Acts 21:11 - ASII LAKDAP Bible (BSI)

¹¹ Apaiq ka naishiq phana kito. Raüta Paul raq achhü shat chang khea nin chü kra ajaq na sham raüta, ahok nai ajaq ka kha raüta, akha tiithaito, “Asii Wenyi raq akha chongtlo: Ara chhüshat chang kheanin chü pati we arka, Jerusalem na siti Jehudinok raq akha mikha baiq. Raüta Pongnok phan maiqse jaqkhon mong na mikuq baiq,” nguta riisham bom maq tiithaito.

Hawa Naga Bible 2001

¹¹ Piq kuex nuiyhez kox nuex kaz vtueq Polu keshuit ruiuz kvmaq piq yauk vyaz kuex kvkhvrc buinc ruiux, “Vruex keshuit ruiuz taungjix waz kuex Yuda miqsaz rueq Yerusalem maq vkhoc khvrc vtueq Pungnuk miqsaz yauk nuex lekuq gay shuex ngoz tueq Vsawc Siyac rueq jungx tueq,” ngoz tueq.

Muklom

¹¹ Piq í jamnang katapha, Paul aa khingkit tha somta, etho piq ni piq jak ni jaa o khak eq batta, “Asang Tsija bat aa, iri khingkit tangteywa sha Jerusalem na Jehudi tang aa irimal khak na etho Gentile tang jaknáng kochak na.”

Acts 21:11 Referencias Cruzadas

1 HOKHVMX 22:11

Tsangshiq phong wa shammi weshi Chenaana se Jedekia riika jinkii maq arong thun haito. Raüta apaiq raq Ahab ma akha nguto, “Tatiwe raq akha ngutlo: ‘Armaq ümniiraq Siria mungti ka tiinamtok mikhat haü. Kiimaq mitang haü.’”

ISAIA 20:2

Armaq wiitsam kongkhu na Tatiwe raq Amoj se Isaia ma ahokpa sendel kra nai adü na wunthaü riinaü kheatong samtlaq kra chhut baiqlaq nguta chongto. Kiimaq apaiq raq kra aming ka taito. Raüta apaiq ka kheahü maq siikumkum kiimaq hokpa ahü maq hoksii maq khumto.

JEREMIA 19:1

Tatiwe raq ngi ma hamlii tak ashi rikikiq nguta thaüto. Kiimaq apaiq raq ngi nangnga shiilangbi wiijam kiimaq ramwebi phongwa nyungwere wiijam kri sheaho laüta kilaq nguta thaüto.

Hosea 12:10

“Ngi raq shammibi ma phanrap tiichhikuq wan kang. Tsangshiq raq Israilnok ma tiithai tiimai, honlam tsii pahea chongkuq wanto. Shatmaq tsangshiq raq tai wan mak.

John 18:1

Jesuq raq ara achu jaü lot jai she, ajaqshisetiim ka shea wan raüta, Kidron raise reko nü niishe wawanto. Kiijaq maiq raq achhi Olip pero ashi asi. Kiimaq Jesuq nai ajaqshisetiim ka kiijaq wawanto.

Acts 13:2

Tsangshiq ka Shiikeawe shomnoq, amang maq achu jaü sitlaq liipan na, “Barnabas nai Saul ka ngi miitu pong na raithü ronglaq. Tsangnai ka i jaq sham miitu, ngi raq ashong kun she,” nguta Asii Wenyi raq tsangshiq ma chongkuqto.

Acts 16:6

Kiimaq Asii Wenyi raq Asia wang niika trahoke wa naq wa rongkiq nguta tiiwin kha maq, tsangshiq ka Phrigia hong nai Galatia wang heawea binjü lam maq wawanto.

Acts 20:23

Ara jamkhano chongtiikang ngukla, ngi ka ümriibano kiwa tiikang, kiijaq chelatek na, ngi ma shumraü kharü nai chamchao litkot rathaiq rahai ka tiijeshat maq thü wan li tlo nguta, ngi ma Asii Wenyi raq chongkuqtlo.

Acts 21:33

Riita phentu jong we ka wa raüta, Paul ka lapto. Raüta phenlabi ma jinraü kharü anai maq tiikhato. Raütiishe apaiq raq, “Arwe ara juwa? Apaiq raq jamlai wa shiithen ta?” ngutiishe bom ka waito.

Acts 21:4

Kiijaq Tajar chela na naishiq raq phunainotiim wiijamti asi, kra rit laita hum kai. Laita tsangshiq rai chepat shi sithü damkai. Tsangshiq raq Asii Wenyi ningkun maq Paul nangnga Jerusalem na saüli ka naq kikiq li nguta atiiwin riito.

Acts 22:25

Shatmaq, tsangshiq raq apaiq ka jin raü maq tep kha raüta, chunpo-nyam chongwai maq atseaho she angu na, Paul raq phentuwe apaiq tho na chap raü we kiima, “Riita ümniiraq Roman Hokham sengi nokti we ka, apaiq khü akha ka jamlai wa, kra kongkhu pho hü maq, akha tsea thung ka asi sha?” ngutiishe apaiq raq siihiip we ma bom ka waito.

Acts 24:27

Kiimaq wiinai sijai niishe, Wanghupti we Phelisk ka Porsias Phestas riishe laito. Jehudinok raq apaiq kiidea ahea nguta mingu laq nguta tiima raüta, Phelisk raq Paul ka phaqtek mong niili thübaiq thüto.

Acts 26:29

Kiijiishe, Paul raq, “Jaqlose liipan niili lo; luhea sijai niishetiq lo; ngi raq Shiikeawe jaq wa achu jaü kla, ümnaq nai maiq abiti ümchuwa, ümchaü ranaiq arjaq, i bomchong tai wanti thun tarü arka, ngi akha siisaq jawan han jaq nguta tsin ngin tiikang. Shatmaq, namshiq min ngi akhiisii hali shumraü kharü maq kha haü jaq nguta ngo nang kla riimak!”

Acts 28:17

Kiijaq saü wali maq, ranaiq tsam sijai na, Paul raq kiijaq siti Jehudinok welabi ka adam na triitam hea raüta ngato. Tsangshiq ka apaiq phana riitam saüki kiitiishe, apaiq raq tsangshiq ma bom ka akha ngutiishe chongkuqto, “I phan i maq Israilnok phunainotiim lei, ngi raq nashiq nok mungmaiqse ma abi ati jamlai phan min sham wan mang. Kiimaq natitiim raq nashiq ma akuqthü thungtri thaq niimin jamlai kiqjiq wan mang. Shatmaq, tsangshiq raq ngi ka Jerusalem maq shumraü kharü maq kha raüta, Roman hokham jaqkhon mong na kuqbaiqto.

Acts 28:20

Riita, arthun mra pintaq arkha maq, ngi raq namshiq rai riihum ma nguta namshiq ka tiihea wan kang. Riita ngi raq ara kharü hotiikang arka, Israilnok raq ju miiwa tsangshiq tsantsii ran wan tlaq, kriiwe mang na hotiikang,” nguta tsangshiq ma bom ka chongkuqto.

Acts 28:25

Krai mren she, tsangshiq liipan na arkhii rai she riito. Raütiishe tsangshiq ka wawanto. Shatmaq tsangshiq miwa wan shaq na, Paul raq tsangshiq ma apaiq traho bom chongke ka ara bomtsi armiishe shatkuqto: “Asii Wenyi raq shammi Isaia lümaq namtitiim ma chongkuq thütaq kriika amak na khaqshkhaq she dea hongtha rai wanto!

Acts 8:29

Asii Wenyi raq Philip ka, “Kra kumrang leng tho kiina kilaq. Laüta, apaiq thotho maq khumlaq,” nguta thaüto.

Acts 9:16

Kiimaq, apaiq ka ngi miitu, ümtinkhan chamchao chang wa, kra ngi raq apaiq ma mitiichhi kuqha.”

Ephesians 3:1

Riita, ija, ara chong tiikai namshiq noknai ri ka wehea miishe tiijato. Kriika ngi Paul raq, namshiq Pongnok phan maiqse miitu, Jesuq Khristo jaqsham kuq tiikang arkha na, ngi ka phaqtek mong na shaqto. Li jiimin, ngi raq namshiq miitu, Shiikeawe jaq wa achuli jaükuq tiikang.

Ephesians 4:1

Riita, ümchaü ngi phaqtek mong na sitiikang arka, ngi raq Tatiwe jaqsham tiikang kriikha na shaqtlo. Ümchaü ngi raq namshiq ma, tsii chongkuq tiipha ara, tsan na samhea tiitsang shaq rong laq. Ümchaü sanha, namshiq ka, Shiikeawe raq asengi ma tiija miitu hea wantaq akhing na, namshiq ka ümtinkhan thuktsom maq siwan chang ngutiiwa thapthi wantaq, kra thap jangkii kra, tiimali lantiishe si rong laq.

Ephesians 6:20

Ngi ka ara Tsütsa Ahea ara chongketi kiimwe. Ümchaü phaqtek mong na sitiikang armin, Tsütsa Ahea chongke kha na sitiikang. Ngi raq Tsütsa Ahea kra haisong mang maq, achaq awaq maq chongke miitu, ngi ma achuli jaükuq rong laq.

1 Timothy 4:1

Shatmaq, rawiichii pat na maiq wiijamti raq tsangshiq kamtsantsii ka athaq mirbaiq nguta Asii Wenyi raq tsangriri hea maq chongkuq tlo. Tsangshiq raq arot winji bomchong nai thawe raq ashrinkuq manphan kiima mikam wan nguta chongtlo.

2 Timothy 2:9

Ngi raq Tsütsa Ahea ara chongkuq tiikang arkha na, ngi ka tiichamchao wan tlo. Ngi ka matwe tsawe kaü ikha, shumraü kharü maq kha raüta tiichamchao wan tlo. Shatmiitiq, Shiikeawe bomtsi ka kharü maq khalot mak.

Hebrews 10:34

Namshiq ka phaqtek mong na chamchaoti rai adam chamchao wan lan ihata. Kiimaq maiq raq namshiq hup asam thun ka, wiita runho raüta lamhotaq akhing niimin, namshiq raq kra sumrum lan thun ka aninli riiwan lan ihata. Kiimaq tsaiji tran man maq, chochi khiq li silan ihata. Jamkhano chochi lan ngukla, namshiq raq asap han, Shiikeawe raq namshiq ma jamlai wa mikuqha nguta kiqkham kuqtaq kriika, tsiiq nai nyam sum lan kra thaq niimin rahea phan. Kriika, namshiq jaq na asi she. Kriika pattup pat-sa hupsam nguta asap han.

Hebrews 3:7

Riita ara chongtiikai arai mren, namshiq ma Asii Wenyi raq akha ngutlo, “Namshiq raq Shiikeawe bom ka ümchaü ranaiq taihan jiila,

1 Peter 1:12

Shiikeawe raq ara man na sithü taq shammibi ma tiichhi kuq wanto. Tsangshiq raq shammi jaqsham wan tlaq ka, tsangshiq miitu ka riimak. Shatmaq, ümchaü pat na, namshiq sitlan ara miitu miraq nguta chongkuqto. Kra shammibi raq, man na pat na jamlai wa phanchan kuq taq, kriishe ümchaü pat na namshiq ma Tsütsa Ahea chongphan ketibi riishe tiitai kuq tlo. Tsangshiq raq namshiq ma ara, Tsütsa Ahea tra hokuq tlaq thaq na, Shiikeawe raq ramungtan wa atiiki Asii Wenyi raq tsangshiq tsütsa chongke ka, tsangshiq khum na arom riiraüta chongkuq tlo. Ara chongtiikai Shiikeawe jaqsham ahata ra na siti rasetiim raq dongdii min sap n dam haijaq nguta ümtinkhan wa tsinngin tlo.