Acts 20:3 - ASII LAKDAP Bible (BSI)

³ Apaiq ka Akaia wang na jipi lütsam sithüto. Kra sijai she, apaiq ka Siria wang na kaiho she nguta tiijeto. Kiijiishe, Jehudinok raq apaiq ka atsea baiq miitu reraü shunto ngutiishe, apaiq raq tho ka heto. Kriikha niishe, apaiq raq Mesidonia wang lam maq hali jangho nong chang ngutiishe, apaiq kaisea walam ka thapthi wanto.

Hawa Naga Bible 2001

³ Piq kuex kvruex mungx nuex yapix lex thuimx httax tueq, kvruex yimaq Siria mungx nuex lix maq kay dvnc tueq nuex, Yuda miqsaz rueq piq thvy gay tvkoc khuyx yaq kuex tuiuz tueq, kvkhoc rvtueq piq kuex Makedonia mungx kuex yanz wvnc vtueq yek wvnc tvkoc dvyx shec tvmaung taq tueq.

Muklom

³ Eshina piq japi tom tong ta. Baluk o piq Syria mung náng katma kacha atho Jehudi miqtang piq tha miiksuk eq ban siin ta; ira sam eq piq Macedonia ko o wel ma tathin ta.

Acts 20:3 Referencias Cruzadas

EJRA 8:31

Riita, ara chongtiikai arai mren, rawii pha wan jipi lü jikham raroqshiri ranaiqnai angu niishe, naishiq ka Ahawa chela kii maq kitlaq jürai kiimaq, Jerusalem na wawan miitu manglaü wanhiq khum tiido wan kai. Naishiq Shiikeawe raq naishiq ka ara lam luhea wanhiq khum wan kai kra, lam wiilülü, chiqse rewe mak liiwa, kiimaq lam na chiqhuk rehuk raq bom hairaüta akhe wan wa, wiita tiikhup wongkuqto. Raüta khu asang maq naishiq ka shea wanto.

TAKSU LAK 1:11

Bom shiiton tsangshiq raq, “Wara, nashiq raq maiq ashi ra atsea baiq ma rit rong i, maiqsangti jamin sapmakti thun kra, atiitsa sea ikha tsatbaiq rong i!

JEREMIA 5:26

“Isenginok rai abi maiqse sidamtlo. Tsangshiq ka wushikong tiimin ma chiiqjong chan raüta khetlaq ikha khetlo. Shatmaq tsangshiq kra chiiq chantlaq kriika maiq tiimin miitu chantlo.

Matthew 4:24

Krai mren, apaiq mangjong tsa ka Siria mung tlotli na nyam wanto. Kriikha maq, mungmaiqse raq phanrap phanrii thuptsi thatsi chamchao maiqse thun ka apaiq phaniishe sheahoto. Atsiti phong wa wiijam ka thaq raq arom wan, wiijam ka angaq tsiti, kiimaq wiijam ka khum amaa arki tsiti thun riito. Jesuq raq tsangshiq tarü thatsi ka tiiheakuqto.

Acts 16:12

Kra miishe, naishiq ka wangmong nü nü na, Philipia chela niishe wawankai. Philipia chela ka Mesidonia wang na apha wan hongti riito. Arka Rom wa alaüki Romannok sichang chela riito. Naishiq ka kiijaq rahiq ashaqpuq hai wankai.

Acts 16:9

Kra rawa shaqshaq she, Paul raq rawa na riisham mak maq, Mesidonia wang wa maiq weshi ka, apaiq khaki na chap raüta, “Mesidonia wang na warong ra. Lanta naishiq ara khrum kuqwa rongkiq!” nguta apaiq ma tiipaiqnea bom chongrea chhito.

Acts 18:18

Paul ka kra jai miimin Korin na siti phunainotiim rai rahiq aluwiq hali sithü damto. Raütiishe Prisila nai Akoila rai kongshi maq, Siria wang niishe laijong maq kihoto. Raüta, Kenkrea na saüto. Kenkrea maq mitiidoho shaq na, Paul raq sinkiitiq bomkham athü raükha kra shiikhoi diibaiq miitu akhu ka tiisito.

Acts 19:21

Riita arthun sham akai ara kun wan lot jai niishe, Asii Wenyi raq shun shea kha maq, Paul raq kaisia walam miitu bom ka, Mesidonia wang nai Akaia wang binjü maq riita Jerusalem nü niishe miwa wan ha nguta, atsan tsii ka atiinyi wan wishe riito. Krai mren, apaiq raq akha nguto, “Ngi raq arthun maiq mung arjaq wawan jai she ka, ngi ka, Rom chela niimin waraa dongdii she miraq,” ngutiishe apaiq traho bomchong wanhiq khumshiim lam kra thapthi wanto.

Acts 20:1

Kra tatso rüriiq trang raitaq kra sang wan jai she, Paul raq phunainotiim thun ka adam na triitam heato. Raüta tsangshiq ma tsaido jido bomtsi chongkuqto. Raüta wapha she jo nguta apaiq ka Mesidonia wang niishe tiido wanto.

Acts 20:19

Ngi ka Tatiwe luqkhapse ngo kha maq, Jehudinok raq chiqshun reshun raüta, i dü na ümtinkhan wa litkot chamchao rathaiq rahai tiisaü wantaq, kra liipan bala niimin, ngi ka aranse ma ja lata, kiimaq makphai trok lata, Shiikeawe jaqsham ka sham wankang.

Acts 20:2

Apaiq ka kra wang binjü maq wawanto. Raüta kra binjü na siti phunainotiim ma tsaido jido bomtsi pahea chongkuq wanwan wawanto. Raütiishe apaiq ka Akaia wang na wawanto.

Acts 21:3

Riita lam na khamjong thaq maq khamjong mong hiq Saipras ka laijong maq rashra chhithü kai. Laita kiimaq shemai nü tiithithi maq jiiqho laita, Siria wang nü na kihokai. Riita naishiq ka khamjong kii hiq Tajar chela niishe saüho kai. Naishiq kai chang laijong maq ahoho piikii chang huk asam thun kriika, kiijaq tiisat wa chang riito.

Acts 25:3

Phestas ma Paul ka Jerusalem na tiiwa raüjaq ahea nguta bom ka thuto. Paul ka tiiwa raüla apaiq ka lam wiili tsea baiq ma nguta tsangshiq raq ahukse maq reraü ka ashun wishe riito. Kriikha maq tsangshiq raq bom ka kiikha thuto.

2 Corinthians 1:15

Ngi raq ara shiwea wan kang kriika, namshiq riimin ngi rai ahea dea nguta mipong dam han sham nguta tiima wankang. Krai mren tiina, ngi ka namshiq phana riihum wa riiwe ka kongkhu na miwaha nguta tiima sürii wan kang. Ngi watiikang krai mren, namshiq riimin achu shiiman thongnai milap laq nguta tiima kang.

2 Corinthians 11:26

Ngi ümtinkhan wa, Shiikeawe jaqsham nguta khum wan kang na, jang pahea jüchhang lamtang mong maq lea wan kang. Kiimaq thiimeaq daku rai riihum wan kang. Kiimaq maiqmii nok Jehudinok raq, kiimaq Pongnok phan maiqse raq ümtinkhan wa, atsea ataa ma tankhan wanto. Kiimaq ümtinkhan wa, tsaija chhunja tiichamchao wanto. Lea wan kang akhing na, chela rap na, rum-nyangkhi na, kiimaq sammoktra jü thaq maq, kiimaq joksaü liiqse kongtibi jaq na, ngi ümtinkhan wa riitsi tsaitsiiq, chamchao litkot wa mong maq lea wan kang.

2 Corinthians 7:5

Naishiq ka Mesidonia wang na saü wan jai min, phanshi dongdii min nü tiitsak wan mai riikai. Barap binrii na, litkot chamchao li, nanok rai tatso wiinyili, naishiq tsan mong na haisi rasong li siwan kai.

Galatians 1:21

Kra jai miishe hali, ngi ka, Siria nai Silisia wang binjü na maiqhiq apawiq na walata, tra hokuq wankang.