Acts 2:17 - ASII LAKDAP Bible (BSI)

¹⁷ ‘Shiikeawe raq akha chongtlo, Ngi raq phangthum wan akhing na akha mirha: Ngi raq i Wenyi ka pheanyin pheanyi kaütak rishi, maiq loweatek ma asho awo miraü kuq ha. Namsetiim jechak aja maiqwe aja wiitarü raq, rinkinku maq changriim chiiriim, i tsütsa ara michong kuq wan. Namsetiim jerobi ka shammibi ma mija. Kiimaq nyungwere raq ra wa ma ka, machha khaqkhaq mima.

Hawa Naga Bible 2001

¹⁷ ‘Tishox rueq vkhoc jungx tueq, vtvsuip raungnuiyq ngvy Siyac kuex miqphvnx ruip rawx htauk nuex ngaz rueq ruiuc kuq shaungx. Nuimshiq saz yalxjuik miqwaz htenc rueq ngvy bomjungc kuex jungphvnx kuq shuex; nuimshiq yalxrox bix rueq romzyac khiz wuez shuex, nuimshiq nyuiuz waz rulc rueq maung maq maung wuez shuinx.

Muklom

¹⁷ ‘Shkewa bat aa, Uthun saal tang o nga irimal som náng, I Tsija eq nga thaji miqtang ma qhan kot chak náng. Nim miqwa etho miqnu susa tang aa raaqtóng na; etho nim jaro tang thaji eq máng khina. Etho nim tikang tang aa máng khina.

Acts 2:17 Referencias Cruzadas

RAPHA HIQWA LAK 49:1

Jakob raq asetiim thun tiiheakito raüta akha nguto, “Ngi tro na riitam ronglaq. Kiimaq rawiichiiji namshiq ma jamlai wa hongtha wan tlaq kra bom chongkuq pha:

RAPHA HIQWA LAK 6:12

Shiikeawe raq mangjong hiq ka liito. Kiimaq mangjong hiq ka abi chhito. Jamkhano ngukla maiqse kunli ka abi kiimungti siisaq.

Tvtsvmc 65:2

jamkhano ngukla ümniiraq naishiq achujaü trelaü. Mangjong maiqse barapse ümjichong na miwa

Tvtsvmc 72:6

Hokhamwe ka wak ram na rajuntlaq ikha miraq, hiqshong na rajun rakraqtlaq ikha mirlaq.

TAKSU LAK 1:23

Ngi raq tsii chong tsat-son tiikang ara tairong laq; Ngi raq ümniima tsii chongkuq tiikang ara tailaq. Ngi raq ümniima itsan mong wa tiima tsantsii kra michong kuqha.

ISAIA 2:2

Rawiichii akhing na Shomjam haitaq pum ka pumthun wiitarü thaq na diiluhea pinthum miraq, hiqlam wiita thaq na diilu pinthum miraq. Maiq mung pahea wa maiq apaiq phana kongta hushhu waraüta mirtam wan,

ISAIA 40:5

Kiijiishe Tatiwe khushü kra mitiichhikuq, kiimaq maiq phan tlotli raq kra michhi. Arka Tatiwe apaiq raq kiq akhamkuq.”

ISAIA 44:3

“Ngi raq khamnyang tsitlaq mung na kham mikuqha, kiimaq shinriiqriiq hiqraikhü na jüseraisetiim mitiikiha. Ngi raq iwenyi ümsetiim khum na miraükuqha, kiimaq ümsaütiim ma ram miramkuqha.

ISAIA 49:26

Ngi raq ümnaq tlitkotti ka tsangshiq liipan na mitriijiipbaiqha; Tsangshiq ka riitsea riita tsankhiq watrangli miraq. Kiijiishetiq maiqse angu tarü raq Ngi ardea Tatiwe nguta misap, ümnaq chhiiti kiimaq ümniika wase ma tiijati. Tsangshiq raq Ngi ka Israilnok Shiikeawe ningkun ajong riimti nguta misap wan.”

ISAIA 66:23

Jipi Jinye Dong Poitek na kiimaq Niitiitsak ranaiqtek na, mungmaiqse ka mungtek wa Ngi shomnoq wa arjaq Jerusalem na miwa,” nguta Tatiwe raq ngutlo.

EJEKIEL 11:19

Ngi raq tsangshiq ma tsan ka anye ashi she mikuqha. Kiimaq khutsai kiimin anye ashi she mikuqha. Ngi raq tsangshiq tsan wanshak shak longkaü ikha sitlaq kriika alam she mirbaiqha. Lata tsangshiq ma tsan ka anin, maiqbom ataiwiq tsantsii she mikuqha.

EJEKIEL 39:29

Ngi raq i wenyi ka Israilnok khuthaq na minyuk kuq wanha. Kiimaq Ngi raq imaklii ka tsangshiq phanü wa jainong ka ümtiikiimin shung thü mang she mirha. Arka Ngi, Tati Rakaü Hiqwe raq chong tiikang.”

DANIEL 10:14

Ngi ümphana saükikang arka, rawiishiqwii namshiqnok ka jamkha jawan chang wa miraq kra ümniiraq sap wan miitu chongkekai kikang. Riita ara riishammakchhi arka rawiichii miitu tiichhi kuqto.”

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

Mikha 4:1

Rawii shiqwii Tatiwe Shomjam khü hiqlam ka ku akin tarü thaq na, diilu pinthum miraq. Maiqphan pahea wa raüta kra pum na mirtam wan.

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

JEKERIA 2:13

Tatiwe man na, tarü, sangli miishe sirong laq. Liirong laq, apaiq ka apaiq sichang asii jam miishe saühotlo.

Luke 3:6

Maiqse angu kunli raq, Shiikeawe Tiichhii Wan jaqsham kra michhi wan!’ ”

John 17:2

Ümniiraq apaiq ma maiqse angu wiita hupkhang wan miitu arang ka kuq laü she. Krai mren, ümniiraq apaiq ma sengi ümchuwa kuq laü, kriima apaiq raq pattup pat-sa rilung she mikuq.

John 7:39

Jesuq raq ara chong taq arka, apaiq ma kamwantibi ma jai maq, Asii Wenyi kewan chang asi kra nangnga chongtlo. Kra akhing na Jesuq ma kamwanti maiqse ma, Asii Wenyi ka mikuq shaqli riito. Jamkhano mikuq shaqli ngukla, Jesuq ka ra na mitsom thü shaqli riito. Kiimaq apaiq khushü ngao kiimin mitiijong wan shaqli.

Acts 10:45

Petar rai awadam Jehudinok phungmaiqsetiim Joppa wa awati raq, Shiikeawe raq apaiq kongphiq Asii Wenyi ka Pongnok phan maiqse miimin, asho awo raüke wan kriishe chhi raüta, tsangshiq ka kai amao riito.

Acts 11:27

Kra akhing bala niisii hali, Jerusalem wa shammibi wiijamti ka Antiok chela na wato.

Acts 11:28

Tsangshiq kongti weshi, amang ka Agabas nguta kriiwe ka Asii Wenyi raq ama riito. Apaiq ka chap hiiq raüta, mangjong tlotli na ram jonghea midong lii nguta, Antiok na siti phungmaiqsetiim ma riisham bom maq tiithai chongkuqto. (Kra ramdong ka Klaudias raq munglang Roman Hokham jataq bala dongto.)

Acts 2:16

Arka Shammi we Joel raq riisham bom maq achong thü kra bomtsi kriishe ku wanto. Joel raq riisham bom maq akha chong thüto:

Acts 2:18

Ara chongtiikang arka tengteng, Phangthum akhing na, ngi raq i disetiim jechak aja maiqwe aja wiitarü ma, Asii Wenyi ka pheanyin pheanyi kaütak rishi, asho awo miraü kuq ha. Krai mren tsangshiq wiitarü raq, rinkinku maq changriim chiiriim, i tsütsa michong kuq wan.

Acts 2:33

Awe Shiikeawe raq, Jesuq ka apaiq ma jaqtsi nü niishe tiinga wanto. Kiimaq Awe raq kongkhuji na, apaiq miika Asii Wenyi mikuq nguta kiq khamtaq kriishe kuq wanto. Riita, ümchaü namshiq raq arjaq jamlai wa chhi tlan arka, Jesuq apaiq raq, Asii Wenyi ka naishiq khum na phong tsoktsok akuq kriishe chhi tlan.

Acts 21:9

Asetiim ka junriisetiim nyungblai riito. Kriiwiitiim raq Shiikeawe bomtsi ka chongkuqto.

Romans 5:5

Riita ara ranphan tsii rüm tiikai ara riika nashiq ma tsiim tiijü mak she. Jamkhano ngukla, Shiikeawe raq apaiq mangchan tsii ka Asii Wenyi lümaq, nashiq tsan nai mongjii na araüke wan kun she. Ara raükuq wantaq Asii Wenyi arka, nashiq ma Shiikeawe apaiq raq akuq wan.

1 Corinthians 12:10

Asii Wenyi raq, maiq ashi miika awang chang jaqshamke miitu ningkun kuq tlo. Kiimaq maiq ashi miika Shiikeawe riisham bom kra chongke miitu ningkun kuq tlo. Kiimaq maiq ashi miika Asii Wenyi raq akuq kongphiq thun kra liipan na chechiip miitu ningkun kuq tlo. Kiimaq maiq ashi miika, maiq raq taimak phan bom maq bom miitu kongphiq kuq tlo. Kiimaq maiq ashi miika kra bom tlaq taimai phan bomtsi liichum kra tiikho chongke miitu ningkun kuq tlo.

1 Corinthians 12:28

Riita phungtu na Shiikeawe raq maiqse tarü ma maiqmii maiqmii tiisuk nga chang tiihong kuqto. Apha na kiimwebi kra shongto. Kra jai na, shammibi shongto. Kiimaq kra jai niika ashrinketibi shongto. Kra jai niishetiq awang chang jaqsham ketibi shonto. Kra jai na maiq atsi asiti thun tiiheaketibi, kiimaq nanok ma khrumketibi lo, nanok ma lam tiichhiketibi lo, kiimaq maiq raq taimai chang phan bom maq bomti thun kriishe shongto.

Hebrews 1:2

Shatmaq ümchaü sanha, ara phangthum wan pat she ngo maq, Shiikeawe raq nashiq ma tsii chongke ka, Ase nübok lümiishe bom dam tlo. Shiikeawe raq Ase lümaq, ara ra nai hiq ara phansang wanto. Kiimaq Shiikeawe raq Ase ka phangthum jai maq ara ra nai hiq thun wiita kunli ara rüm wan miitu ashong wan kun she.

James 5:3

Namtsiiq tum chaq nai kampho tum towan tlan kriika, ümchaü chhii raq aphaq wan kun she. Ara chhii raq aphaq rat, namtsiiq namnyam tum towan tlan kriili she, Phangthum khapho ranaiq na, namshiq ka ashut maiqsetiim dea nguta saqseng hakhi mikuq. Kra riili she namrilung na awum abi, kiimaq lapphaq lusiq siwan lan nguta hakhi mikuq. Kiimaq namtsiiq tum riili she namkhum ka mitiikhiim chaq baiq. Namshiq raq namtsiiq tum ka ümchaü phangthum wan pat na riichom lanta phong thü tlan.

2 Peter 3:3

Namshiq raq ara bomtsi ara tsan na tiitsangdada shaq rong laq. Phangthum akhing saü wan raüla, maiq wiijamti namshiq phana misaü. Raüta tsangshiq ka maiqmii abi ngarai han-ngam ramho kra pao wantibi li miraq. Tsangshiq raq namshiq kamtsantsii, Jesuq ma thü tlan kra minaikü.