Acts 18:5 - ASII LAKDAP Bible (BSI)

⁵ Kiimaq Silas nai Timothi ka Mesidonia wang miishe kiijaq saü wan kiita sanha, Paul raq apaiq akhing ka wiita Jehudinok ma Jesuq kiidea Khristo nguta tiitho tiipha traho bom chongke niili she moto.

Hawa Naga Bible 2001

⁵ Sila nuiyc Timothy muinz Makedonia mungx maq httuiuc kaz tueq nuex, Polu kuex bomjungc jungphvnc kuy yauk shuimc kvdvyx shuimx vtueq, Yesu kuex Mesia rvtueq lvmz Yuda miqsaz htenc muex hakhix khvmc kuq yaq.

Muklom

⁵ Macedonia wang Silas nia Timothy thu atho Paul tung aa raaq phanchan ma piq thaji rangham kot eq Jesu raa hun Messiah ta Jehudi tang ma miikkhi kot ta.

Acts 18:5 Referencias Cruzadas

JEREMIA 20:9

Shatmaq ngi raq ümtiikiiwa, “Ngi raq Tatiwe ka alaqli she mirbaiqha, lata apaiq mang na bom chongmang she,” nguta tiima kangla, ümbomtsi ka wa tu ikha itsan mong na tsaühea na nyaitlo. Ngi raq bomtsi ka chong mang she ninrat la nguta ninkangla, tiikhinglot mang she achongke chang she dongdii jakitlo.

JEREMIA 6:11

Tsangshiq khuthaq na ümtsankhiq waniitu nyai tlaq kriika, itsan mong niimin nyairaitlo, Tatiwe lei. Krai mren arka ngi raq itsan mong na kaishakshak maq alu ka thülot mang she.” Kiijiishe Tatiwe raq ngi nguto, “Itsankhiq khamtak kaü ka nosere chiiheawea lam thun na haisiq tlaq thaq kiijaq nyuk baiqlaq. Kiimaq jerobi kong riitam ngatlaq phong kriithaq kiijaq nyukbaiq laq. Awetiim nai anyungtiim thun min miqchup mitsuq wan. Tikii kiikaiq thun min tiihang mak wiita mitsuq wan.

EJEKIEL 3:14

Tatiwe ningkun ka ikhum na henghea maq saükito. Kiimaq ngi ka apaiq wenyi raq jamkho dowantlaq kra phan phan, ngi ka kiqdaqtam dokdok kiimaq tsankhiqhea riito.

Mikha 3:8

Shatmaq ngi kla Tatiwe ningkun raq asho awo kiimaq, apaiq wenyi raq alüm alei sitiikang. Kiimaq Israilnok raq jamlai ngarai wa klotlaq kra, tiichhit tra chongke miitu, achaq awaq ningkun tri kuqtlo.

Luke 12:50

Ngi raq khamlam wan chang asi shaqli. Kiimaq ara khamlam akhing ara milia wan ha shaq wiiwii, ngi ka kai chapa tsi raq atsai sichang li.

Luke 16:28

Kriijaq i phu i notiim webiingi dea asi. Apaiq ka kiraüta, tsangshiq ka ara chamchao walü mong na dea wan mak chang miitu, tsii michong kuq kilaq. Tsangshiq siika mimi, atsai wan jai na, ara chamchao wamungtan na khiim wan mak chang miitu michong kuqki laq.’ ”

John 1:41

Apaiq ka aphu Petar rai kongkhu riihumsaq raüta, “Naphu loi nainai raq Messia rai riihumkai,” nguta apaiq ma bom ka chongto. (Messia ngutlaq kriika Khristo ngo nangnga riito.)

John 10:24

Kra chhi raüta, kiiwa Jehudinok maiq pahea ka, apaiq tro niishe riitam wanto. Raüta tsangshiq raq Jesuq ma, “Ümniiraq naishiq ara jaram she wa trang ra holaü? Bom ka riikhaqli chongkuq laq. Riita, ümniika Khristo dea sha?” nguta apaiq ma waito.

John 15:27

Kiimaq, namshiq riimin la, ngi hakhi ma jawan lanta, ngi tingkhu wa bom ka maiqse ma michong kuq han. Ara jamkhano chongtiikang ngukla, namshiq ka ngi raq trahoke wan jaqsham phaho kang ranaiq miiphü she, ngi rai kongshi maq jaqsham wan dam lan kata.”

John 3:28

Namshiq ma ngi raq tsii ka chongke jeshe. Namshiq ka i hakhi sitlan. Ngi raq namshiq ma, ‘Ngi arka asaükaiti we Khristo kriika riimang. Shatmaq, apaiq ma lam tankeho kongkhu na Shiikeawe raq atiiki we kra,’ nguta chongkuq pha ihata.

Acts 10:42

Kiimaq apaiq raq naishiq ma tsütsa ahea kra maiqse angu wiita ma chongke wan miitu arang kuqto. Kiimaq Shiikeawe raq apaiq ka maiqse amaati nai atrati kra kha phoke miitu phowe ma shongto nguta kholam kholiiq maq trahoke miitu naishiq ara hakhi miishe shongto.

Acts 15:22

Kra riichongtaq krai mren she, kiimwebi nai maiqlare ka phungtuti tlotli rai adam maq kiqri raütiishe, tsangshiq phong wa maiq wiijamti kra tsea raüta, Paul nai Barnabas rai Antiok phungtuti rai riihum wa chang miraq ngutiishe, bom ka shatto. Krai mren she, tsangshiq kamasham maiqse wiitarü raq shreng tlaq maiqla wenai kriishe tseato. Tsangnai wenai wa weshi mang ka Barsabas. Apaiq ka Judas ngutiimin ngutlo. Kiimaq weshi mang ka Silas. Apaiq kriiri tseato.

Acts 16:1

Kiimaq, Paul ka wawanruq khum wan raüta, Darbi chela niishe saü wanto. Raüta kiimaq Listra chela niishe wawanto. Listra chela na siti Phungmaiqse ashi asi. Apaiq mang ka Timothi. Anyung kiimin Phungmaiqse sii riito. Apaiq ka Jehudi shea. Shatmaq, awe ka Grik phan.

Acts 16:12

Kra miishe, naishiq ka wangmong nü nü na, Philipia chela niishe wawankai. Philipia chela ka Mesidonia wang na apha wan hongti riito. Arka Rom wa alaüki Romannok sichang chela riito. Naishiq ka kiijaq rahiq ashaqpuq hai wankai.

Acts 16:9

Kra rawa shaqshaq she, Paul raq rawa na riisham mak maq, Mesidonia wang wa maiq weshi ka, apaiq khaki na chap raüta, “Mesidonia wang na warong ra. Lanta naishiq ara khrum kuqwa rongkiq!” nguta apaiq ma tiipaiqnea bom chongrea chhito.

Acts 17:3

Asii lakdap wa phat raü raüta, Khristo ka pinthum chamchao wan chang dongdii. Raütiitiq apaiq ka tsai chang. Raüta, amaa wa dong wan chang nguta, phanrap tiitho tiipha maq nokwe ma traho kuqto. Raüta, “Riita ümchaü ngi raq namshiq ma phanchan tiikang we Jesuq ahata Khristo,” nguta tsangshiq ma trahokuqto.

Acts 18:28

Apaiq raq nokwe man na achaq awaq maq traho bom chong ke lam maq, Jehudinok kiq ka tiingii baiqtlii maq khii wanto. Raüta, Asii Bomtsi wa sidi chong raüta, Jesuq kiidea Khristo nguta tri ka kholam kholiiq maq rairai riirii she chongkuqto.

Acts 2:36

“Riita, ija, ümchaü sanha namshiq Israilnok phan angu tlotli raq, namshiq raq pumsongkham na tübaiq lan we Jesuq kriika, Shiikeawe raq Tatiwe miishe, kiimaq Khristo miishe dea shong wanto nguta, riikhaqli maq sap wan chang ahata!”

Acts 20:21

Jehudinok nai Pongnok phan maiqse ma romshaq na, ngi raq tsangshiq tarü ka tsangshiq ngarai lamphan kiiwa jang wan raüta, Shiikeawe puk na nyap wan raa tlo, raüta Tati Jesuq ma kamwan raa tlo nguta kiq atsin maq trantsii chongkuq kang.

Acts 20:23

Ara jamkhano chongtiikang ngukla, ngi ka ümriibano kiwa tiikang, kiijaq chelatek na, ngi ma shumraü kharü nai chamchao litkot rathaiq rahai ka tiijeshat maq thü wan li tlo nguta, ngi ma Asii Wenyi raq chongkuqtlo.

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Acts 4:20

Ara jamkhano ngutiikai ngukla, naishiq raq maiqmii mak maq jamlai phan wa chhi kai, kiimaq maiqmii ni maq jamlai phan wa tai kai, kra chongke wan hü maq, kaiq shakshak ka silot mai,” nguta tsangshiq welabi bom kra treto.

Acts 9:22

Shatmaq, Saul raq Damaskas na siti Jehudinok ma apaiq traho bom chongke kriika, achaq awaq maq hakhi tiichhi kuq raüta chongkuqto. Kiimaq apaiq raq Jesuq kiidea Khristo nguta tiitho tiipha chongkuqto. Krai mren, Damaskas na siti Jehudinok raq apaiq kiq ka poshi min khii lot mak riito.

2 Corinthians 1:19

Silas, Timothi kiimaq ngi raq namshiq ma Shiikeawe Se, Jesuq Khristo tsütsa ka chongkuq wan kai ihata. Kra tsütsa ka Tengteng bomtsi wa, Tengmak bomtsi miika klaiki mak phan. Jesuq Khristo ka pattup miitu Shiikeawe raq atiiki “Tengteng Bomtsi.”

2 Corinthians 11:9

Kiimaq ngi ka namshiq rai adam na sikang liipan niimin, ngi tiipao wan miitu kampho raa wan tlaq akhing niimin, ngi raq namshiq ma, jamlai phan holai min tiiho wan mang dea, phunainotiim Mesidonia wang wa saühotiiti raq, ngi ma jamlai phan wa rong raa tlaq kra, chomrom kuq hoto. Man na lea wantaq akhing na jamkhiiwa siwan kang, kiikhiisii hali rawiichii akhing niimin misi wan ha. Ngi ka namshiq khuthaq na holai ashi miika jawan mang!

2 Corinthians 5:14

Naishiq ka Khristo lungwiitsii wokhong na siti. Riita ümchaü sanha, naishiq raq maiqse angu tarü miitu, maiq weshi tsaito nguta sap wan kaishe. Krai mren, apaiq tsaitaq kra rai maiqse angu wiita, apaiq rai chiimshi na tsai wanto nguta sap tiikai.

Philippians 1:23

Ümchaü i rilung arka, ara tiima anai raq riinyea tlo. Ngi raq kla, ara han-ngam rilung arka baiqthü lata wawan ro tiikang. Lata, Khristo rai siwan ro tiikang. Kra riiwe ka ngi ma pinthum ahea.

1 Thessalonians 3:2

Laita, naitsam wetsam wa, naphuno we Timothi, naishiq rai kongshi maq namshiq ma, Jesuq Khristo Tsütsa Ahea chongke wanti, Shiikeawe jaqshamti kra, namshiq phaniishe tiiwa kai. Naishiq raq apaiq ka, namshiq tsaiji doke wa, kiimaq kamasham na thüdake wa miitu tiiwakai.

1 Thessalonians 3:6

Riita, ümchaü kla, namshiq phana awa Timothi ka jangkito. Raüta, apaiq raq, namshiq ka kamasham lamphan na nai namshiq lungwiitsii ka ahea, pharang rang maq sitlan ngutiishe, namshiq tsütsa ahea kra naishiq ma chong hoto. Apaiq raq naishiq ma, namshiq raq wranaiqshe, naishiq miitu tiima ahea thü tlan nguta chonghoto. Naishiq raq namshiq sham chhiro tiikai kiikha, namshiq riimin, naishiq sham chhiro hea sitlan nguta bom ka chonghoto.

1 Peter 5:12

Ngi raq ara atoqse maq namshiq ma waiq kang. Ara waiq na khrumketi ka Silas. Apaiq ka ngi ma kamasham na tsapkapkap Phungmaiqse phunowe. Ngi raq namshiq ma tsaiji doke wan rotiikang, kiimaq irilung hakhi ke rotiikang, arka riikhaqli Shiikeawe kaphap. Arjaq pharang rang chap ronglaq.