Acts 26:22 - ASII LAKDAP Bible (BSI)

²² Shatmaq, ümchaü ranaiq niitaq, Shiikeawe raq ngi ka khrum kuwan tlo. Krai mren, ngi raq ümchaü ranaiq min, arjaq namshiq ajong alabi, kiimaq wepuq wese mungmaiqse tarü man na, hakhi kuq tiikang ara. Riita, ümchaü ranaiq arjaq mungphong na jamlai bom wa chongkuq tiikang arsii li, ümsiimaq pat achat na, teiwe shammibi nai Mosheq riimin ranaiqshi akhing na ara bomtsi ara mihongtha wan dongdii nguta chong kuqthüto.

Hawa Naga Bible 2001

²² Yuq muinz Tishox rueq ngaz muex romc kuy ningkhvnc nuex, majuiuc raungnuiyq nuex httuiuc laz ngaz rullungx tvraungx httax vtueq, vyungx vruinx miq lotlaz muex hakhix khvmc vshaungx. Moshe nuiyc shvmmax bix rueq jungx wvnc tueq rulc rv-ngvlc yaungx wvnc tuex lvmx ngaz rueq jungx wvnc tauk kuex:

Muklom

²² Etha otho, thaney nángduk Shkewa nga raa nong phang. Etho iri rangma thaney aa nga irina lang eq ajong aming thaji miqtang ma i miikkhi raaq jin bat eq ang. Nga chamta batphang raa rangsamal tang nia Moses atho iritang raa angma batta.

Acts 26:22 Referencias Cruzadas

EJRA 8:31

Riita, ara chongtiikai arai mren, rawii pha wan jipi lü jikham raroqshiri ranaiqnai angu niishe, naishiq ka Ahawa chela kii maq kitlaq jürai kiimaq, Jerusalem na wawan miitu manglaü wanhiq khum tiido wan kai. Naishiq Shiikeawe raq naishiq ka ara lam luhea wanhiq khum wan kai kra, lam wiilülü, chiqse rewe mak liiwa, kiimaq lam na chiqhuk rehuk raq bom hairaüta akhe wan wa, wiita tiikhup wongkuqto. Raüta khu asang maq naishiq ka shea wanto.

Tvtsvmc 124:8

Nashiq khrum ka Tatiwe jaq wa saütlo, apaiq ka ramungtan nai mangjong hiq tiiqti.

Tvtsvmc 18:47

Apaiq raq ngi ma ijaqtinok thun ka tiitang kuqtlo; apaiq raq maiq mung thun ka iwansenok ma tiijatlo.

Tvtsvmc 66:12

Ümniiraq naishiq ka re ma tiitang laü; naishiq ka wa mong maq nai jüchhang mong maq wawan kai, shatmaq ümchaü ümniiraq naishiq ka tiiwongkuq shat hiqshong niishe shea wan laü.

Matthew 26:24

Maiq Se riiwe kla Asii lakdap na apaiq ka jamkha tsai chang nguto waiq wantaq kra phan phan mitsai. Shatmaq Maiq Se shaphaq wanti we ma pinthum phiiptsi chang jonghea asi! Apaiq ka ara mangjong hiq arjaq rawii chhiki mak dongdii ngu raü jiiwe khoti ahea riichang!”

Luke 16:28

Kriijaq i phu i notiim webiingi dea asi. Apaiq ka kiraüta, tsangshiq ka ara chamchao walü mong na dea wan mak chang miitu, tsii michong kuq kilaq. Tsangshiq siika mimi, atsai wan jai na, ara chamchao wamungtan na khiim wan mak chang miitu michong kuqki laq.’ ”

Luke 24:27

Kra ngu raütiishe, Jesuq raq tsangnai ma, apaiq miitu, Asii bomtsi na Mosheq raq awaiq thü lakdap thun kiimaq pha wan raüta, shammibi raq awaiq lakdap thun na chong tlaq thun kra wiita phanchan kuqto.

Luke 24:44

Kra raütiishe, apaiq raq tsangshiq ma, “Arthun ara ngi kongkhuji na namshiq rai siji na, chongkuq pha ihata. Ngi miitu, Mosheq Thungtri na kiimaq, shammibi lak na, kiimaq Tiitsam shi lak na awaiq thü bomtsi thun kriika, kunkun she kupi wan chang dongdii miraq nguta chongkuq pha ihata,” nguta bom ka tsangshiq ma chongkuqto.

Luke 24:46

Raütiishe, apaiq raq tsangshiq ma bom ka akha chongkuqto, “Asii Bomtsi na akha waiqto: Khristo ka tsai chang dongdii miraq. Raüta, ranaiqtsam jai maq, apaiq ka ama wa dong wan chang dongdii miraq.

John 1:17

Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.

John 1:45

Kiimaq Philip ka Nathaniel rai riihumto. Raüta, apaiq ma chongto, “Naishiq raq Najareth hiqti Joseph se, Jesuq rai riihumkai. Apaiq miitu ka Mosheq raq Thungtri lakdap na waiq thüto. Kiimaq, shammibi riimin waiqthüto.”

John 5:39

Namshiq raq Asii Bomtsi ka sidi phat siq tlan. Namshiq raq Asii Bomtsi phat tlan kriika, kiiwa namshiq raq pattup pat-sa rilung ka lap wan ma nguta phat tlan. Riita, ara Asii bomtsi riika, ngi arka juwa kra chongkuq tlo!

John 5:46

Namshiq raq ngohea shaq shaq dea, Mosheq ma kam tlan ngu haü jiika, ngi miimin mikam han wa. Mosheq raq jamlai wa waiqtaq kra ma, namshiq ka kamwan man dea riilan. Ara jamkhano chongtiikang ngukla, Mosheq riika, ngi miitu bomchong ka waiq wanto.

Acts 10:43

Shammibi thun wiita raq, apaiq mangchong tsa kra chongkuq wanto she. Apaiq ma kamwanti maiq loweatek ngarai ka Shiikeawe raq, Jesuq lümaq wiita midii kuq nguta tsangshiq raq chongkuqto.”

Acts 13:29

Kiimaq Asii Lakdap na apaiq miitu bom ümchuwa tiithai chong wantaq thun kra, tsangshiq raq thumthum klo lot wan jai she, tsangshiq raq apaiq ka pumsongkham wa dii raüta, longsha kho niishe lapto.

Acts 24:14

O, riita bom poshi kla tengto dea. Naititiim Shiikeawe ka, ngi raq kriidea Shiikeawe shomnoq chang Lamjong kaü nguta, chong tlaq kra lam kra phan phan miidea, shomnoq tiikang. Kra lam phan ka tsangshiq raq lamjiq nguta ngutlo. Shatmaq, ngi riimin la Mosheq Thungtri na awaiq thü nai shammibi lakdap thun na awaiqthü tengteng bomtsi kiima kam tiikang.

Acts 26:17

Ngi raq ümniika Israilnok mungmaiqse ma kiimaq Pongnok phan mungmaiqse phana i bomtsi ara chongke wa miitu she shong tiikang. Tsangshiq raq ümniika tseata wan miitu, thiikho ümchuwa thu wan tlaq, kra mong wa tiikhup wongkuq wan shat mirkang.

Acts 26:6

Kiimaq, ümchaü ranaiq ngi arjaq rung na tiichap tlaq arka, Shiikeawe raq natitiim ma phanshi kongphiq mikuq wanha nguta kiqkham raüpot khakuq wantaq, kra kongphiq ka milap wan ha dongdii she nguta, ranphan lalata, sitiikang arkha niishe tiichaptlo.

Acts 28:23

Krai mren she, tsangshiq raq Paul rai ngakai miitu ranaiq akhing ka tiihongto. Kiimaq kra ranaiq tiihongtaq akhing na, tsangshiq maiq pahea kra Paul sitlaq kiijaq kito. Krai mren, Paul raq ranap chu maq phaho raüta, raji ranyaq na saüli she, tsangshiq ma Shiikeawe Mungtan tsütsa kra phanchan chongkuqto. Kiimaq apaiq raq Mosheq Thungtri na awaiq thü nai shammibi lak na awaiqthü thun bomtsi kriika, Jesuq rilung nai apaiq raq jaqsham wantaq kiijiishe kuwanto nguta tsangshiq ma tsan tiinin li chang khan she, tiitho tiipha raüta chongphan kuqto.

Romans 3:21

Shatmaq, ümchaü ka Shiikeawe raq maiqse ka, apaiq rai wehea ma jamkho shram tlaq, kra lamlu kra tiichhi kuqto she. Arka Thungtri lang raüta riimak. Shatmaq tiina, Mosheq Thungtri nai shammibi lak niika ara chong tiikai, Shiikeawe rai shram wan lamlu ara miitu chong kuq thüto.

1 Corinthians 15:3

Ngi raq Shiikeawe jaq wa akhek pinthum bomtsi lap wan kang kra, namshiq ma chongkuq kang she. Asii bomtsi na Jesuq Khristo ka nashiq ngarai ara tiisiike kai miitu tsaito nguta waiq thüto.

1 Corinthians 15:4

Ara Asii bomtsi na waiq thütaq kra phan phan, apaiq ka amaa lap thüto. Kiimaq apaiq ka amaa wa ranaiqtsam jai maq, atra she tiidong wanto nguta Asii bomtsi na chong tlo.

2 Timothy 3:11

Maiqse raq ngi ka ümtinkhan wa tiichamchao wanto. Kiimaq tsaija chhunja chamchao litkot ahin thun min ngi raq jamkho lea wan kang, irthun irka, ümchaü sanha ümniiriiri kunli asap haü siisaq she. Shatmaq, atinkhan chamchao walü mong wa, Tatiwe raq ngi ka tiichhii kuqto. Ngi ma Antiok maq, Ikoniam maq, kiimaq Listra maq tsaija chhunja, pitlang pitthea, phiiptsi jiiptsi ümtinkhan wa, maiqse raq tiichamchaotaq, ira nin wan kang. Kriithun ka wiita, ümniiraq asap haü siisaq she! Shatmaq arthun litkot chamchao mong wa, Tatiwe raq ngi ka tiichhii kuqto.

Revelation 11:18

Thatsang maiqse ka ümniima pinthum khiqriqto! Shatmaq ümchaü ka tsangshiq khuthaq na, ümtsankhiq walü tiinyai chaq akhing she saüto. Atsai kaiwiti thun khaphoke akhing she saüto. Ümsengi shammibi ma poksi pansun kewan akhing she saüto. Ümse ümno kunkun ümwokhong na siti tarü, ajong aran wese wela pili ma poksi ke akhing she saüto. Mangjong hiq wa maiqse tiichamchaoti, kiimaq maiqse shiithen jenti ma, tsangshiq shiithen baiq akhing she saüto!”

Revelation 15:3

Raüta, tsangshiq ka Shiikeawe jaqshise Mosheq raq shingetaq kra shi nai Skuse raq shinge wantaq kra akha shinge trang taikang: “Achong lot mai awang chang ajong jaqshamti, O Tati Ajong Shiikeawe lei. Tingting tri raütu kappe shamti, Pattup pat-sa Hokham we.

Revelation 20:12

Kiimaq ngi raq maiqse ümchuwa atsai kaiwi ajong ala kiimaq wepuq wese thun ka kongshi niili ngacho khaki na chap raqraq chhikang. Mangjong maiqse raq jamlai wa sham wantaq kra awaiq thü lakdap thun ka linto. Raütiishe lakdap ashi, maiq atra sitlaqti thun mang awaiq thü kriishe linto. Maiq atsai arki thun ka tsangshiq raq jamlai wa sham wantaq thun kriika, kra lakdap thun na awaiq thü asi. Kra phanphan she tsangshiq kha ka pho kuqto.

1 SAMUEL 7:12

Raütiishe Samuel raq longkaü ashi do raüta, Mijpa chela nai Shen chela liipan na shongto. Raüta akha nguto, “Tatiwe raq namshiq ka lam wiilülü khrum kuqto.” Raüta kra apaiq raq, “Kra longkaü ka Khrum Longkaü,” nguta mangto.