Acts 24:16 - ASII LAKDAP Bible (BSI)

¹⁶ Riita, ara kam tiikang arai mren, ngi raq, i tsan i tsii ka khangriri hea maq, ranaiqtek Shiikeawe man na nai maiqse man na, athuk atsom maq shiiting shrai lata siwan miitu shiikut chaq tiikang.

Hawa Naga Bible 2001

¹⁶ Kvkhoc rvtueq ngaz kuex Tishox htumc nuex nuiyc miqsaz htumc nuex miqmac kvguirc guenc thuinz vsawc httaz tvkoc mkaq muinz hunglaungx vtaungx.

Muklom

¹⁶ Ethirangma nga Shkewa jakho na etho miqtang jakho jaqhal tinhol eq salwet tong ang.

Acts 24:16 Referencias Cruzadas

Acts 23:1

Krai mren, Paul riimin Rung na ngati welabi pha nü na tiqtiq lii raüta, apaiq khum tiikhe wan bom ka akha bompha hoto, “I phan i maq Jehudinok singmung maiqse lei! Shiikeawe maklii na i rilung arka ümchaü ranaiq niitaq saüli i tsan i tsii khangriri maq siwan tiikang.”

Romans 2:15

Tsangshiq rong arai kra riili, tsangshiq tsan mong na Thungtri raü ka waiqthüje asi dea, nguta tiichhi kuq wan tlo. Arka tengto dea nguta tsangshiq tsaiji riimin, hakhi kuq wan tlo. Kiimaq tsangshiq maiqmii tiima tsantsii raq jangshi shi ka, jig laü dea nguta ashra riiwan tlo. Kiimaq jangshishi ka tsangshiq tiima tsantsii riili, riikhaqli dea klo wan laü nguta asom riiwan tlo.

Romans 9:1

Ngi raq chong tiikang arka tengteng. Ngi ka Khristo wokhong na siti we. Ngi ka rot mang. Asii Wenyi raq shunshea raüta, i tsan i tsii ka tsangriri maq sitiikang. Krai mren, Asii Wenyi riimin hakhi kuqtlo. Ara ngi raq chong tiikang arka tengteng. Ngi ka rotmang.

1 Corinthians 10:32

Namshiq ka athuk atsom maq singa rong laq. Jehudinok miimin, Pongnok phan miimin lo, kiimaq Shiikeawe sengi phungtuti miimin, jamlai tsan riibi chang ahü maq, shongnga rong laq.

1 Corinthians 4:4

I tsan mong na, ashut aphit sham tiikang riimak sha nguta, jam min tiido mak, ahü siirai. Shatmaq, kra riika ngi arka tingting maiqse dea nguta hakhi ka kuq lot mak. I khu thaq na ngi shinchongti ka Tatiwe asi.

2 Corinthians 1:12

Naishiq ka phanshi miitu tiishomra wan tiikai. Riita arka tengteng chongtiikai. Shiikeawe raq jamkho lungwii tlaq, kra phan phan naishiq ka namshiq rai jaqsham kaiwa na, abom asa na tingting kiimaq tsangriri hea maq sitiikai. Naishiq hon atsii ka maiqse taksu tsii raq shun shea raüta riimak, shatmaq Shiikeawe kaphap ningkun raq shunshea raüta sitiikai.

2 Corinthians 4:2

Naishiq raq ahuk arot nai jeasi miari sham akai ngutlaq kriika ümchaü sanha wiita baiq kaishe. Naishiq raq maiq ka laolii mai phan. Kiimaq Shiikeawe bomtsi ka trotkiq mai phan. Naishiq ka Shiikeawe apaiq maklii na tengman tlaq bomtsi kra kholam kholiiq, tantan maq chongkuq tiikai. Kiimaq wiitarü man na, naishiq tiima tsantsii ka wüjangjang hea maq sitiikai.

1 Thessalonians 2:10

Naishiq raq namshiq ma ara Tsütsa Ahea chongkuq kai irka, tiima tsantsii siirairai, tingting, kiimaq tsan na jamlai ajiq tiima ahü miidea shamkuqkai nguta, naishiq ma hakhi ketibi ka namshiq sitlan. Kiimaq Shiikeawe riimin achhi.

1 Timothy 1:19

Kiimaq ümkam tsantsii ka pharangrang maq thü wan lili riilaq. Kiimaq ümnaq tiima tsantsii ka khangriri, siirairai maq thü wan lili riilaq. Phungmaiqse wiijamti raq tsangshiq ma, maiqmii tsan mong na jamlai wa tiido tlaq, kra maiqmii tsaiji bomchong taimak maq, tlea raüta, ajiq lam phan wanto. Kriikha maq, tsangshiq kamasham rilung ka ashthen riibaiqto.

1 Timothy 1:5

Ngi raq ara aming tat tiikang arka, nashiq liipan na tiima tsantsii siirairai, ngarai tiima tsantsii ahü maq, riilung riiwii maq si miitu aming kuq tiikang. Kiimaq nashiq tsan mong na, nakongti rai tiishaü tiiji tsantsii ahü maq si miitu, kiimaq Khristo ma awongsii kamtsantsii rüm laita shongnga wan miitu aming kuq tiikang.

1 Timothy 3:9

Tsangshiq ka wenyi raq atiichhikuq tengteng bomtsi tri raü thun na, kamtsantsii pharang rang maq kam raüta, khearapaq na riiwiiq raüta sitiikai ikha siti riichang.

2 Timothy 1:3

Ngi riika Shiikeawe ma kechutum wan ruq miili sitiikang. Apaiq ka man na naititiim richü pat na jamkho shomnoq wantaq, kiikha ümchaü min, ngi raq tiima tsantsii asii arai, khangriri maq shomnoq tiikang. Ngi raq ranaiq rawa achu jaütiikang akhingtek na, ümniimiitu Shiikeawe ma kechutum tiikang.

Titus 1:15

Juwa tiima tsantsii asii maq sitlaq, kriiti miitu ka phanrap asii siisaq. Shatmaq ümriiti tiima tsantsii wa, ngarai raq atiisheshi baiq wishe, kiimaq krai mren, tsangshiq raq tengtlaq bomtsi ma kam mak maq sitlaq, kriiti miitu ka phanrap phanrii ka, ashe ashi siisaq. Tsangshiq miika apii ashan chang siisaq. Jamkhano ngukla, tsangshiq khutsai nai tsangshiq tsaiji ka, ngarai raq wiita atiishe shi baiq kun she.

Hebrews 10:22

Krai mren, ümchaü sanha, nashiq ka Shiikeawe wokhong niishe nyap tlo rong i. Tiima tsantsii siirairai maq, kiimaq kamtsantsii pharangrang maq, tsantsii ka ashe ashi wiita tiijai maq tiisii he laita, kiimaq nashiq khum ka asii kham maq jühe laitiishe, Shiikeawe wokhong na warong pha.

Hebrews 13:18

Naishiq miitu, namshiq raq achu jaükuq tlan kra, naq nungpaq rongkiq. Naishiq ka tiima tsantsii siirairai, khangriri rüm laita sitiikai. Jamkhano ngukla, naishiq ka wranaiqshe athuk atsom jaqsham wan kli lungwii tiikai.

Hebrews 9:14

Riita ija, akha mrochhi raüta mra ka tiisii kuq tlaq jiika, Khristo raq, akhum ka honglu na kuq raüta, atiijai raübaiqtaq kriika wiitarü thaq na araa pinthum she! Apaiq raq akhum ka pattup pat-sa Shiikeawe Wenyi sitlaq kra lümaq, asii pinthum honglu she kuqto. Apaiq tiijai raq nashiq hon atsii, nashiq mong nai jii ara thiihü, thatsang tri kharü mong wa, apii ashan lang tiikai thungtri kharü mong wa tiisii kuq tlo. Arka nashiq raq, atra Shiikeawe ka tiima tsantsii khangriri maq shomnoq miitu she tiisii kuqto.

1 Peter 2:19

Namshiq raq kha ahü na chamchao tlan kra, Shiikeawe raq asap nguta nin han jiila, Shiikeawe raq namshiq ma achu shiiman mikuq.

1 Peter 3:16

Tsangshiq bom ka tre lam maq, anato lanta, bomnin se maq tru chongkuq ronglaq. Bomtre lam maq, namshiq tsantsii ka wüjang jang hea maq, chongkuq rong laq. Phungmaiqse ashi raq jamkha bomtre chang wa, kiikha tre rong laq. Akha sihan jiila, namshiq ka Khristo sengi nguta, namshiq sung atsii ahea, kiimaq sham akai ahea sham tlan kra, abi nguta namshiq shummiitibi nai namshiq saisi wantibi ka, tsangshiq maiqmii bom miili she mijiasi.

1 Peter 3:21

Kra rathup jüjang wantaq liichum ka, ümchaü namshiq raq kham lam tlan kra lümaq, namshiq khum tiichhii kuq tlaq kra tiiji shi kuqto. Kriika han-ngam khum wa ashe ashi maqraiq hebaiq riimak. Shatmaq Shiikeawe ma tsantsii siirairai maq kiqkham raüpot khake wan achu jaü bomtsi. Ara lümq namshiq ka Jesuq Khristo amaa wa dongwantaq ningkun maq chhiito.