Acts 21:21 - ASII LAKDAP Bible (BSI)

²¹ Pongnok phan mung na siti Jehudinok tarü ma, ümchaü sanha Mosheq Thungtri kriika lang wan raa mak she, kiimaq athohan poi klo min raa mak she, kiimaq Jehudinok thungtri kriika lang raa mak she nguta, ümniiraq tsangshiq ma tra hokuq tlaü ngu wa nguta, nanok raq tsangshiq ma tsütsa ka tiitai chongkuq hoto.

Hawa Naga Bible 2001

²¹ Mnoz rueq Pungnuk miqsaz rulc httax yaq Yuda miqsaz htenc muex nuimshiq suiuz vsaz muex vhttoar gvnc vhtungx nauk kuq kaz, nuimshiq rueq Yuda miqsaz htungx vlayx kuex nauk phvnx kaz, ngoz tueq Moshe Tvrac kuex tvhttvrc gay tvkoc tvluing kuq vshuiux lvmx kuex tsuingshiq rueq tay tueq.

Muklom

²¹ Gentile phan haq na tongtey Jehudi tang ma Moses thong sha som ching ang moq, etho ning aa miqwasa hankhup sha qhanching ang moq etho Jehudi tang thong sha som ching ang moq ta nang aa tatal kot u ta ning aa kap tat ta.

Acts 21:21 Referencias Cruzadas

Acts 16:3

Paul raq Timothi ka apaiq rai shea wan dam ro riito. Kriikha maq, apaiq raq Timothi ma atho ka hankuqto. Apaiq raq kra klo wantaq kriika, kra hong binjü na siti Jehudinok tarü raq Timothi we ka Grik phan nguta asap siisaq kha maq, kloto.

Acts 21:22

Tsangshiq raq ümniika ajaq saükito she ngutiika mitai dongdii she. Kriikha maq, ümchaü min jamkha riihai jiiwa ahea miraq?

Acts 21:28

Tsangshiq raq, “O Israilnok singmung maiqse lei! Warong ra lii! Arwe ara tiinin tlo rong i!” nguta gitrang wanto. “Arwe ahata barap binrii na waraüta nokmaiqse tarü ma, Israilnok mung thaq na, Mosheq Thungtri thaq na kiimaq ara Shomjam arthaq na, ashut riiqkhiq traho bomchong kewanti we. Kiimaq liirong laq, ümchaü min apaiq raq Pongnok phan maiqsetiim ka ara Shomjam mong na shea wan raüta, ara Asii Shomjam arka tiisheshi baiq wantlo!”

Acts 28:17

Kiijaq saü wali maq, ranaiq tsam sijai na, Paul raq kiijaq siti Jehudinok welabi ka adam na triitam hea raüta ngato. Tsangshiq ka apaiq phana riitam saüki kiitiishe, apaiq raq tsangshiq ma bom ka akha ngutiishe chongkuqto, “I phan i maq Israilnok phunainotiim lei, ngi raq nashiq nok mungmaiqse ma abi ati jamlai phan min sham wan mang. Kiimaq natitiim raq nashiq ma akuqthü thungtri thaq niimin jamlai kiqjiq wan mang. Shatmaq, tsangshiq raq ngi ka Jerusalem maq shumraü kharü maq kha raüta, Roman hokham jaqkhon mong na kuqbaiqto.

1 Thessalonians 2:16

Tsangshiq raq naishiq ka, Tsütsa Ahea ka Pongnok phan ma tiichhii wan rilung lap chang bomtsi ara chongke wan kiimin, wiita tangta baiq lai nguta kintangto. Shatmaq, tangta wan lot mak dea riito. Tsangshiq raq atinkhan ngarai tang wantaq kriikha maq, tsangshiq ka ümchaü sanha ngarai bu hotibi miishe jawan tlo. Arkha maq ümchaü atiisup wan na sanha, Shiikeawe tsankhiq ka tsangshiq khuthaq niishe saükito!