai chongke chang wa, kra miitu tiihea kito.”

Acts 16:10

Paul raq kra riisham bomchong kra chhi raütiishe, arka Shiikeawe raq naishiq ka Mesidonia wang na siti mungmaiqse ma Tsütsa Ahea kra chongke wa miitu she heatlo ngutiishe tak kai. Krai mren, naishiq ka tlothit li she, Mesidonia wang nü na lai maq wawan miitu she tiijeme wan kai.

Acts 18:2

Apaiq raq kiijaq Jehudi we weshi, amang min Akoila ngutlaq kriiwe rai she riihumto. Akoila rawüchhi chang hiqshong ka Pontas wang na. Apaiq ka Roman Hokham we klaudias raq Rom chela na siti Jehudinok thun ka wiita tiijin ra tlo nguta amingke kha maq, tsang-nyung Prisila tsangnai ka Rom maq laükai nye li riito. Paul ka tsangnai rai riihumkai kito.

Acts 19:21

Riita arthun sham akai ara kun wan lot jai niishe, Asii Wenyi raq shun shea kha maq, Paul raq kaisia walam miitu bom ka, Mesidonia wang nai Akaia wang binjü maq riita Jerusalem nü niishe miwa wan ha nguta, atsan tsii ka atiinyi wan wishe riito. Krai mren, apaiq raq akha nguto, “Ngi raq arthun maiq mung arjaq wawan jai she ka, ngi ka, Rom chela niimin waraa dongdii she miraq,” ngutiishe apaiq traho bomchong wanhiq khumshiim lam kra thapthi wanto.

Acts 21:32

Kra tairaütiishe, phentujong we ka siihiipbi nai phenlabi ka sheaho raütiishe, tlat chhat, mungmaiqse brak rai tlaq ba kiijaq juto. Mungmaiqse raq siihiip jong we nai phenlanok kra chhi raütiishetiq, tsangshiq raq Paul buk rea jaqmiiq ka tsaqto.

Acts 22:26

Kra tairaütiishe siihiip we ka siihiipjong we phana wa raüta, “Ümniiraq ara jamlai wa riiholaü? Kriiwe ka Roman Hokham sengi nokti we ngu tlaq kata!” ngutiishe bom ka siihiip we ma chongto.

Acts 23:11

Kra rawa na Tatiwe ka Paul rai adam chapto. Raüta, apaiq ma, “Ümniika naqhaikiq! Ümniiraq arjaq Jerusalem na i ruk i kiimwe ma jamkho jawan laü, kiikhiisii hali, Rom chela niimin hakhi kewa raa tlo,” nguta ningkun shoqke bom hali chongkuqto.

Acts 23:17

Kiijiishe Paul raq kiiwa phentubi wa weshi ka hea raüta, “Ara norii we ara siihiipjong we phana shea wan rong laq. Apaiq raq siihiipjong we ma tsütsa tiitai chang asi,” nguta tsangshiq ma bom ka tiitaito.

Acts 24:23

Raüta, apaiq raq Paul liiti phentuwe kiima, Paul ka phenlabi ma tiikheshat maq thülaq nguta aming kuqto. Shatmaq, apaiq ka aje na tiimeshi khumshiim ka naq tiiwinkiq. Kiimaq apaiq ma akhek anaq jamlai phan wa rongra tlaq, kra thun kra khrum liiko kewanti, apaiq kongtibi watlaq kriika naq tangtakiq nguta bom ka chongkuqto.

Acts 25:12

Kiijiishe Phestas raq apaiq khrumti phowebi rai kongkhu riiwaiso raütiishe, Paul ma, “Ümniiraq Roman Hokham we ma shoklaü krai mren, ümkha ka Roman Hokham we phana walaütiitiq riipho wakiq” ngutiishe chongkuqto.

Acts 25:25

Shatmaq ngi raq apaiq kha ka pho wan kang, lata lii wan kang. Shatmaq, apaiq dü na apaiq miisaq thumli chang khü akha ka jam min ahü chhi wan mang dea. Kiimaq apaiq raq maiqmii nü maq apaiq kha ka Roman Hokham we rung niishe shokto. Krai mren, ngi riimin apaiq ka Hokham we phana tiiwa chang ngutiishe tri ka shat kang she.

Acts 27:11

Shatmaq phentuwe ka laijong jiiqti we kepten we nai laijong tatiwe raq achong bom kli taito. Paul raq achong bom ka taimak dea.

Acts 27:43

Shatmaq, phentujong we raq, Paul ka tsatjiiq nguta apaiq tiichhii kewan miitu, phenlabi ma shumwi kong ka atsea raa mak nguta tiiwinto. Kra rii na, apaiq raq maiq ümchu riiwa jüwai atsin, kriiti thun ka kongkhu laijong maq kham na doq rong laq; lanta tareko kiina wai wan tlo ronglaq nguta aming kuqto.

Acts 27:6

Maira chela na, naishiq shea wanti we siihiip we raq, Alekjendria chela maq awa laijong ashi ka Itali wang na wati riihumto. Kriikha miishe, naishiq wachang laijong maq satki laita, Alekjendria wa awati laijong niishe tiinga wanto.

Acts 28:1

Naishiq ka tareko na ahea khusang miishe saü wan jai niishe, kra khamjong mong hiq mang ka Malta hiq nguta sap kai.

Acts 28:16

Kiimaq naishiq ka Rom chela niishe saü wan kaita, Roman hokham raq Paul ka apaiq honhon jam ashi niishe tiisito. Kiimaq apaiq ka phenla weshi miili tiikhe raüta tiisito.

Hebrews 13:24

Naishiq salam bomtsi ka namshiq shunsheati shrabi nai Shiikeawe sengibi tarü ma tiitai kuq han jaq ahea miraq. Itali mung na siti Phungmaiqsetiim phunobi riimin, namshiq ma salam bomtsi tiitai wantlo.