Acts 20:16 - ASII LAKDAP Bible (BSI)

¹⁶ Paul raq Asia wang na rahiq ka alu tiicha mang she nguta apaiq kaisia walam bomtsi ka athapthi wan kun she riito. Kra ngo kha maq, apaiq raq Ephisia chela ka ashüp raütli she kaiho nguta thito. Apaiq ka Jerusalem na saüho tlo raüta, mairaü la Raroq Biingi Poi ka lomho dam ma nguta, ataü laü she riito.

Hawa Naga Bible 2001

¹⁶ Polu kuex Asia hong nuex vkhing tvhttvmc roc muq ningkhvnc Ephesu kuex yanz laq vtueq lix maq kay wvnc muex htvp htaz tueq. Piq kuex Pentekos moalx laulaz Yerusalem nuex httuiuc kay tvkoc pheyap tueq.

Muklom

¹⁶ Paul aa Ephesus sha lit eq kanáng ta tathin ta, chammatakoi Pentecost saal o Jerusalem náng thok ma piq Asia mung na rangham sha tachuwan ma nuk moq angta.

Acts 20:16 Referencias Cruzadas

DUNGWVNC 34:22

“Ümtiikiiwa namshiq raq bunwong tsam nye siqphahotlan kiitiikaq Tsamwi Poi ka klo ronglaq. Kiimaq Lamjaptiip Poi ka liidong wan na petsi anye pansiq phahotlan akhing na klo ronglaq.

Acts 12:13

Kiijiishe Petar ka saüki raüta, kinphai kilü na ajaq maq bukto. Kra tai raüta, luqkhapse ashi jechakse amang Roda nguta kra ki raüta kilam chong maq liikito.

Acts 16:6

Kiimaq Asii Wenyi raq Asia wang niika trahoke wa naq wa rongkiq nguta tiiwin kha maq, tsangshiq ka Phrigia hong nai Galatia wang heawea binjü lam maq wawanto.

Acts 18:19

Raütiishe, kiimaq laijong maq kiho nong raüta hali, tsangshiq ka Ephisia niishe saü hoto. Raüta, Paul raq Prisila nai Akoila ka kiijiili she baiqthüto. Kiijaq apaiq ka sinagok na kiraüta Jehudinok rai traho bomtsi kra chongkuq wan nong raüta, riiphan chan nongto.

Acts 18:21

Shatmaq apaiq raq akaiho ma, tsangshiq ma bom ka akha ngutli she chongkuq thiito, “Arka Shiikeawe raq thili. Apaiq raq thi raüka, ngi ka namshiq phana hali mijang wa nong kang.” Kra bomthü raütiishe, apaiq ka Ephisia maq laijong na diito. Raüta kihoto.

Acts 19:1

Apolo ka Korin na sishon, Paul ka Galatia nai Phrigia wang na wawanto. Raüta wangmong binjü thun ka wiita khonli khum wanto. Raüta Ephisia niishe saü wanto. Kiijaq Paul raq Phung maiqsetiim wiijamti riihumto.

Acts 19:21

Riita arthun sham akai ara kun wan lot jai niishe, Asii Wenyi raq shun shea kha maq, Paul raq kaisia walam miitu bom ka, Mesidonia wang nai Akaia wang binjü maq riita Jerusalem nü niishe miwa wan ha nguta, atsan tsii ka atiinyi wan wishe riito. Krai mren, apaiq raq akha nguto, “Ngi raq arthun maiq mung arjaq wawan jai she ka, ngi ka, Rom chela niimin waraa dongdii she miraq,” ngutiishe apaiq traho bomchong wanhiq khumshiim lam kra thapthi wanto.

Acts 2:1

Raroq Biingi Poi akhing saü ranaiq na, kamasham maiqsetiim ka wiita adam maq jamshi na, riitam ngashat riito.

Acts 20:13

Naishiq ka Tros maq sinkhu na laijong maq kiholi kai. Laita Asos chela na saüho kai. Kiijaq naishiq raq Paul ka laijong na tiidii wan chang riito. Apaiq ka ta lam miili wawan ngo kha maq, apaiq raq naishiq ma bom ka akha chongkuqto.

Acts 20:18

Kiimaq, tsangshiq ka apaiq phana saüki kiita, apaiq raq tsangshiq ma bom ka akha chongkuqto, “Ngi raq Asia wang na i ji maq ni wan kang ranaiq maq pha wan lata, ngi tiido wan ranaiq na saüli, namshiq rai jamkho singa wan kang, kiimaq naiqhü wasü jamkho i jaq sham wan kang, lata siwan kang, kriika namshiq tarü raq asap han she.

Acts 20:22

Riita, ümchaü sanha, ngi ka Asii Wenyi raq shunshea tlaq kra phanphan, Jerusalem niishe kiho tiikang. Kiina saüho hajaq, ngi ma jamlai phan litkot chamchao rathaiq rahai wa misaü, kriika ngi raq ümchaü chonglot mang.

Acts 20:4

Apaiq rai kai damti kongtibi thun ka Pairihas se Sopatar riito. Apaiq ka Berea chelati. Kiimaq Thesalonia chela wiika Aristarkas nai Sekundas kidamto. Darbi chela wiika Gaias kidamto. Apaiq rai ka Timothi min kidamto. Kiimaq, Asea wang wiika Tikikas nai Trophimas kidamto.

Acts 20:6

Naishiq ka Pi Maq Shohü Winsii Phaq Poi kra lomlot jai miishe, Philipia chela maq laijong na dü wan kai. Laita rabiingi jai maq, naishiq raq tsangshiq ka Tros chela wa tlo hokai. Naishiq ka Tros chela na chepat shi haithü kai.

Acts 21:4

Kiijaq Tajar chela na naishiq raq phunainotiim wiijamti asi, kra rit laita hum kai. Laita tsangshiq rai chepat shi sithü damkai. Tsangshiq raq Asii Wenyi ningkun maq Paul nangnga Jerusalem na saüli ka naq kikiq li nguta atiiwin riito.

Acts 24:17

“Riita, ngi ka wiitsam wiiblai tin she, wanhiq na sirai wa jai miishe, naishiq nok miitsan miijan maiqsetiim ma kechang kongphiq kampho archom kra kewa nai Shiikeawe ma honglu kewa nguta Jerusalem na wakang.

1 Corinthians 16:8

Ngi ka ümchaü arjaq Ephisia chela niili misiha. Raroqbiingi Poi na saüli misiha.