Acts 26:14 - ASII LAKDAP Bible (BSI)

¹⁴ Kra chhairai ka henghea pinthum riito. Kra chhi laita naishiq tarü ka hiq na rirang she riwan kai. Kiimaq kra akhing na ngi ma Hibrunok bom maq abomdam ra wa maiq bom ashi ka akha taikang, ‘Saul, Saul! Ümniiraq ngi ka jaram wa tiichamchao rat ho laü? Minsaü pongwe raq, atijong we piq khu na ahok maq hap raüta, apaiq hokli tiimi tlaq ikha, ümniiraq ngi tiichamchao angu, ümniili khoti chamchao rai tlaü.’

Hawa Naga Bible 2001

¹⁴ Kvkaq nuiyshiq lotlaz ghaq nuex kvlak rul wvnc tiq, kvruex yimaq Hebre kvjaz maq ngaz muex, ‘Sholu, Sholu, yvmx ngoz tueq lac ngaz guirguenz vphux? Wuythvmc kuex yaz maq huip ruiux mnoz dvyx thuiuz tuiux, vtaungjix rueq shuimx yaq svnthuingx kuex manx rueq huip ruiux yuq, piq dvyx thuiuz yaq ikhoc mnoz rueq muinz ngaz muex murx tvyez ningkhvnc nuex vthuiuz rvhumc vtuiux,’ ngoz tueq kvjaz kuex ngaz rueq tay tauk.

Muklom

¹⁴ Í thaji haq náng wolti, etho nga ashey raaq Hebrew raaq wang raaq aa tha tat táng, ‘Saul! Saul, nang aa nga ri cham ma tahikham phu? Nang aa nga tatak ma ka eq nang tha hun tak u.’

Acts 26:14 Referencias Cruzadas

TAKSU LAK 13:15

Athuk atsom maiqse ka, maiq raq kai shrengtlo. Shatmaq joksaü liiqse ka athum riikitlo.

JEKERIA 12:2

“Liirong laq. Ngi raq Jerusalem ka amao chang chekok miishe mitiijaha. Krai mren, apaiq tro na siti maiq mung thun ka che raq chok rai raüta, cheropkong ikha miphetrang wan. Tsangshiq raq Jerusalem chela kra trotam miishe mikom wan. Kiimaq renok raq Juda mung na chela thun kriimin wiitashe trotam maq mikombaiq.

JEKERIA 2:8

Ju riiwa namshiq dü na jaq miiq tlaq, kriiti riika ngi raq pinthum lungwii tiikangti ka ajaqkaiq maq shamtlo ngushat.” Kriikha na Tati Ningkun Ajong Pinthumwe raq asengi Israil khatti ma, ngi ka tsütsa bomtsi ara tiichongkai tiikito.

Acts 21:40

Krai mren, kra siihiipjong we raq Paul raq mungmaiqse ma bom chongke miitu akhing she kuqto. Kiijiishe Paul raq long hiqkhuphi na chap raüta, ajaq ka ra na do raüta, mungmaiqse ma heashi sang rong liishaq nguta ajaq maq japto. Riita, kra chhi raüta, mungmaiqse kiimin sangrang she sangkito. Krai mren, Paul raq Jehudi bom miishe arkha nguta mungmaiqse ma traho bom she chong kuq phahoto:

Acts 22:2

Kiijiishe, tsangshiq raq apaiq ka, Jehudi bom maq bom kra tairaüta, tsangshiq ka phanshi akaiq lin hali she sang wan nongto. Krai mren, Paul riimin bomchong ka tiipit mak maq akha bom phahoto:

Acts 26:13

Chaü lei, ngi ka kiitiikaq lam na awarai riikang. Rashe ka ranaiq shethung shekham bala riito. Kiijaq ngi raq ra maq atli rawüli henghea, rashekii chhai nam miimin henghea ka ngi nai i kongtitiim ngi rai wadamti tro niishe chhairaito kra chikang.

Acts 26:15

Kra tai latiishe ngi raq, ‘Tatiwe, ümniika juwa?’ nguta waikang. Kiijiishe, ‘Ngi ka Jesuq, ümniiraq tiichamchao tlaü we ahata,’ ngutiishe Tatiwe raq i bom ka treto.

Acts 9:7

Kra chhi raüta, Saul rai wadamti akongtibi ka kaiqshak, poshi min bom mak, atiiraili riito. Tsangshiq raq maiq bom ka taito. Shatmaq, maiq sham ka chhi mak dea.

1 Corinthians 10:22

Nashiq raq akhla klo hai jiila, nashiq raq Shiikeawe maklii kra tiishurea ma nguta klo ikhiishe mijaki. Nashiq ka Shiikeawe nam ma ajong ahong ala ka riimai.