Acts 20:21 - ASII LAKDAP Bible (BSI)

²¹ Jehudinok nai Pongnok phan maiqse ma romshaq na, ngi raq tsangshiq tarü ka tsangshiq ngarai lamphan kiiwa jang wan raüta, Shiikeawe puk na nyap wan raa tlo, raüta Tati Jesuq ma kamwan raa tlo nguta kiq atsin maq trantsii chongkuq kang.

Hawa Naga Bible 2001

²¹ Yuda miqsaz htenc muex muinz, Pungnuk miqsaz htenc muex muinz tsuingshiq mvrax htenc wawc Tishox kox nuex thuinz kvlayc kvroz wvnc vtueq naungshiq Taungjix Yesu muex kvmluimx wvnc tvkoc muinz, ngaz rueq daungdaungx tvsvmz jungx vphaungx.

Muklom

²¹ Shkewa relna tin kaley eq hiqtang Teyhungwa Jesu sha han ching ta Jehudi tang ma tho etho Greek tang ma tho nga phanchan táng.

Acts 20:21 Referencias Cruzadas

Matthew 3:2

“Namshiq tsantsii ka klai wan tlo ronglaq. Jamkhano ngukla Ramungtan ka aje niishe!”

Matthew 4:17

Kra akhing miiphat sanha, Jesuq riishe nokmaiqse ma trahoke wan jaqsham ka akhiishe phahoto: “Namshiq ngarai lam phan wa jang wan ronglaq. Jamkhano ngukla Ramungtan ka aje niishe!”

Mark 1:15

“Akhing ahea saüto she. Shiikeawe mungtan ka aje niishe! Ümchaü sanha, namshiq ngarai lamphan kra baiqthü rongliishe. Lanta Tsütsa Ahea kiima kam wan ronglaq!”

Mark 6:12

Krai mren, tsangshiq ka hiqshong sitlaq thun kiina kiraüta, nokmaiqse ma, tsangshiq ka ngarai lam phan wa, tsantsii klai chang nguta trahokuqto.

Luke 13:3

Riimak! Kriika ümtiikiimin riimak! Ngi chongpha. Namshiq min maiqmii ngarai ka tiidii man riihan jiila, tsangshiq jai niisii mikiho nong han.

Luke 13:5

Riimak! Kiikha ka riimak! Ngi chong pha. Namshiq min maiqmii ngarai ka tiidii man riihan jiila, tsangshiq jai na sii hali sho lam na, khoshi na mikiho nong han.”

Luke 15:10

Ngi chongpha, tai ronglaq, ikhiisii hali, Shiikeawe rasetiim kiimin, ngarai maiqse ashi raq tsantsii klai raü la, kai michochi!”

Luke 15:7

Ara chongtiikang akhiisii hali, ramungtan niika, ngarai tiidii ra mak kechu maiqse nguta tiima raüta, maiq roqtiikaü ri tiikaü sitlaq kra thaq na, maiq weshi ngarai maiqse tsantsii klai tlaq kra chhi raüta, apa michochi.”

Luke 16:28

Kriijaq i phu i notiim webiingi dea asi. Apaiq ka kiraüta, tsangshiq ka ara chamchao walü mong na dea wan mak chang miitu, tsii michong kuq kilaq. Tsangshiq siika mimi, atsai wan jai na, ara chamchao wamungtan na khiim wan mak chang miitu michong kuqki laq.’ ”

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

John 20:31

Shatmaq, arjaq waiq kang thun arka, namshiq raq Jesuq kiidea Khristo, kiimaq Shiikeawe Se nguta mikam laq kiimaq apaiq ma kam tlan kra lümaq, namshiq raq rilung milap laq nguta waiq kang.

John 3:36

Jurwa Ase ma kamtlaq, kriiti riika pattup pat-sa rilung ka alap wishe. Shatmaq, jurwa Ase kiq khü tlaq, kriiti riika pattup pat-sa rilung ka lap lot mak. Shatmaq, Shiikeawe manson nai apaiq mo kra hophaq raütli she misi wan.

Acts 10:43

Shammibi thun wiita raq, apaiq mangchong tsa kra chongkuq wanto she. Apaiq ma kamwanti maiq loweatek ngarai ka Shiikeawe raq, Jesuq lümaq wiita midii kuq nguta tsangshiq raq chongkuqto.”

Acts 11:18

Tsangshiq raq ara Petar raq chongkuqtaq tsütsa kra tai raütiishe, tsangshiq raq Petar shra bom nyantaq kra diibaiqto. Kiimaq, “Ikhiijiika, Shiikeawe raq ara Pongnok phan maiqse miimin, tsangshiq ngarai kra tiidii miitu, tsangshiq miimin kilü ka dikuqto she dea. Raüta tsangshiq miimin, atra maq si miitu rilung lam she tankuq wanto!” nguta tsangshiq raq Shiikeawe kiishe tiitsam kamto.

Acts 16:31

Kiijiishe, tsangnai raq, “Tati Jesuq ma kamlaq. Raüla ümkhum ka michhii kuq. Kiimaq ümjamti thun ka michhii kuq,” nguta apaiq bom ka treto.

Acts 17:30

Riita, maiqse raq man na lea wantaq pat achat na, Shiikeawe lamphan ka sap wan mak maq siwantaq thun akhing kriika, apaiq raq raüpot kha mak she. Shatmaq, ümchaü ka apaiq raq tsangshiq tarü kunli raq abi ngarai lamphan kiiwa tsantsii klai rongliishe nguta aming ka kuq tlo.

Acts 19:17

Ephisia na siti Jehudinok mungmaiqse wiita raq, kiimaq Pongnok phan mungmaiqse wiita raq ara tsütsa ka ratsa ikhiishe taito. Kra tai raütiishe, tsangshiq tarü ka phiip raq tsaito. Kiimaq Tati Jesuq mang ka kai shreng wanto.

Acts 2:38

Kiijiishe, Petar raq tsangshiq bom ka akha treto, “Namshiq maiq loweatek raq, maiqmii ngarai ka tiidii wan raa tlo. Lanta, Jesuq Khristo mang na kham lam wan raa tlo. Kra riihan jiitiq, Shiikeawe raq namshiq ngarai kra midii kuq. Kiimaq, Shiikeawe raq akuq kongphiq Asii Wenyi kra namshiq raq milap han.

Acts 2:40

Petar raq akha tri bomtsi atsin maq trap tru raüta, tsangshiq ma chongkuqto. Kiimaq, arthaq niimin chat raüta, apaiq raq tsangshiq ma, bomtsi ahin miimin, tran tiitsii chongkuqto. Apaiq raq tsangshiq ma akha chong kuqto, “Riita, ümchaü min, Shiikeawe raq Jesuq tsea baiq wanti, ara ngarai maiqsetiim, ara mung na siti khu thaq na, chamchao jonghea tiisaü tlaq kriiwa, namshiq ka tiichhii wan tlo ronglaq!”

Acts 20:23

Ara jamkhano chongtiikang ngukla, ngi ka ümriibano kiwa tiikang, kiijaq chelatek na, ngi ma shumraü kharü nai chamchao litkot rathaiq rahai ka tiijeshat maq thü wan li tlo nguta, ngi ma Asii Wenyi raq chongkuqtlo.

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Acts 24:24

Kiimaq ranaiq tsam blai si raütiishe, Phelisk ka tsang-nyung Jehudi shea Drusila rai kito. Raüta, apaiq raq Paul ka tiiheawa raüta, Paul raq Khristo Jesuq ma kamwan lamphan bom chongke kra taito.

Acts 26:18

Ümniiraq tsangshiq mak ka mitiipiiq kuq wan haü. Kiimaq tsangshiq ka ranyaq nyang mong wa rawü lam phan niishe mishun shea wan haü. Kiimaq tsangshiq ka Thupkaü Thawe jaqkhon mong wa, Shiikeawe wokhong niishe mishun shea wan haü. Krai mren, tsangshiq raq ngi ma kamtsantsii thü tlaq kra lii miishetiq, tsangshiq ngarai ka midii kuq wan. Raüta tsangshiq ka Shiikeawe sengi maiqsetiim rai she shongnga wan dam miitu tsangshiq ma chapchang ngachang she mitiihong thaq kuq wan.’

Acts 26:20

Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.

Acts 28:23

Krai mren she, tsangshiq raq Paul rai ngakai miitu ranaiq akhing ka tiihongto. Kiimaq kra ranaiq tiihongtaq akhing na, tsangshiq maiq pahea kra Paul sitlaq kiijaq kito. Krai mren, Paul raq ranap chu maq phaho raüta, raji ranyaq na saüli she, tsangshiq ma Shiikeawe Mungtan tsütsa kra phanchan chongkuqto. Kiimaq apaiq raq Mosheq Thungtri na awaiq thü nai shammibi lak na awaiqthü thun bomtsi kriika, Jesuq rilung nai apaiq raq jaqsham wantaq kiijiishe kuwanto nguta tsangshiq ma tsan tiinin li chang khan she, tiitho tiipha raüta chongphan kuqto.

Acts 3:19

Riita, ümchaü min, ara chong tiikai arai mren, namshiq raq maiqmii ngarai ka tiidii tlo ronglaq. Lanta, Shiikeawe wokhong na nyap wan tlo ronglaq. Kra riihan jiitiq, Shiikeawe raq namshiq ngarai kra midii kuq. Namshiq raq kra riihan jiila,

Acts 8:25

Tsangnai raq nokmaiqse ma Jesuq Khristo miitu hakhi kuq lot raüta nai Tatiwe Tsütsa ahea kra chongkuq lot raütiishe, Petar nai Johan ka Jerusalem na hali jangho nongto. Tsangnai ka ajangho lam maq, Samaria wang na maiqhiq shong pahea na Tsütsa Ahea kra chongkuq wanto.

Romans 1:14

Ara jamkhano chongtiikang ngukla, Shiikeawe raq ngi ma, maiqse angu hupli ma Tsütsa Ahea kra chongke miitu holai ka tiihokuqto. Phaqchi maiqse miimin kiimaq tawesang miimin. Lak atsinti miimin, kiimaq lak tsinmak, makchukti miimin.

Romans 1:16

Ngi ka Tsütsa Ahea bomtsi ka nanok ma chongke miitu jeasi mang. Jamkhano ngukla ara Tsütsa Ahea bomtsi na ningkun asi kiimaq kiima kam lata, tsankhun maq sitiikang. Maiqse angu wa, jurwa Jesuq ma kamtlaq, kriiti thun kunli ka, ngarai mong wa tiichhii wan miitu ningkun ka Tsütsa Ahea bomtsi na sitlo. Arka, apha na Jehudinok ma chongkuqto. Kiimaq kra jai maq, Pongnok phan maiqse miishe chongkuqtlo.

Romans 10:9

Ara chongkuq tiikai arai mren, ümniiraq ümnübok maq, Jesuq kriidea Tatiwe nguta, kiimaq Shiikeawe raq apaiq ka amaa wiidea tiidong wanto nguta, ümtsan mong maq kamwan laüta, nokwe man na linham linhok hakhi kuq haü jiila, ümkhum ka Shiikeawe raq mitiichhii kuq.

Romans 2:4

Arka namshiq raq, Shiikeawe raq namshiq ma, mangchan tsii jonghea rüm tlaq kra shishe lam na khat tlo. Kiimaq apaiq raq namshiq shutphit ka mangchan tsi ma, namshiq ka atsea wan chang wiimin, tsat son n mak maq, anin riiwan tlo, kiimaq ranaiq shishi kla, namshiq raq tsii michhi wan han ahiq, nguta tsan tiibum raüta, namshiq tsantsii klai wan ka khe tlo. Shiikeawe raq namshiq ka kai lungwii tlo nguta namshiq riimin asap han. Shiikeawe raq namshiq mangchan tlaq arka, namshiq raq ngarai tsantsii kra miklai tlo laq, nguta ngo maq mangchan tlo.

Romans 4:24

Ara bomtsi waiqthütaq arka, nashiq miitu min riito. Arka nashiq phong wa, nashiq Tati Jesuq ka amaa wa tiidong wanti we, Shiikeawe apaiq ma kam tiikai, laita apaiq raq nashiq ka kechu maiqse she nguta ajam na tiidii wan tlaqti thun miitu riito.

Romans 5:1

Riita ümchaü nashiq ka Shiikeawe raq wehea she nguta ajam na tiidü wanto she. Arka nashiq raq apaiq ma kamtsantsii thü wan tiikai kra lümaq wehea tiija wanto. Krai mren, nashiq ka Jesuq Khristo lümaq Shiikeawe rai ari aram miishe sitiikai.

1 Corinthians 1:22

Jehudinok riika awang chang jaqsham hakhi chhi raütiq arka Shiikeawe jaqsham dea nguta mikam hai nguta rit tlo. Kiimaq Grik nok riika taksma bomchong miisaq riihii miika Shiikeawe lamphan ka maiqse raq takwan lot mak nguta tiima tlo.

2 Corinthians 7:10

Ara jamkhano chongtiikang ngukla, namshiq tsanbi ka, Shiikeawe raq namshiq tsantsii klai wan lam nü niishe wiiqkuqto. Kra klai tsantsii lümiishe, namshiq raq tiichhii wan rilung ka lap wan lan. Riita kra jiika jam tiishudaq wan chang min ahü! Shatmaq, han-ngam tsantsii lamlam maq tsanbi tlaq kra riika, namshiq atiitsai mirwan.

Galatians 2:16

Shatmiitiq, nashiq raq maiqse ashi ka, apaiq raq, Jesuq Khristo ma kamtsantsii thü raü jiitiq, Shiikeawe raq apaiq ka, kechu maiqse she dea nguta, Shiikeawe apaiq wokhong na tiisi wan tlo nguta, nashiq raq sap tiikai. Apaiq raq Thungtri aming kra lang tlo nguta, Shiikeawe raq apaiq ka, ümtiikaq ranaiq jiimin, awokhong na, kechu maiqse she dea, nguta tiisi mak. Shiikeawe raq nashiq armin la, Jesuq Khristo ma kamtsantsii thü wan kai kra lü miitiq, kechu maiqsetiim she, nguta awokhong na tiisi wan tlo. Arka nashiq raq Thungtri aming lang laita riimak. Shiikeawe raq maiqse ka, Thungtri aming lang tlo nguta, jumin kechu maiqse ma tiija mak.

Galatians 2:20

Riita, ara chongtiikang, i han-ngam arka atsai kaikun she kha maq, ümchaü ngi atra sitiikang arka, i han-ngam maq atra si ka riimak she. Arka, ümchaü sanha, i khum niika, Jesuq Khristo lishe atra sitlo. Krai mren, ümchaü ngi atra sitiikang i rilung arka, ngi raq Shiikeawe Se, ngi ara pinthum mangchan raüta, ngi miitu tsaiti we ma kamtsantsii thü tiikang kra, lü miili she atra sitiikang.

Galatians 3:22

Shatmiitiq, Asii bomtsi na, mangjong maiqse tlotli ka, ngarai kharü mong na siisaq sitlo nguta chong tlo. Riita, ara ningkhan, Shiikeawe raq kongphiq mikuq ha nguta kiqkham kuqtaq kriika, jurwa Jesuq Khristo ma kamtlaq, kriiti miili, tsangshiq raq kamtsantsii thü wan tlaq kriithaq na seng raütiishe kuq tlo.

Ephesians 1:15

Riita, ija namshiq raq Tati Jesuq ma kamwan lan kiimaq namshiq raq Shiikeawe sengibi tarü ka kai lungwii tlan nguta tsütsa ka tai kang.

Colossians 2:5

Ngi ka namshiq rai bashi na adam simang li jiimin, tiima tsantsii maq namshiq rai kiqshi tsiimshi li sitiikang. Kiimaq ngi ka namshiq wiitarü kiq ashi maq, Jesuq Khristo ma kamtsantsii pharangrang maq chap tlan kra chhi lalata kai chochi tiikang.

Philemon 1:5

Ümniiraq Shiikeawe sengi ka kai lungwii tlaü, kiimaq tsangshiq ka khrum kuq tlaü nguta tai tiikang. Kiimaq, ümniiraq Tati Jesuq ma pinthum kam tlaü nguta tai lalata, ngi raq Shiikeawe ma kechu tum tiikang.

1 John 5:1

Jurwa Jesuq kiidea Messia nguta kamtlaq, kriiti ka Shiikeawe se ngushat she. Jurwa awe lungwii tlaq, kriiti riika ase min milungwii.

1 John 5:5

Riita ara mangjong hiq tangti ka juwa? Jurwa Jesuq ka Shiikeawe Se dea nguta kamtlaq kriiti riili mitang lot.