Acts 23:16 - ASII LAKDAP Bible (BSI)

¹⁶ Shatmaq, Paul ma ashea nyungse, maiqwe se ashi kriiraq, tsangshiq raq rehuk shun wantaq kra tsütsa ka heratto. Raüta, apaiq ka peruk mong jam kiijaq waraüta, Paul ma kra bom tho ka tiihe chongkuq wato.

Hawa Naga Bible 2001

¹⁶ Yuq muinz kvkhoc dvnc yaq lvmz kuex Polu piq muex vshvlx nyuiuz saz rueq tay vtueq nolaungx ghaqshungc mungx nuex nyuip waung vtueq Polu muex tvtay jungx tueq.

Muklom

¹⁶ Etharin eshina Paul ma una sa miqwasa angta etho piq iri raaq tang raa tat ta etho piq tha pangpong thung náng ka eq Paul ma thaji raaq tang tha batko chakta.

Acts 23:16 Referencias Cruzadas

2 SAMUEL 17:17

Abiathar se Jonathan kiimaq Jadok se Ahimaaj ka Jerusalem chela chiiphai na khamrai se Enrogel ngutlaq kriimaq kheshat riito. Jamkhano ngukla tsangnai ka chela mong na nyap wa miika maiq raq chhijiiq nguta kriimiili khelili riito. Tsangnai ma bomhuk tsütsa kra tlü chongke kaiti ka jaqshise jechakse ashi kra tsangnai phana kilili raüta, Jerusalem na jamlai kiimung wa klo tlaq, kra tsütsa ka tlü chongkuqki lili riito. Raüta tsangnai riishe Hokhamwe Dawit ma chongkuqkitlo.

TAKSU LAK 21:30

Tatiwe raq ümniishe ngengho raüla, maiqse taksu tsii, nyan phaqchi, taksma tsii thun ka ümniima amiinu ahü.

TAKSU LAK 24:15

Thiimeaq ma jalaüta, kechu maiqse ka naqthümkiq. Kiimaq apaiq jam ka, naqtek wakiq.

AJONJÜ 3:37

Tatiwe raq thapthi tlaq kriili, wranaiqtek klo wan tlo.

Acts 21:34

Kra tairaüta, mungphong mong kiiwa maiq wiijamti riika phanshi bom chong raüta siitrangto. Kiimaq maiq wiijamti raq hali ka laihin bom kra chong nong raüta gitrang wanto. Tsangshiq bom ka brak biishaq li riito. Kra mungmaiqse brak shaq rüriiq trang rai wan tlaq kra wiika, apaiq raq bomtsang bomrii jamlai phan hum wan chang min ahü riito. Kriikha miishe, siihiipjong we raq, Paul ka phentiip mong na longtiip jam kiiniishe hit wan miitu she aming kuqto.

Acts 21:37

Phenlanok raq apaiq ka tsangshiq kem longruk jam na ashea wan she kiijaq, Paul raq tsangshiq siihiipjong we ma chongto, “Ajong we lei, ngi raq ümniima bom poshi chong mimai sha?” nguta waito. “Ümniiraq Grik bom atsin haü nya?” nguta siihiipjong we raq apaiq ma waito.

Acts 23:10

Krai mren she, tsangshiq tatso liipan na bom riikhii rai wantaq kriika, henghea riiwan wan she heng wanto. Kra chhi raütiishe, siihiipjong we ka, athi makjaq kharong khoti riijiiq la, tsangshiq raq Paul ka tsat nyat baiqjiiq la ngutiishe, ahai she riito. Kriikha miishe, apaiq raq phenlanok ma, tsangshiq phong na kiraüta Paul ka peruk mong jam kiijiishe shea wan tlo ronglaq nguta aming kuqto.

Acts 23:17

Kiijiishe Paul raq kiiwa phentubi wa weshi ka hea raüta, “Ara norii we ara siihiipjong we phana shea wan rong laq. Apaiq raq siihiipjong we ma tsütsa tiitai chang asi,” nguta tsangshiq ma bom ka tiitaito.

Acts 23:32

Kriimaq napjai ka hok maq khumti phenlanok ka Peruk mong kem niishe jang wan nongto. Kiimaq Paul ka kumrang thaq na chaoti phenlanok miishe tiishea hoto.

Acts 24:23

Raüta, apaiq raq Paul liiti phentuwe kiima, Paul ka phenlabi ma tiikheshat maq thülaq nguta aming kuqto. Shatmaq, apaiq ka aje na tiimeshi khumshiim ka naq tiiwinkiq. Kiimaq apaiq ma akhek anaq jamlai phan wa rongra tlaq, kra thun kra khrum liiko kewanti, apaiq kongtibi watlaq kriika naq tangtakiq nguta bom ka chongkuqto.

1 Corinthians 3:19

Ara jamkhano chongtiikang ngukla, mangjong hiq tri maq juwa tsüwe tsitwe nguta sitlaq, kriiti ka Shiikeawe makki na ajiq. Asii bomtsi na akha chongtlo, “Jurwa tsangshiq ka taksma tsüwe tsitwe nguta tiingo tlaq, kriiti ka Shiikeawe raq tsangshiq phaqchi thiikho kra miili tiimin baiq tlo,” nguta chongtlo.