Acts 26:4 - ASII LAKDAP Bible (BSI)

⁴ “Riita, ija, Jehudinok wiita raq, ngi arka noseji miiphü Jehudinok kamasham thungtri raü ka pinthum atsin maq sham lata lang wanti we nguta asap. Tsangshiq tarü raq sapshat, ngi raq i rilung arka, apha na naishiq hiq maq tri raü tu thun ka atsin maq lang wan lata jonglu wan kang. Kra jai miishe hali, Jerusalem na siwan lata jonglu wan kang.

Hawa Naga Bible 2001

⁴ “Ngaz kuex nosaz rullungx maq phaungc vtueq kungkhux kuex miqmac ghaq nuex muinz, kvruex yimaq Yerusalem ghaq nuex muinz, ngaz rueq yvmx khoc lac shuimx kaz httax ngaungc wvnc tauk nguinx lvmz kuex Yuda miqsaz htenc rueq tuiuz yaq.

Muklom

⁴ “Nga nijang wang chamal angtáng tha thaji Jehudi tang aa usam eq aa. Jakho o i mung na etho ethi jio Jerusalem na i rollung sha chamal angta tha ning aa thaji usam eq aa.

Acts 26:4 Referencias Cruzadas

Acts 22:3

“Ngi ka Jehudi phan. Ngi rawü chhi chang hiqshong ka Silisia wang na Tarsas chela. Shatmaq, ngi jonglu wan chang hiqshong ka ara Jerusalem chela ara. Kiimaq ngi ma shra jong we Gamaliel raq natitiim Thungtri ka atsin maq jamkhii lang wan chang wa, kra wiita kunkun shrin kuqto. Kiimaq ümchaü namshiq raq khum kiinong kuq lanta, Shiikeawe jaqsham tlan kiikhiisii hali, ngi riimin, i khum ka wiita kiinong kuq lata, Shiikeawe jaq sham ka sham wan kang.

Acts 24:14

O, riita bom poshi kla tengto dea. Naititiim Shiikeawe ka, ngi raq kriidea Shiikeawe shomnoq chang Lamjong kaü nguta, chong tlaq kra lam kra phan phan miidea, shomnoq tiikang. Kra lam phan ka tsangshiq raq lamjiq nguta ngutlo. Shatmaq, ngi riimin la Mosheq Thungtri na awaiq thü nai shammibi lakdap thun na awaiqthü tengteng bomtsi kiima kam tiikang.

Galatians 1:13

Namshiq ma nanok raq chongkuq wanto, ngi riika Jehudinok thungtri maq, Shiikeawe lam phan ka kai tsan tiitsi lata phan wan kang. Kiimaq, ngi raq Shiikeawe sengi phungtuti ka pinthum wesang ralii ma mang lata, ngengseng wan kang. Lata, tsangshiq ka pinthum tiichamchao wan kang. Kiimaq Phungmaiqse ka arang chong maq babaiq tlii riila, nguta hongla wan kang.

Philippians 3:5

Ngi ka rawüchhi jai maq chepat shi ngo niili, i tho ka hanto. Ngi arka, i nyung pukdong Hibrunok phan dongdii. I weraü mang ka Benjamin weraü. Ngi ka chiisan Jehudinok lai. Thungtri lang wan lam na akaü ashi, Phorisi phan wa.

2 Timothy 3:10

Shamtaq, ümchaü sanha, ümniiriika ngi raq nanok ma, kamasham lamphan shrinkuq kang thun kra sap laü she. Ngi raq kiimwe ashi rilung ka jamkho siwan kang, i rilung wa, i rong i rai ka chhi laü she. I rilung miitung arangchong ka, Shiikeawe miituli she sitiikang. Kiimaq ngi raq, i kamtsantsii rilung ka jamkho siwan kang, kriika ümniiraq chhi laü she. I rilung na ngi raq, ümtinkhan chamchao litkot wa nin wan kang kiimin nanok raq, ümniima chongkuqto she. Ngi raq phunaino Phungmaiqse ka tsan atsi maq lungwii kang. Kiimaq haikaiq haike wiita nin wan kang.