Acts 21:34 - ASII LAKDAP Bible (BSI)

³⁴ Kra tairaüta, mungphong mong kiiwa maiq wiijamti riika phanshi bom chong raüta siitrangto. Kiimaq maiq wiijamti raq hali ka laihin bom kra chong nong raüta gitrang wanto. Tsangshiq bom ka brak biishaq li riito. Kra mungmaiqse brak shaq rüriiq trang rai wan tlaq kra wiika, apaiq raq bomtsang bomrii jamlai phan hum wan chang min ahü riito. Kriikha miishe, siihiipjong we raq, Paul ka phentiip mong na longtiip jam kiiniishe hit wan miitu she aming kuqto.

Hawa Naga Bible 2001

³⁴ Nuk miqsaz htenc kuex pungjungc rvjungc guyc tvruingx kaz koq tueq, piq rueq vkhuec vlvmz shvmhvlx tuiuz lvp muq rvtueq Polu kuex nolaungx ghaqshungc mungx nuex shvlc wvnc tvkoc nvr tueq.

Muklom

³⁴ Aral waan tha raaq shey ring ta, adak waan tha raaq dak raaq ta. Ralkoltey tang solwa ma chamlang angta ta tungnung ta, req piq aa miqtang thima Paul tha pangpong thung náng solkat ma batta.

Acts 21:34 Referencias Cruzadas

Acts 19:32

Kra liipan niili she, kra mungmaiqse ngongthun riitam nga rai tlaq kriika, tatso miishe jakito. Tsangshiq wiitarü raq, maiqmii nü maq dongrang lishe gitrang wanto. Maiq wiijamti raq phanshi chong raüta gitrang. Kiimaq maiq wiijamti raq hali ka, laihin bom ka chong raüta siitrangto. Bomkhu bommai, atsi atsaq jam min ahü miishe, brak biishaq li she rüriiq trang wanto. Tsangshiq ka jamlai miitu wa ngongthun ngawan tlaq, kra bomkhu bom mai jam min sap mak miili she, nokwe kitlo nguta mokai mokai akirai kha maq, kiikha gitrang rai wanto.

Acts 21:37

Phenlanok raq apaiq ka tsangshiq kem longruk jam na ashea wan she kiijaq, Paul raq tsangshiq siihiipjong we ma chongto, “Ajong we lei, ngi raq ümniima bom poshi chong mimai sha?” nguta waito. “Ümniiraq Grik bom atsin haü nya?” nguta siihiipjong we raq apaiq ma waito.

Acts 22:24

Kra mungmaiqse brak shaq wan trang kra chhi raütiishe, Roman phentujong we raq, apaiq phenlabi ma, Paul ka peruk mong jam kiina hit wan tlo ronglaq, ngutiishe aming ka kuqto. Raüta, Jehudinok raq apaiq ma atinkhan khiq chang nai wesang ma jatlii chang kha ka Paul raq jamlai phan khü akha wa tangtaq kra tiidong khot wan miitu she, apaiq raq Paul ka chunpo-nyam chongwai miishe ninta tsat ronglaq ngutiishe, aming kuqto.

Acts 22:30

Phentujong we raq Jehudinok raq Paul ma jamlai phan khü akha wa nyan tlaq kra riikhaqli tiishang rii ro riito. Kriikha miishe, apaiq raq anap ranaiq miishe, Paul khachang jinraü kharü thun kra atiidii she riibaiqto. Raüta, Jehudinok Rungjong kra nga wan miitu ramwe jongbi thun ma ngongthun ronglaq nguta aming kuqto. Raüta apaiq raq Paul ka Rung na tiichapto.

Acts 23:10

Krai mren she, tsangshiq tatso liipan na bom riikhii rai wantaq kriika, henghea riiwan wan she heng wanto. Kra chhi raütiishe, siihiipjong we ka, athi makjaq kharong khoti riijiiq la, tsangshiq raq Paul ka tsat nyat baiqjiiq la ngutiishe, ahai she riito. Kriikha miishe, apaiq raq phenlanok ma, tsangshiq phong na kiraüta Paul ka peruk mong jam kiijiishe shea wan tlo ronglaq nguta aming kuqto.

Acts 23:16

Shatmaq, Paul ma ashea nyungse, maiqwe se ashi kriiraq, tsangshiq raq rehuk shun wantaq kra tsütsa ka heratto. Raüta, apaiq ka peruk mong jam kiijaq waraüta, Paul ma kra bom tho ka tiihe chongkuq wato.

Acts 23:32

Kriimaq napjai ka hok maq khumti phenlanok ka Peruk mong kem niishe jang wan nongto. Kiimaq Paul ka kumrang thaq na chaoti phenlanok miishe tiishea hoto.

Acts 25:26

Shatmaq, ngi raq apaiq miitu Hokham we ma arphan kha na tiiwa tiikang nguta riikhaqli kha raü tiichhike chang ka ahü. Kriikha maq, ngi raq ümchaü apaiq ka namshiq mungmaiqse man na, kiimaq akhek ka Hokham we Agripa ümnaq man na tiichap tiikang! Apaiq kha ka akha phoke jai shetiq, ngi raq tri raü ka tiiku lata awaiq wan chang misi sham nguta tiima tiikang.