Acts 19:9 - ASII LAKDAP Bible (BSI)

⁹ Shatmaq, kiiwa nokwe phong wa maiq wiijamti tsantsii ka wanshakshak, tsinhea riito. Kiimaq Paul raq tsütsa chongkuqtlaq kiima kam mak riito. Kiimaq kriiti raq nokwe tarü man na, Tatiwe Lamphan khuthaq na bom ka abi-ati she bomhoto. Kriikha miishe, Paul raq tsangshiq ka miimthüto. Raütiishe, apaiq rai phunainotiim kra sheahoto. Kiimaq ranaiqtek apaiq raq Tiranas raq mungmaiqse pahea tiithung raü raüta trahoke wan chang jamkaü jonghea ashi asi, kra jam maq Shiikeawe lamphan manphan kra phanchan kuq lili riito.

Hawa Naga Bible 2001

⁹ Yuq muinz miq wvyvmc kuex thuinz tsanc hvlc kvmluimx muq ningkhvnc nuex nuk waz htumc nuex Taungjix lvmx phvnc kuex shummarc ngoz ngax wuez tueq. Kvkhoc rvtueq Polu rueq tsuingshiq kox wawc dung kaz ruiux kvmluimx jix miqsaz htenc kuex pungx nuex tv-phvlc wvnc vtueq, Tirannu ngoz yaq waz luik tvluingc juing khok nuex wvraungx nuiyq tek tvluing jungphvnx kuq tueq.

Muklom

⁹ Etharin chamtey tin sha rapney tinchik angta etho ning aa hanmoq angta. Etho ning aa miqtang jakho na Teyhungwa lam sha jashit ta batta. Eshirangma Paul aa ning sha shingchak eq uhantey tang sol eq Tyrannus tatal him na salwet raaq wantit ta.

Acts 19:9 Referencias Cruzadas

2 HOKHVMX 17:14

Shatmaq tsangshiq raq taimak tlea wanto; tsangshiq ka tsangtitiim kiikha nilan, wan shakshak, tsangshiq raq Tatiwe tsangshiq Shiikeawe ma kammak riito.

2 KAÜWA WERAÜ 30:8

Tsangshiq ka nilan wanshak shak siwataq kiikhiika naqsi rongkiq she. Shatmaq Tatiwe aming kra lang lantea awokhong niishe sirong laq. Jerusalem Shomjam na warong ra. Arka namshiq Tatiwe, Shiikeawe raq pattup pat-sa miitu tiisii wanto. Lantea apaiq ka shomnoq wa rongkiq. Kra raüla apaiq ka namshiq ma khiq mak she miraq.

2 KAÜWA WERAÜ 36:16

Shatmaq tsangshiq raq Shiikeawe jaqshibi thun ka shummii laqpiili shipoq baiq wanto. Raüta apaiq bomtsi kra shishe wanto. Kiimaq apaiq shammibi ka naikü sherü li shipoq baiq wanto. Kra ningkhan she atiithum niishe sanha asenginok khuthaq na Tatiwe tsankhiq ka henghea she, tsangshiq lun wan chang lamlu ka ahü she riito.

NEHEMIA 9:29

Ümniiraq tsangshiq ma phaqthak nithak, ümtri khong na, siwan ronglaq nguta ümtin khan wa, trantsii wan laü. Shatmaq tsangshiq shiikong tsantsii asi kha maq, ümniiraq akuq haü thungtri, rilung tsitsü raü kra, lang mak maq shipoq wanto. Tsangshiq ka nilan, tsangtsantsii ka wan shak shak. Tsangshiq raq ümbomtsi ka, lang wan mak riito.

Tvtsvmc 95:8

“Namtitiim raq Meriba hiq maq ngiimtaq ikha naqngiim rongkiq, kra ranaiq tsangshiq kumtsaiphii binjü wang maq Masaq hiq maq ngiimtaq ikha naqngiim rongkiq.

TAKSU LAK 8:34

Jurwa i bomchong taitlaq, kriiti ka khoqriiq shishiiq misi. Jurwa ijam kilam chong na ngashat maq, wranaiqshe khe raüta sitlaq, kra chochikhiq misi.

ISAIA 8:14

Jamkhano ngukla, Ngi ka pinthum kiinyii chang asii khamaq, Ngi ka longkaü ikha maiq tiithaü raüta küraitlo. Kiimaq Ngi ka chhü atsan ikha Juda mungti nai Israil mungti kiimaq Jerusalemti pat rai chang tsanje sitiikang.

JEREMIA 19:15

Tsangshiq ma chongkang, Tati Ningkun Ajongwe raq akha nguto nguta, “Ngi raq ara chela khuthaq na nai ara tho apha na chela thun sitlaq tlotli na, ngi raq ümtinkhan chamchao mo mitiihoha ngutiiwa chongkang thun kra, kunkun she mitiihoha. Jamkhano ngukla namshiq ka nilan wanshak shaknok kiimaq Ngi raq jamlai wa chongtiikang kra taiman tlea tlan.”

JEREMIA 7:26

Kra taü maq dongdii min, jurmin tsangshiq bom ka taiman. Kiimaq tsantsii kuq man shishe wan lan. Tsangshiq bom tai wan rii na, namshiq ka namtitiim thaq niimin nilan kiimaq kiqkhii srurii wan kli shiichaqtlan.

Matthew 15:14

“Tsangshiq Phorisinok miitu ka namshiq naq brorii rongkiq! Tsangshiq ka maiqse makchuk jaqmiiti kong kra shun shea wanti, makchuk welabi kong. Maiq makchuk weshi raq makchuk weshi kra shun shea raüla, tsangnai anai jongri ka khobok niili midia wan.”

Matthew 16:4

Ümchaü pat wa maiq arka abi pinthum. Shiikeawe sap mak! Namshiq raq ngi nangnga amao chang jaqsham tiichhike ra nguta maitai tlan nya? Tiichhi mang! Namshiq ma tiichhike chang amao chang jaqsham kriika shammi we Jona rilung na lea wantaq jaqsham kriili she mitiichhi kuq.” Kra ngo jai, tsangshiq ka kiijaq chap raqraq li baiqthü raüta, apaiq ka ahin niishe wawanto.

Matthew 26:55

Kra bomlot raütiishe, Jesuq raq maiqphong kiima nguto, “Namshiq ka ngi lap wa nguta wiija wiipiq kiimaq klata pi raq maq thiimeaq daku we lapwa ikha warai man sha ra rai ta? Ngi ka wranaiqshe Shomjam na nga lata namshiq ma tra hokuq wan kang ihata. Riita namshiq raq ngi ka kiiwa jamto lap man riilan.

John 12:40

“Shiikeawe raq tsangshiq mak ka atiichuk baiq wishe. Kiimaq tsangshiq tsii ka atiimo baiq wishe. Krai mren, tsangshiq riika chhi mak she. Kiimaq tsangshiq tsii ka tsang mak she. Kiimaq ngi raq tsangshiq tsii ka tiitsang kuq wan jiiq nguta, tsangshiq ka ngi phana wamak she, nguta Shiikeawe raq chongtlo.”

Acts 11:26

Apaiq ka Saul rai riihum raüta sanha, apaiq raq Saul ka Antiok chela niishe sheahoto. Raüta, tsangnai wiita adam miishe, phungtuti rai wiitang wiishi sidam raüta, maiq pahea ma Shiikeawe bomtsi shrinkuqto. Antiok chela maq, kamasham maiqsetiim ka Khristan nguta mang phahoto.

Acts 14:4

Riita, kra chhi raütiishe kra chela na siti mungmaiqse ka atiikho she riikito. Maiq wiijamti riika Jehudinok rai kiqshi maq pong damto. Kiimaq maiq wiijamti ka kiimwe nai rai kiqshi miishe pong wan damto.

Acts 17:4

Krai mren, mungmaiqse phong wa maiq wiijamti ka Paul raq traho bom chongke kra tai raüta, tengto dea nguta kamwanto. Raüta, tsangshiq ka Paul nai Silas rai kongshi she pong wan damto. Krai mren, jechakre phong wa maiqla nyungre pahea riimin, kiimaq Griknok wa pahea Shiikeawe shomnoq wantibi riimin Paul nai Silas rai kongshi she pong wan damto.

Acts 19:23

Ara chongtiikai akhing bala Ephisia na, Tatiwe Lamphan khuthaq na seng raüta, mungmaiqse liipan na tatso ka jonghea ashi dongto.

Acts 19:30

Paul raq mungmaiqse rütrang rai wan tlaq kiijaq, apaiq min kiraüta bom chongkuq kila nguta danto. Shatmaq, phunainotiim raq apaiq ka tiiki mak shangto.

Acts 20:31

Arkha maq, namshiq ka tsii lamshat maq shongnga ronglaq. Ngi raq namshiq ma makphai pahea trok lata, phaqthak nithak maq naiqhü wasü tran tsii wan pha ira tsan na tiitsang shatmaq shongnga rong laq. Ngi raq namshiq tarü wiitsam tingkhit tran tsii chongkuq kang.

Acts 22:4

Ngi raq ara ümchaü riichong tiikai Lamjong ara phan wantibi maiqse angu thun arka longliiq lata, tsangshiq miisaq tiithum wan lili tiitsat baiq kang. Kiimaq ngi raq tsangshiq ka jechak maiqwe wiita lap lata, phaqtek mong na shaq baiq wan kang.

Acts 24:21

Kra ranaiq ngi raq tsangshiq phowebi ma ara bomtsi arli agilülü lata chongkuq kang: ‘Ümchaü ranaiq namshiq raq ngi nangnga ajiq we nguta tiishut tlan arka, ngi raq maiqse ka amaa wa adong mirwan nong nguta kam tiikang kamtsantsii thü tiikang kra kha pho tlan jo’ nguta chong kuq kang.”

Acts 28:22

Shatmaq naishiq riimin, ümnaq shang wan dam laü phungnok tsütsa kra kiitiina atai wan ka ro tiikai dea. Ara jamkhano chongtiikai ngukla, barap binrii na, nanok raq arphung ara ngengseng wanti siisaq chhi tai wan tiikai,” ngutiishe tsangshiq raq Paul bom ka treto.

Acts 7:51

Krai mren, Stephen raq tsangshiq ma, “Riita ara chongtiikai arai mren, namshiq tsantsii ka pinthum wanshakshak! Namtsantsii ka thatsang maiqse tsantsii ikha thü tlan. Shiikeawe bomchong ka tai man phan! Namtitiim pat na jamkhiiwa lanlaqlaq siwantaq, kiikha ümchaü namshiq min lanlaqlaq sitlan. Namshiq riimin Asii Wenyi bomchong ka khiilataq maq khü tlan!

Acts 9:2

Raüta, Damaskas chela na sinagok thun sitlaq kra liiwanti welabi ma, apaiq rai mang triisapke, lak thun ka jaüto. Kra lak thun ka, apaiq raq Tatiwe Lam phantibi Damaskas chela na asi hum wa raüla, apaiq raq tsangshiq ka, jechak maiqwe wiita lapho raüta, Jerusalem na tiijang hitho nong miitu jaüto.

Romans 11:7

Ara chong tiikai arai mren, Israilnok riika tsangshiq raq jamlai wa rit wantaq, kriika hum wan mak dea riito. Shatmaq, Shiikeawe raq tsea wantaq phong wa, maiq atsapko riili Shiikeawe lamphan kra hum wanto. Maiq apako tiichong kitaq thun kra miika, Shiikeawe raq tsangshiq ni ka nilan miishe tiija baiq wanto.

Romans 9:18

Ara chong tiikai arkha miitiina, Shiikeawe raq maiqse ka, ümriitiwa apaiq raq atiihangke wan lungwii tlaq, kriiti ka atiihang riikuq wantlo. Kiimaq, ümriitiwa, apaiq raq lanlaqlaq tsantsii maq misi laq nguta thikuq wantlaq, kriiti ka lanlaqlaq tsantsii rümti ma, tiija baiq wan tlo.

1 Corinthians 16:9

Arjaq atang asha wanti maiq ka pahea asi li jiimin, ngi raq Shiikeawe jaqsham chang ka jonghea dea asi shaq li.

1 Timothy 6:5

Raüta maiq rai, ranaiq rawa arkhii wa trangli sitlo. Tsangshiq ka tsiihü angikong. Tsangshiq ka ajiq alam min sapmak, abom nguli bomtlo. Tengteng bomtsi lamphan ka tsangshiq raq sap mak. Tsangshiq tsan niika, kechu maiqse ma ja hai jiila, pinthum chiithe jong ma mija rong i nguta tiima raüta sitlo.

2 Timothy 1:15

Ümniiraq asap haü. Man na, Asia wangti wiitarü raq, ngi ka tiishaü baiqto. Phaigelas nai Harmojenes raq dongdii min, ngi ka atiishaü riibaiqto.

2 Timothy 3:5

Tsangshiq ka rakhütsiri na Phungmaiqse nguta mitiingo. Shatmaq, tsangshiq rilung na, tsangshiq chap anga maq, tsangshiq kamasham ka hiqtili ikhli mitiija baiq. Ümniika akhnok maiq rai ümtiikiimin naq lom damkiq. Ümniika alu na hailaq.

2 Timothy 4:2

Ümniiriika, maiqse angu ma trahoke wan kli shiichaq wan ruq riilaq. Kholam kholiiq, chiiriim laüta, akhing hongtaq lo, hong mak lo jiimin, chongkuq wanruq maq shiichaq laq. Ara chongkuq tlaü kra lümaq, maiqse tsan ka tiinin lili mirlaq. Tsangshiq raq tsii chhi wanli chang, bomtsi ka atsin maq trantsii son laüta, chong kuqlaq. Kiimaq tsangshiq tsaiji ka dokuq laq. Ara trahoke jaqsham arka, phanrap na nin wan ruq maq, chongkuq laq.

Hebrews 3:13

Namtsantsii ka ngarai raq shonron ho raüta, wanshakshak nilan ma jaki mak chang miitu, namshiq maiqmii liipan na, weshi raq weshi tsaiji dokuq lanta si rong laq. Asii bomtsi na, “Namshiq raq Shiikeawe bom ka ümchaü ranaiq taihan jiila” nguta chongtlaq kriika, nashiq ara ngo nang ngutlo.

2 Peter 2:12

Shatmaq ara chongtiikai arot shra bi arka, rum ngamse maiq raq bi tsan raüta tiimin phaq tlaq ikha, ahon atsii ahü, ngamsi ngiqsi li sitlo. Tsangshiq raq asii bomtsi wa jamlai wa taklot mak sitlaq, kriika asaisi lishe, shummiitlo. Tsangshiq ka rum ngamse jamkho tsaitlaq kiikhiili she mithen wan.

2 Peter 2:2

Arot shrabi raq ashe, sethoq ngarai tang tlaq kra chhi raüta, Phungmaiqse pahea raq tsangshiq jai ka miphan. Tsangshiq rong arai abi kra thatsang maiqse raq chhi raüta, Khristan rilung lamphan kra abi nguta thatsang maiqse raq michongsiq.

Jude 1:10

Shatmiitiq, ara chong tiikai arot shammibi thun riika, tsangshiq raq jamlai wa tak lot mak bomtsi sitlaq, kriika shummii laqpii, chuphit nüphit li saisi tlo. Tsangshiq raq jamlai wa saptlaq kriika, ngarai han-ngam pinjali sap tlo. Tsangshiq ka ngarai han-ngam tsii phara maq jamlai wa sap tlaq kra miitu, rum ngamse kong ikhli, maiq ka kaqho tlo. Kra riili she, tsangshiq ka shiithen baiqtlo.