Acts 19:1 - ASII LAKDAP Bible (BSI)

¹ Apolo ka Korin na sishon, Paul ka Galatia nai Phrigia wang na wawanto. Raüta wangmong binjü thun ka wiita khonli khum wanto. Raüta Ephisia niishe saü wanto. Kiijaq Paul raq Phung maiqsetiim wiijamti riihumto.

Hawa Naga Bible 2001

¹ Korinhtu ghaq nuex Apollo vhttax baunglaung Polu kuex ghaq htauk mungx kox nuex khuemc kay yix Ephesu nuex httuiuc kaz tueq. Kvruex ghaq nuex sangac bix wvyvmc rulc rvhumc vtueq,

Muklom

¹ Apollos Corinth na ang atho, Paul umong umong haq wang lit eq Ephesus náng thuta. Eshina chamtey jiphantey tang kap chongta.

Acts 19:1 Referencias Cruzadas

Acts 18:1

Paul raq Athens chela na trahokuq lot raütiishe, apaiq ka Korin chela niishe wawanto.

Acts 18:8

Krispas ka kiijaq sinagok na maiqla weshi riito. Apaiq ka ajamti thun rai adam na Tati Jesuq ma kam wanto. Kiimaq Korin na siti maiq ahinti pahea raq tsütsa ka tai wanto. Raüta kam wanto. Kiimaq tsangshiq raq kham ka lamto.

Acts 19:17

Ephisia na siti Jehudinok mungmaiqse wiita raq, kiimaq Pongnok phan mungmaiqse wiita raq ara tsütsa ka ratsa ikhiishe taito. Kra tai raütiishe, tsangshiq tarü ka phiip raq tsaito. Kiimaq Tati Jesuq mang ka kai shreng wanto.

Acts 19:26

Shatmaq, lii rong laq, ümchaü arwe Paul raq, jamlai she wa riiwanta. Kra namshiq tarü raq maiqmii mak maq chhi tlan. Kiimaq maiqmii ni miishe tai tlan. Apaiq raq mungmaiqse ma, maiqse jaq maq ahaihun sumla thun kriika phra kaü ka riimak nguta traho kuqtlo. Raüta, apaiq traho bomchong lümaq, apaiq raq mungmaiqse pahea, ara Ephisia chela na sitibi mungmaiqse phong wa kiimaq Asea wang na siti mungmaiqse tsantsii ka, apaiq bomchong kra dea tengto ngutiishe trap ru wanto. Arka Ephisia na sitibi miili ka riimak, Asea wang na hamli she tiinyam wanto.

Acts 20:16

Paul raq Asia wang na rahiq ka alu tiicha mang she nguta apaiq kaisia walam bomtsi ka athapthi wan kun she riito. Kra ngo kha maq, apaiq raq Ephisia chela ka ashüp raütli she kaiho nguta thito. Apaiq ka Jerusalem na saüho tlo raüta, mairaü la Raroq Biingi Poi ka lomho dam ma nguta, ataü laü she riito.

Acts 20:18

Kiimaq, tsangshiq ka apaiq phana saüki kiita, apaiq raq tsangshiq ma bom ka akha chongkuqto, “Ngi raq Asia wang na i ji maq ni wan kang ranaiq maq pha wan lata, ngi tiido wan ranaiq na saüli, namshiq rai jamkho singa wan kang, kiimaq naiqhü wasü jamkho i jaq sham wan kang, lata siwan kang, kriika namshiq tarü raq asap han she.

Acts 21:29

(Tsangshiq raq Trophimas ka Paul rai chela na akhum dam chhito. Trophimas ka Ephisia chela na siti riito. Kiimaq tsangshiq raq tiima ka Paul raq apaiq kiimin Shomjam mong na shea wan damto sham nguta tiimato.)

1 Corinthians 1:12

Riita, kra riitsonyi tlan ngutiikang arka, ara ngo nangnga ngutiikang. Namshiq wiitarü raq bom ka pong bom riibom bom tlan ngu wa. Weshi nga, “Ngi ka Paul sengi” ngu. Kiimaq weshi nga, “Ngi ka Apolo sengi” ngu. Kiimaq weshi nga, “Ngi ka Khristo sengi” ngu.

1 Corinthians 15:32

Riita ngi raq ara Ephisia chela maq “Chiq jong liiha” rai wiita riikhat wankang kriika miinan han-ngam khushü jong miituli dea riikhat wan kang jiika, ngi ma jamlai liip apha dong chang wa sitliita? Shatmaq maiq ka amaa wa atra dong wanlot mak she dea nguta ngutlaq kra tengteng dea ngu raü jiika, arjaq bom tiihap wan tlaq, “Ai atra sitiikai bala, phaq asea chamtraq butja maq phaqsiq wan lili laitli polosiq rong i. Nashiq ka anap ranaiq wa tsaiki tiikai riila” ngutlaq kriidea miteng wa.

1 Corinthians 16:12

Riita ümchaü, phuno we Apolo miitu bom she tiitai pha. Ngi raq apaiq ma kongtibi shea wan raüta namshiq phana akhing khing na riihum wakiq nguta bom ka chongkuq tiikang. Shatmaq apaiq tiima niika ümchaü liipan arjaq namshiq phana wachang dea nguta apaiq tiima na samhea tsangrii mak shaq li. Li jiimin, apaiq raq ümtiikiiwa akhing lapjiiq kiitiikiitiq namshiq phana miwa.

1 Corinthians 16:8

Ngi ka ümchaü arjaq Ephisia chela niili misiha. Raroqbiingi Poi na saüli misiha.

1 Corinthians 4:6

Namshiq ma ahea miitu, ngi raq arthun tsii chongkuq kang bomtsi arka, Apolo nai i rilung maq thapthi lata, chong kuq tiipha ahata. Ara chongkuq tiikang krai mren, namshiq raq ara bom tiihaphong bomtsi na, “Riikhaqli thungtri thun ka lang laq” nguta chongkuq tlaq kra misap han. Maiq ka weshi ka ahea nguta somra, kiimaq weshi ka abi nguta shipoq, kriika maimak.

Ephesians 1:1

Ngi, Paul, Shiikeawe raq thapthi raüta Jesuq Khristo kiimwe ma ashong wan we raq-- Shiikeawe sengi Ephisia na siti ma, juwa Jesuq Khristo rai pumshi maq tsapkapkap sitibi ma waitiikang: