Acts 20:7 - ASII LAKDAP Bible (BSI)

⁷ Honibat raji na naishiq tarü rintii dungsea adam na riitam ngakai. Anap akaiho she ngo maq, Paul raq kiijaq siti phunainotiim ma trahoke ka rawa wathung na saüli chongkuqto.

Hawa Naga Bible 2001

⁷ Nuiyhez kuex raungx tvruk raungyac phuiuz svy nuex lux rvyaungc tvkoc nuex rvtuimx tiq, Polu kuex raungnvp kvyix kvruex ghaq kvmaq kay wvnc tvkoc dvnc ningkhvnc nuex raungwvrx htungx nuex httuiuc laz miq htenc muex jungphvnx kuq tueq.

Muklom

⁷ Baluk o saal sanat phang saal o í arum aa banpan phaksat ma tong i tho Paul aa miqtang ma palthung kam nángduk raaq batta chammatakoi piq saalji na eshiwang chuwang sey angtey angta.

Acts 20:7 Referencias Cruzadas

NEHEMIA 8:3

Raüta, kra tapshok ikha kilam chong tho na hiqthung ba kiimaq chap raüta, Thungtri lakdap ka ranap chu maq phaho raüta, ranaiq shethung shekham na saülili phatkuqto. Krai mren, tsangshiq riimin tsan tiitsi raüta tsangrakrak maq tiitsang taito.

NEHEMIA 9:3

Raüta, apha na nari tsam tin tsangshiq ma Tatiwe, tsangshiq Shiikeawe Thungtri kra tiitai phatkuqto. Raüta kra lot jai maq, naritsam she hali ka tsangshiq raq maiqmii ngarai kra tiidii wan, achu jaüto. Raüta tsangshiq Tatiwe tsangshiq Shiikeawe ka shomnoqto.

Mark 16:9

Jesuq ka ama wa dong wan raüta, chepat ranaiq ranap chu maq, Magdala hiqti nyung Meriq, apaiq raq tha kaü miishi jobaiqtaq nyung pha na dongkito.

Luke 22:19

Kiimahali, apaiq raq winsii ka ashi tsunto. Raüta, Shiikeawe ma kechu tumto. Raüta kra tiiphanto, kiimaq kra tsangshiq ma ake lam maq akha nguto, “Arka i ngam phu. Namshiq miitu akuq. Ngi ka tiima lanta ara klo ronglaq.”

Luke 24:35

Kiijiishe, tsangnai we nai raq, tsangshiq ma tsangnai ma awa lam maq, lam na jamkho riihumkitaq, kiimaq tsangnai raq Tatiwe ka winsii tiiphan kuqtaq akhing na jamkho tiitsang chhitaq, kra tsütsa kriishe tsangshiq ma phanchan kuqto.

John 20:1

Chepat ranap na, ranap chu maq Magdalani hiqti Meriq ka maakho liikai nguta kito. Apaiq raq maakho shaq chang longkaü kilü kriika adi baiq rea wishe chhihoto.

John 20:19

Kra chepat ranaiq niisii hali, rajiko niishe, ajaqshisetiim ka jam ashi na riitam raüta, kilü maq jam mong na tiisan raüta ngato. Tsangshiq ka Jehudinok welabi ma hai ma, jam mong niili tiisan raüta ngato. Kra liipan niili, Jesuq ka tsangshiq phana, dongchhaq li saü wato. Raüta, tsangshiq khaki na chapsaq raüta, “Namshiq ka hansang maq sirong laq,” nguta apaiq raq tsangshiq ma tsaiji doke bomto.

John 20:26

Kra jai miishe, chepat shi tin siraüta hali, ajaqshisetiim ka jam ashi na, tapmong na riitam ngato. Kiijaq tsangshiq rai Thomas min asi riito. Kilü thun kriika wiita shaqje siisaq. Shatmaq, Jesuq ka tsangshiq phana dongchhaq li saükito. Raüta, tsangshiq phong na chapto. Raüta, “Namshiq ka hansang maq sirong laq,” nguta tsangshiq rai bomdamto.

Acts 16:10

Paul raq kra riisham bomchong kra chhi raütiishe, arka Shiikeawe raq naishiq ka Mesidonia wang na siti mungmaiqse ma Tsütsa Ahea kra chongke wa miitu she heatlo ngutiishe tak kai. Krai mren, naishiq ka tlothit li she, Mesidonia wang nü na lai maq wawan miitu she tiijeme wan kai.

Acts 2:42

Kiimaq, tsangshiq ka kiimwebi wokhong na siraüta, kiimwebi raq Shiikeawe bomtsi shrinkuq tlaq kra, tsan tiitsi raüta tlang wanto. Kiimaq, tsangshiq ka Phungtu rintii ashi maq siwan damto. Kiimaq takshi pinshi maq, phaqsiq raüta sito. Kiimaq, tiima tsantsii ashi maq achu jaü raüta sito.

Acts 2:46

Wranaiqtek, tsangshiq ka adam na riitushat maq, Shomjam na Shiikeawe shomnoq riitam nga tlo. Kiimaq, jamshi na riitam hoho raüta, takshi pinshi maq chojong chise, kiimaq riiphea riinyin phaqsiq wan lili raüta sito.

Acts 20:11

Raüta apaiq ka rathong khok na jang wan nongto. Raüta winsii ka tiibun raüta adam maq phaqto. Paul raq tsangshiq ma rashe dong na saüli, trahokuqto. Raütiishe apaiq ka kihoto.

Acts 20:31

Arkha maq, namshiq ka tsii lamshat maq shongnga ronglaq. Ngi raq namshiq ma makphai pahea trok lata, phaqthak nithak maq naiqhü wasü tran tsii wan pha ira tsan na tiitsang shatmaq shongnga rong laq. Ngi raq namshiq tarü wiitsam tingkhit tran tsii chongkuq kang.

Acts 20:5

Tsangshiq ka naishiq ma sinkhu na kiholi raüta, Tros chela maq naishiq ka kheho lito.

Acts 20:9

Kiijaq maiq norii we weshi, apaiq mang ka Eutikas nguta kriiwe ka kitanpu na ngato. Riita Paul raq trahoke ka aluwiq she chongkuqto. Eutikas ka akontsi, tiinguk miiliiq she riito. Raüta akon she riilaq kito. Apaiq ka akon lam maq kra jam thongtsam khok maq, hiq na dea wanto. Tsangshiq raq apaiq ka do raüta liikiita, apaiq ka amaa she riito.

Acts 28:23

Krai mren she, tsangshiq raq Paul rai ngakai miitu ranaiq akhing ka tiihongto. Kiimaq kra ranaiq tiihongtaq akhing na, tsangshiq maiq pahea kra Paul sitlaq kiijaq kito. Krai mren, Paul raq ranap chu maq phaho raüta, raji ranyaq na saüli she, tsangshiq ma Shiikeawe Mungtan tsütsa kra phanchan chongkuqto. Kiimaq apaiq raq Mosheq Thungtri na awaiq thü nai shammibi lak na awaiqthü thun bomtsi kriika, Jesuq rilung nai apaiq raq jaqsham wantaq kiijiishe kuwanto nguta tsangshiq ma tsan tiinin li chang khan she, tiitho tiipha raüta chongphan kuqto.

1 Corinthians 10:16

Nashiq raq Tatiwe Poi klo tiikai akhing na khap sham tiikai kra miitu, Shiikeawe ma kechu tum tiikai. Nashiq raq kra khap wa spiqtai nyang tiikai kriika, Jesuq Khristo tiijai riisha nyang tiikai. Kiimaq kiikha hali, nashiq raq winsii phu ka tiikho phaq tiikai. Kra tiikho phaq tiikai kriika Khristo han-ngam phu phaq tiikai.

1 Corinthians 15:10

Shatmaq Shiikeawe apaiq khoqramkii maq kekuq shat rüm wan kha maq, ngi ka ümchaü maiqse ashi wiqwiq she dea ngutiishe sitiikang. Shiikeawe raq ngi ka apaiq kaphap wokhong mong maq, tiichhan chhi tlo arka atu niika moki mak dea. Riita ümchaü sanha riikhaqli maq shin raü jiila, ahinti kiimwebi thaq na, ngi raq riiwe ka jaqsham kaiwa apa achan ana she sham tiikang. Riita ara ümtinkhan wa hongla lata, jaqsham tiikang arka, i han-ngam ningkun miika riimak. Shatmaq Shiikeawe apaiq kaphap ningkun ka i khum na ngi rai asi kra lümaq jaqsham tiikang.

1 Corinthians 16:2

Chepat ranaiqtek na namshiq tarü khumtek raq, maiqmii raq ümchuwa lapkap tlan, kra tiiphan phan, maiqmii hii maq tiithi lanta, kampho ka hiwan lili rong laq. Kra riihan jiila, ümtiikiiwa ngi namshiq phana saü wan tiikang, kra ranaiq hirii rea ka raa mak she miraq.

2 Timothy 4:2

Ümniiriika, maiqse angu ma trahoke wan kli shiichaq wan ruq riilaq. Kholam kholiiq, chiiriim laüta, akhing hongtaq lo, hong mak lo jiimin, chongkuq wanruq maq shiichaq laq. Ara chongkuq tlaü kra lümaq, maiqse tsan ka tiinin lili mirlaq. Tsangshiq raq tsii chhi wanli chang, bomtsi ka atsin maq trantsii son laüta, chong kuqlaq. Kiimaq tsangshiq tsaiji ka dokuq laq. Ara trahoke jaqsham arka, phanrap na nin wan ruq maq, chongkuq laq.

Revelation 1:10

TATIWE ranaiq na, Wenyi raq ngi ka kunli rom wanto. Kiimaq ngi raq i jai nü na lerong tsüwa trang ikha, nirang chat-hit-hit maiq bom kra taikang.