Acts 2:45 - ASII LAKDAP Bible (BSI)

⁴⁵ Tsangshiq raq maiqmii hupchong samchong thun kra shata raüta, kra sha kampho ka, tsangshiq phungtuti liipan na, maiq loweatek ma, jamlai phan niiwa thümlit tlaq, kra tiiphan phan riiphea riinyin raüta sito.

Hawa Naga Bible 2001

⁴⁵ Tsuingshiq rueq miqmac hup vsvmx htenc kuex shaung vtueq ukhaq muex muinz thvl httauk muq maq rax yaq jix htenc muex phvlx kuq tueq.

Muklom

⁴⁵ Ning aa lik aa ngin etho tangwang sang eq chamtey ma ràa ajo ning ma kot ta.

Acts 2:45 Referencias Cruzadas

Tvtsvmc 112:9

Apaiq raq atsiiq anyam ka litkot chamchao maiqse ma, jaqchii jichii maq pheanyin pheashi khrum kuqtlo; apaiq mangchan ka laqthaqmak phan; apaiq ningkun ka ajong miraq kiimaq maiq raq apaiq ka kai mishreng.

TAKSU LAK 19:17

Jurwa miitsan maiqse khrum kuq tlaq. Kriika Tatiwe ma ke riito. Tatiwe raq apaiq ma mipai kuq.

Matthew 19:21

Kiijiishe Jesuq raq treto, “Ümniika awongsii maiqshaq ashi ma jawan ro tlaü jiika, ümjam na kilaq. Laüta ümtsiiq ümnyam ümchu wa sitlaq kra wiita asha riilaq. Laüta kra kampho ka miitsan miijan maiqsetiim ma pheakuq laq. Kra riihaü jiitiq ümniika mungtan na chiithe ma mija wan haü. Kra laüta ngi phana wara. Kiimaq i jaqshise ma ja laüta, i jai she phan laq.”

Luke 16:9

Kra ngu raüta, Jesuq raq abom ka akha chongkuqto, “Arkha maq tiina, ngi raq chongtiikang ara: Mangjong hiq wa tsiiq nai nyam armaq athuk atsom jaqsham lanta, namshiq maiqmii miitu, kongti kiimtibi ka lap ronglaq. Krai mren, ümtiikiiwa, ara namtsiiq tum thun kra athum she mirki, kra akhing na, namshiq ka pattup pat-sa jam niishe mitao wan.

Luke 18:22

Jesuq raq ara bomtre kra tai raüta, apaiq ma chongkuqto, “Ümniiraq phanshi ri dea sham chang asi shaq. Ümtachong hupsam ümchuwa, kra wiita asha riilaq. Laüta, kra sha kampho ka, miitsan maiqse ma phea kuq laq. Kra riihaü jiila, ümniika ramungtan na chiithe ma mija haü. Laüta wara. I jai arshe phan laq.”

Luke 19:8

Kiimaq, Jekias ka tarü man na chap raüta, Tatiwe ma chongto, “Shiilangwe le liilaq. Ngi raq ita iwii hupsam sitlaq kriiwa, mannai na phea lata, manshi kra miitsan miijan maiqse miishe miphea kuqha. Kiimaq ngi raq maiq weshi ra la laolii wan kang jiila, kra thaq na manblai tliip lata mitham kuqha.”

Acts 11:29

Kra tai raütiishe, Jesuq jaiphanti setiim raq, Judia wang na siti kamasham maiqse phunainotiim ma khrumke miitu, tsangshiq loweatek raq maiqmii rii tiithithi maq pheke jaqmiiq mihi rong i nguta bom ka riichongto.

Acts 4:34

Tsangshiq phong na jumin phaq nai sia na nyi mak dea nguta ju min chamchao mak. Ju jaq niiwa wak lo, jam lo asi, kriiti raq maiqmii tachong hupsam kra asha riito. Raüta, kra sha kampho ka lam wan raüta,

Acts 4:35

kiimwebi jaq na kuq wantlo. Krai mren, kiimwebi raq kra kampho ka maiq loweatek ma, jamlai wa raa tlaq, kra phanphan mren mra chhaq maq phea kuqto.

2 Corinthians 9:1

Riita, riikhaqli miikla, ara Judia wang na sitibi Shiikeawe setiim ma khrumke kongphiq hoho tiikai kra miitu ka, ngi raq namshiq ma lak na waiq rea nong ngo min rarai makli she.

2 Corinthians 9:9

Asii bomtsi na akha chongtlo, “Apaiq raq athüm alitti ma aliim ale, asho awo thap kuqtlo. Apaiq lungwiitsii ka pattup thum mak miq mak.”

1 John 3:17

Riita chiithe maiqse weshi raq, aphu ano ka acham achao rai michhi. Shatmaq mangchan mak, achhi ikha chhi mak ikhli liiraü jiika, apaiq raq Shiikeawe lungwii tlo nguta ngo chang ka asi sha?