Acts 18:3 - ASII LAKDAP Bible (BSI)

³ Kiimaq, Paul ka tiip hai chang tombu khea taqtiwe. Raüta kra piikii wan lili raüta phaqsiq wanto. Krai mren sii hali tsangnai kiimin apaiq kiikhiisii hali tombu khea taq raüta piikiiti. Kriikha maq apaiq ka tsangnai rai kongshi maq jaqsham raüta kriimaq tiipao raüta sidamto.

Hawa Naga Bible 2001

³ Tsuingshiq kuex Polu kvkhoc ngvmx khuix shuimc jix rvtueq, kvkhoc rvtueq Polu kuex tsuingshiq rulc vroc nuex httax ruiux yauk shuimx naungx tueq.

Muklom

³ Etho ning jamoq tong eq somlo ta, chammatakoi ningni mal Paul atho lingphasat ma bulangtap hun eq kaplap ta.

Acts 18:3 Referencias Cruzadas

2 HOKHVMX 6:2

Naishiq ma Jordan rai kii na kilaita pe lamkai miitu aming kuqlaq. Laita nashiq sichang jam ka tiijong hai ma.” “Ahea na,” nguta Elisha raq treto.

1 Corinthians 4:12

Naishiq ka naiqhü wasü jaqsham minshiiq tsi riili tsai tiikai. Maiq raq naishiq ara son tlo; naishiq raq tsangshiq ma ramli ramkuq tiikai. Maiq raq naishiq ka tiichamchao tlo; naishiq raq aninli riitiikai.

1 Corinthians 9:14

Krai mren, sii hali, Tati Jesuq Khristo raq, jurwa Tsütsa Ahea chongke miitu khum shiim tlaq, kriiti riika, Tsütsa Ahea chongke minshiiq tlaq kiiwa lapphaq sia chang nguta, nashiq ma aming kuq she.

1 Corinthians 9:15

Shatmaq ngi riika ara chong tiikang thun arang ara holata, jaq phi chiimshat maq jujaq wiimin jaü phaq siq mang dea. Kiimaq ara ümchaü waiq tiikang armin, ara chong kang thun arang apang, ngi raq alap chang asi, namshiq raq ngi ma kechang sitlaq kra jaüphaq sia ma nguta riimak. Ngi raq namshiq ma, ngi dung hea hekiilai kra tiiho nam miika, atsaikai riiwe rotiikang! Jurmin ngi raq arang hotiikang arka atu na tiimo baiq lot mak!

1 Corinthians 9:18

Riita ikhiijiika, ngi raq jamlai laqkhaq wa siq tiikang? Ngi ma laqkhaq jonghea ka amaq ahü maq Tsütsa Ahea chongkuq tiikang arli ngi ma laqkhaq.

2 Corinthians 11:7

Ngi raq namshiq ma, Shiikeawe Tsütsa Ahea kra chongkuq wan kang akhing na, namshiq jaq wa jamlai phan, amaq athii min jaü phaq siq mang dea riikang. Namshiq ka ajong ma tiija wan miitu, ngi ka aranse ma jawankang. Riita, kriika ngi raq namshiq man na, ajiq sha klo kang?

2 Corinthians 11:9

Kiimaq ngi ka namshiq rai adam na sikang liipan niimin, ngi tiipao wan miitu kampho raa wan tlaq akhing niimin, ngi raq namshiq ma, jamlai phan holai min tiiho wan mang dea, phunainotiim Mesidonia wang wa saühotiiti raq, ngi ma jamlai phan wa rong raa tlaq kra, chomrom kuq hoto. Man na lea wantaq akhing na jamkhiiwa siwan kang, kiikhiisii hali rawiichii akhing niimin misi wan ha. Ngi ka namshiq khuthaq na holai ashi miika jawan mang!

2 Corinthians 12:13

Ngi raq namshiq ka, nanok Phungtu ahinti thaq na achan jamlai no haihii kang? Ngi raq namshiq jaq wa, i jaq sham wan kang kra, jaq maq kampho jaü mang dea, jiq rai kang kriili. Ngi raq kra namshiq haihü rat kang mra ka tsan na naq tiitsang rongkiq. Ümchaü min, kra i mra ka adiili she riikuq rong laq!

1 Thessalonians 2:9

Phunainotiim lei! Naishiq raq namshiq tiichhanchhi wan miitu, itinkhan ranaiq rawa, japhü wasü hunnii kai irka, ümchaü namshiq tsan na asi li ahiq! Naishiq raq Shiikeawe Tsütsa Ahea ka namshiq ma chongke lam maq, naishiq raq ranaiq rawa jaqsham laita sikai. Laita naishiq raq namshiq ka jam min süpsi mai maq, jaqshamkai.

1 Thessalonians 4:11

Ümchaü sanha, saksi minmi maq singa rilung kli she, maiqmii tsan mong na hang lanta, si ronglaq. Lanta, maiqmii raq jamlai minshiiq phaq chang wa sitlaq, kra shiiq lantli, wok phetak tak maq, shongnga ronglaq. Arka, naishiq raq man niimin, namshiq ma phanchan kuq kai.