Acts 19:4 - ASII LAKDAP Bible (BSI)

⁴ Kiijiishe, Paul raq tre nongto, “Khamlamketi we Johan raq Israilnok ma tsantsii klai wan kham lam wan bomtsi chongkuq wantaq kriika, jurwa ngarai tiidii wan tlaq, kriiti miitu chongkuq wanto. Kiimaq apaiq raq Israilnok ma, apaiq jai na maiq weshi saüho tlaq kriiwe ma kamwan ronglaq nguta chongkuq wanto. Kriiwe ngutlaq ka Jesuq ngo nangnga ngutlo,” ngutiishe tsangshiq ma Paul raq bom ka tru chongkuqto.

Hawa Naga Bible 2001

⁴ Polu rueq, “Yohan rueq yuix luip lvmz kuex tsuingshiq mvrax wawc thuinz kvlayc wvnc jix tvkoc dvyx kuq tueq, piq yix nuex kay jix waz Yesu muex kvmluimx rax yaq, ngoz tueq Israel miqsaz muex jungphvnx kuq tueq,” ngoz tueq jungx tueq.

Muklom

⁴ Paul aa ning ma batta, “John aa tin kaley tey miqtang ma jung thalam kot ta. Etho piq jio kattey Jesu sha han ma piq aa miqtang ma batta.”

Acts 19:4 Referencias Cruzadas

John 1:15

Johan raq nokmaiqse ma, apaiq tsütsa ka chongphan kuqto. Apaiq raq chiiriim raüta, “Arwe ahata ngi raq namshiq ma, ‘Apaiq ka i jai na kitlo. Shatmaq, apaiq ka ngi nam ma ajong. Apaiq ka jamkhano ngi ma ajong ngukla, apaiq ka i rawii min michhi shaq niiphü, apaiq ka asi dongdii,’” nguta nokmaiqse ma traho kuqto.

John 1:26

Kiijiishe Johan raq treto, “Ngi riika mungmaiqse ma kham maq lamlam miili kham ka lamkuq tiikang. Shatmaq, namshiq phong na maiq weshi asi. Apaiq ka juwa kra, ümchaü min namshiq raq sap man shaqli.

John 1:27

Apaiq ka ngi jai na saühotlo, Shatmaq ngi ka, apaiq hokpa raükha kra diiketi khan min thek mang.”

John 1:7

Apaiq ka mangjong maiqse ma, rawüli tsütsa kra chongke kai kito. Kriika maiqse angu wiita raq, apaiq raq chongkuq tlaq rawüli tsütsa kra tai raüta, mikam wan laq nguta kito.

Acts 1:5

Kiimaq, Johan raq namshiq ma kham lamkuq wantaq irka, kham lamlam miili lamkuq wanto. Shatmaq, ümchaü ka, heashi sijai niili she, Shiikeawe raq namshiq ma, Asii Wenyi miishe kham ka milam kuq wan,” nguta aming kuqto.

Acts 11:16

Kra chhi latiishe, i tsan na, ‘Johan riika tsantsii klai khamli lamkuqto. Shatmaq, namshiq ka Asii Wenyi miishe kham milam kuq wan,’ nguta nashiq ma, Tatiwe raq chongkuqtaq kriishe i tsan mong tiidoto.