Acts 23:12 - ASII LAKDAP Bible (BSI)

¹² Kiimaq napjai ranaiq niishe ka, Jehudinok phong wa maiq wiijamti ka adam na hali ngato. Raüta tsangshiq raq Paul ka tsea baiq ma nguta bom ka kiqshi maq rito. Tsangshiq raq Paul ka tsatbaiq wan mak shaq wiiwii, ralang khamsang kokshi dongdii min nü na thü mai nguta tiitum tiita raüta kiqkhamto.

Hawa Naga Bible 2001

¹² Nvp yix raungnvp nuex Yuda miqsaz wvyvmc rvtuimx vtueq, Polu kuex thvt lvp miq wawwawx yvmx muinz phauk saq miq ngoz tueq kvtuemc wuez tueq.

Muklom

¹² Inam rangnap mal tho Jehudi tang tachong eq raaq rum wanta. Ning aa Paul sha tatik wey moq ling chamtho phaksat hunga tong ma ashey eq ashey jaktung o rangtum ta.

Acts 23:12 Referencias Cruzadas

RAPHA HIQWA LAK 37:18

Tsangshiq raq apaiq ka alu na akairai chhito. Kiimaq tsangshiq phana misaüho shaq liipan niili tsangshiq raq apaiq ka atsea chang nguta mat kii ka süto.

1 HOKHVMX 19:2

Kiijiiseh Jejebel raq Elija ma tsütsa ka akhiishe tiichong wato: “Riita anap ranaiq atincho akhing na ümniiraq shammibi ka jamkho tsatbaiq laü kiikha ngi raq ümniika tsatbaiq mang riiha jiila, phrakong raq ngi ara tiitsailaq mitsat baiqlaq.”

2 HOKHVMX 6:31

Apaiq raq atsan bitsi ma akha gito, “Rashe micha shaq na Elisha khupo kra tiitapbaiq mang la riiha jiila, Shiikeawe raq ngi ara tiitsai laq mitsatbaiq laq!”

NEHEMIA 10:29

ümchaü ranaiq na, naimung shun shea wanti welabi rai adam maq, Shiikeawe raq, adise Mosheq lümaq naishiq ma Thungtri kuqtaq, kra lang wan laita, Thungtri khong niishe mishong nga wan rong i nguta, kiimaq apaiq tri ka jin wan hai jiila, manson miho wan rong i, nguta atum riiwan laita, ara kiqkham raüpot ara kha wan tiikai. Riita, ümchaü sanha, Tati, nashiq Tatiwe raq nashiq ma aming ümchuwa kuqtaq kra, lang wan laitiishe mishong nga wan rong i. Kiimaq Tatiwe thung tri ka, tsapkapkap maq lang wan laitiishe, mishong nga wan rong i, nguta ara kiqkham raüpot kha wan tiikai.

ESTHAR 2:22

Shatmaq Mordekai raq kra tho ka heraüta hokhamnyung Esthar ma chongkuqto. Krai mren Esthar raq kra tsütsa ka hokhamwe ma Mordekai raq chongto nguta tiitaito.

Tvtsvmc 31:13

Ngi raq ijaqtibi pahea raq riishap shaütlaq kra taitiikang; ngi tro na phiiptsi chang siisaq sitlo. Tsangshiq raq ngi tseabaiq miitu mat raü süriitlo;

JEREMIA 11:19

Ngi ka skuse arümti wokhong na tlam raüta haiseati kiiwa lapho raüta taphaq hotlaq ikha atseabaiq miitu tiikho thuto. Ngi ka tsangshiq raq jamlai wa abi thiikho thutlaq kra akhiismin hemang riikang. Tsangshiq liipan na akha riichongto, “Pechong ka aheawiq ajaq aji nüm wala, kra adaqli she riibaiq rong i na; nashiq raq apaiq ka tsatbaiq haijiika, maiq raq jurmin tsan na tiitsang mak she miraq.”

LEWI 27:29

Maiqse li jiimin, juwa Tatiwe ma kiinongtlii jai na bom biijit kaichang ahü maq kuq baiq raüla, adaa wan nong maimak she. Apaiq ka tiitsailaq tsea baiq chang dongdii she.

Matthew 26:4

Raüta tsangshiq raq Jesuq ka ahukse maq lap raüta tsea baiq chang nguta kiq rito.

Matthew 26:74

Kiijiishe Petar raq, “Shiikeawe raq asap! Ngi raq tengteng chongtiikang! Ngi raq apaiq ka juwa asap man sap mang!” ngutiishe khiilataq tiidamkito. Apaiq raq kra bomtre tlaq liipan niili she, wuwa riigoli riito.

Matthew 27:25

Kiijiishe mungmaiqse raq, “Apaiq tsaitlaq mat kha ka naishiq khuthaq na nai naisaü naisetiim khuthaq na mirlaq!” nguta treto.

Acts 23:13

Kra rehuk hai wanti kong ka maiq weroqblai pat raq kiqshi maq ri raüta, reraü ka shunto.

Acts 23:14

Kra rilot raütiishe, tsangshiq ka ramwe jongbi nai welabi phana waraüta, bom ka akha ngutiishe chongto, “Naishiq ka adam na reraüshi maq Paul ka tsatmai wiiwii, ralang khamsang kokshi min nyang mai nguta tiitum wankai she.

Acts 23:21

Shatmaq, siihiipjong we lei, ümniiraq tsangshiq bom ka naq taikiq. Jamkhano ngukla, Paul tsea baiq ma nguta, lam na rehuk hai raüta atiipaü maiq ka weroqblai pat raq kheshat miraq. Tsangshiq raq Paul ka tsatmai wiiwii, khamsang kokshi min nyang mai nguta japhak maq riihan raüta tiitumto. Riita ümchaü tsangshiq ka Paul tseabaiq ma nguta khekham miishe khe tlo. Kiimaq ümniiraq apaiq tiikai kra kheli she sitlo,” nguta norii we raq siihiipjong we ma tsütsa ka tiitaito.

Acts 23:30

Kiimaq ngi raq apaiq tsea baiq miitu rehuk mat raü ka ashun wishe nguta bom ka tai lata, tlothit li she, ngi raq apaiq ka ümniiphana tiikai chang nguta thapthi kang. Kiimaq ngi raq apaiq shoktibi kiimiimin tsangshiq ka ümniiphana kiraütiitiq mirpho tsiimki laq nguta chongkuq kang.”

Acts 25:3

Phestas ma Paul ka Jerusalem na tiiwa raüjaq ahea nguta bom ka thuto. Paul ka tiiwa raüla apaiq ka lam wiili tsea baiq ma nguta tsangshiq raq ahukse maq reraü ka ashun wishe riito. Kriikha maq tsangshiq raq bom ka kiikha thuto.

Acts 9:23

Kiimaq, rahiq luhea siwan jai she, kiijaq siti Jehudinok thun ka adam na kiqshi maq ri raüta, Saul ka atsea baiq raa tlo nguta tsangshiq raq matkii ka süriito.

Acts 9:24

Shatmaq, kra tsütsa ka apaiq ma maiq ashi raq tiihe chongkuqto. Tsangshiq raq apaiq tsea baiq miitu, maiq ma raikao tat raüta, chela kilam thun kriika ranaiq rawa tiikheshat thüto.

1 Corinthians 16:22

Jurwa Tatiwe lungwii mak, kriiti ma manson misi laq! Maranatha-Naishiq Tatiwe lei kira!

2 Corinthians 11:26

Ngi ümtinkhan wa, Shiikeawe jaqsham nguta khum wan kang na, jang pahea jüchhang lamtang mong maq lea wan kang. Kiimaq thiimeaq daku rai riihum wan kang. Kiimaq maiqmii nok Jehudinok raq, kiimaq Pongnok phan maiqse raq ümtinkhan wa, atsea ataa ma tankhan wanto. Kiimaq ümtinkhan wa, tsaija chhunja tiichamchao wanto. Lea wan kang akhing na, chela rap na, rum-nyangkhi na, kiimaq sammoktra jü thaq maq, kiimaq joksaü liiqse kongtibi jaq na, ngi ümtinkhan wa riitsi tsaitsiiq, chamchao litkot wa mong maq lea wan kang.

Galatians 3:13

Shatmaq, nashiq ara, Thungtri manson kharü mong wa daa wan miitu, Jesuq Khristo raq Thungtri manson homa kra howanto she. Ara jamkhano ngutiikai ngukla, Asii bomtsi na, “Juwa pechong na tübaiq tlaq, raüta tsai tlaq, kriiti ka Shiikeawe manson homa ho raüta tsaito ngushat,” nguta chong tlo.

1 Thessalonians 2:16

Tsangshiq raq naishiq ka, Tsütsa Ahea ka Pongnok phan ma tiichhii wan rilung lap chang bomtsi ara chongke wan kiimin, wiita tangta baiq lai nguta kintangto. Shatmaq, tangta wan lot mak dea riito. Tsangshiq raq atinkhan ngarai tang wantaq kriikha maq, tsangshiq ka ümchaü sanha ngarai bu hotibi miishe jawan tlo. Arkha maq ümchaü atiisup wan na sanha, Shiikeawe tsankhiq ka tsangshiq khuthaq niishe saükito!

JOSHUA 6:26

Kra akhing na, Joshua raq Jeriko chela ma akha sonto, “Jurwa Jeriko chela ka tiihea hainong tlaq, kriiti raq Tatiwe manson akha miho. Jurwa chela jamkhü sürii tlaq, ase chhikhuwe mitsai. Jurwa chela kilam thun tiihea haitlaq, ase nobungwe mitsai.”

JOSHUA 7:1

Shamtaq Tatiwe raq Israilnok ma, Jeriko chela wa phanrap hupsam ka wiita ashthen baiq chang phanshi ra min jaqkaiq maq shamkai maimak nguta aming akuq ka langmak dea riito. Maiq weshi amang Achan ngutlaq kriiraq, kra aming ka lang mak jinto. Kra ningkhan Tatiwe ka Israilnok ma atsan khiqhea walü wa ikha riito. Achan ka Karmi se. Apaiq ma ati ka Jabdi. Kiimaq tsangta mang ka Jera ta. Kiimaq tsangshiq weraü ka Juda phan wa.

JOSHUA 7:15

Raüta juwe wa tsun tiikang, kiimaq apaiq jaq na ashthen baiq chang hupsam kra humjiiq, kriiwe ka apaiq rai ajamtitiim kiimaq ahup asam ümchuwa ajaq na sitlaq krai adam na, wa maq chaqbaiqchang. Jamkhano ngukla apaiq raq Israilnok khuthaq na phiiptsi chang jea tiingaüto kiimaq ngi raq akuqha tongshong tri jinto.”

1 SAMUEL 14:24

Kra ranaiq Israilnok ka ramtsi raq ahaü kha maq, ningkun ajom she, jamkhano ngukla Saul raq atiitum raüta, akha aming akha kuqto, “Ümchaü ranaiq ngi raq phuklam ijaqtinok kra mikhat lot ha shaq na, jurwa phanshira phaq asea nü na thiitlaq, kriiti ma manson misi.” Kriikha maq kra ranaiq minru jur riimin jamlai phan min phaqsiq mak riito.