Acts 18:21 - ASII LAKDAP Bible (BSI)

²¹ Shatmaq apaiq raq akaiho ma, tsangshiq ma bom ka akha ngutli she chongkuq thiito, “Arka Shiikeawe raq thili. Apaiq raq thi raüka, ngi ka namshiq phana hali mijang wa nong kang.” Kra bomthü raütiishe, apaiq ka Ephisia maq laijong na diito. Raüta kihoto.

Hawa Naga Bible 2001

²¹ “Tishox thuinroc httax ruiux yuq nuimshiq kox nuex ngaz yek waung yek raungx,” ngoz tueq jungx kuy lot yix, Ephesu maq lix maq kaz wvnc tueq.

Muklom

²¹ Piq ning rel wang jol chuwang ma angta tho ning ma batta, “Shkewa nuk ajo nga nim rel náng wey thok ang phanáng.” Ethi jio Ephesus wang waqwan o jol chuwang ta.

Acts 18:21 Referencias Cruzadas

Matthew 26:39

Kra ngu raütiishe, apaiq ka phanshi kongkhu linlin na wa raüta, hiq na bumtlii maq akha achu jaüto, “I We le, mai tlaq jiila ara chamchao kok arka i khum arwa alam riibaiq laq! Shatmaq arka ngi raq tiima tiikang kra thaq na seng raüta riimak. Shatmaq ümniiraq jamkho tiima tlaü kra thaq na seng laüta tiihong laq.”

Mark 6:46

Mungmaiqse tiiwa lot jai she, apaiq ka hiqlam ashi na achu jaüwa wawanto.

Luke 9:61

Kiimahali, maiq weshi raq, “Tatiwe, ngi raq ümjai miphan kang. Shatmaq, kongkhu na, i jamti rai kiim riiphea bom kra chongkuq ki pha shaq,” nguta apaiq ma chongto.

Acts 15:29

Sumla phra noq ma akuq aphaq asea chang phan ka naq phaq siq rongkiq she. Kiimaq, ngam tiijai kiimin naq phaq siq rongkiq she. Kiimaq abuq na atiishak, tiijai tiidong baiqhü maq atsat ngam ka naq phaq siq rongkiq she. Kiimaq sethoq sepii ngarai naq tang rongkiq she. Arthun ara namshiq raq pen wan han jiika, namshiq ma ahea miraq. Naishiq raq namshiq miitu phumram khamkok toshat.”

Acts 18:19

Raütiishe, kiimaq laijong maq kiho nong raüta hali, tsangshiq ka Ephisia niishe saü hoto. Raüta, Paul raq Prisila nai Akoila ka kiijiili she baiqthüto. Kiijaq apaiq ka sinagok na kiraüta Jehudinok rai traho bomtsi kra chongkuq wan nong raüta, riiphan chan nongto.

Acts 18:20

Kiiwa phunainotiim raq apaiq ka rahiq ashaqpuq khingthü laq nguta tiiwinto. Shatmaq, apaiq ka rahiq alu ka khinglot mak she riito.

Acts 18:24

Kra bala Jehudi we weshi, amang min Apolo nguta kriiwe ka Ephisia na wato. Apaiq rawüchhi chang hiqshong ka Alekjendria chela. Apaiq ka bom chongke na tsüwe tsitwe ashi. Kiimaq apaiq raq Asii Bomtsi ka tiitho tiipha asap wiq riito.

Acts 19:1

Apolo ka Korin na sishon, Paul ka Galatia nai Phrigia wang na wawanto. Raüta wangmong binjü thun ka wiita khonli khum wanto. Raüta Ephisia niishe saü wanto. Kiijaq Paul raq Phung maiqsetiim wiijamti riihumto.

Acts 19:17

Ephisia na siti Jehudinok mungmaiqse wiita raq, kiimaq Pongnok phan mungmaiqse wiita raq ara tsütsa ka ratsa ikhiishe taito. Kra tai raütiishe, tsangshiq tarü ka phiip raq tsaito. Kiimaq Tati Jesuq mang ka kai shreng wanto.

Acts 19:21

Riita arthun sham akai ara kun wan lot jai niishe, Asii Wenyi raq shun shea kha maq, Paul raq kaisia walam miitu bom ka, Mesidonia wang nai Akaia wang binjü maq riita Jerusalem nü niishe miwa wan ha nguta, atsan tsii ka atiinyi wan wishe riito. Krai mren, apaiq raq akha nguto, “Ngi raq arthun maiq mung arjaq wawan jai she ka, ngi ka, Rom chela niimin waraa dongdii she miraq,” ngutiishe apaiq traho bomchong wanhiq khumshiim lam kra thapthi wanto.

Acts 20:16

Paul raq Asia wang na rahiq ka alu tiicha mang she nguta apaiq kaisia walam bomtsi ka athapthi wan kun she riito. Kra ngo kha maq, apaiq raq Ephisia chela ka ashüp raütli she kaiho nguta thito. Apaiq ka Jerusalem na saüho tlo raüta, mairaü la Raroq Biingi Poi ka lomho dam ma nguta, ataü laü she riito.

Acts 21:14

Riita, naishiq raq apaiq ka tiiwinlot mai she kha maq, atei she riikai. Laita, ikhiijiika, “Tatiwe raq jamlai phan wa thapthi tlaq, kriili she dea mihong tha laq,” ngutli she bom ka shat kai.

Acts 21:29

(Tsangshiq raq Trophimas ka Paul rai chela na akhum dam chhito. Trophimas ka Ephisia chela na siti riito. Kiimaq tsangshiq raq tiima ka Paul raq apaiq kiimin Shomjam mong na shea wan damto sham nguta tiimato.)

Romans 1:10

namshiq miitu min achu jaükuq tiikang kriika Shiikeawe raq asap. Ngi raq Shiikeawe ma tiitai wan kla, apaiq raq ahea nguta thimi tlaq jiika, ümchaü lak niika, ngi namshiq phana haisea wadam miitu, akhing mikuq ahiq nguta riichopi tiikang.

Romans 15:32

Riita, kra jaqsham kun jai she, Shiikeawe raq arka thuktlo dea nguta thapthi raüla, ngi ka chojong chise maq, namshiq phana misaü wan ha ahiq nguta tiima tiikang. Lata, namshiq rai tsailam jilam, khoqriiq shishiiq maq heashi haisea wan nguta tiima tiikang.

1 Corinthians 15:32

Riita ngi raq ara Ephisia chela maq “Chiq jong liiha” rai wiita riikhat wankang kriika miinan han-ngam khushü jong miituli dea riikhat wan kang jiika, ngi ma jamlai liip apha dong chang wa sitliita? Shatmaq maiq ka amaa wa atra dong wanlot mak she dea nguta ngutlaq kra tengteng dea ngu raü jiika, arjaq bom tiihap wan tlaq, “Ai atra sitiikai bala, phaq asea chamtraq butja maq phaqsiq wan lili laitli polosiq rong i. Nashiq ka anap ranaiq wa tsaiki tiikai riila” ngutlaq kriidea miteng wa.

1 Corinthians 16:7

Ngi ka namshiq rai lamlea lam miili ka riimak. Shatmaq Tatiwe raq tiihongkuq raüla, samhea adam na chap nga wan rotiikang.

1 Corinthians 16:8

Ngi ka ümchaü arjaq Ephisia chela niili misiha. Raroqbiingi Poi na saüli misiha.

1 Corinthians 4:19

Ahea na, Shiikeawe raq ngi ma lungwii tlaq jiika, ngi ka namshiq phana jaqlo maq saü wan miitu akhing mikuq. Lata kra saü wan tiikang akhing niishetiq, I mak maq kiijaq kamasham na ningkun ajong rümti welabi nguta shiikong rai tlaqti kra milii waha. Tsangshiq raq ngi ma kamasham ningkun ka jaqsham maq tiichhike chang miraq.

2 Corinthians 13:11

Riita, ümchaü sanha, phunainotiim lei, awashejo! Minhap jawan miitu shiichaq ronglaq; ngi tiipaiqnea bom kra tai ronglaq; ari aram maq si ronglaq; hansang maq si ronglaq. Kiimaq lungwii Shiikeawe kiimaq khusang ka namshiq ma misilaq.

Ephesians 1:1

Ngi, Paul, Shiikeawe raq thapthi raüta Jesuq Khristo kiimwe ma ashong wan we raq-- Shiikeawe sengi Ephisia na siti ma, juwa Jesuq Khristo rai pumshi maq tsapkapkap sitibi ma waitiikang:

TRI CHONGKE 16:1

Mosheq raq Israilnok ma nguto, “Tatiwe üm Shiikeawe ka Tiichhiiwan Poi ka Abib jipi lü na lang laüta shrenglaq. Kra jipi lü na rawa shi akhing na apaiq raq nashiq ka Ejip mungwa tiichhii kuq wanto.

Hebrews 6:3

Nashiq ka arthun ara lea wan kai she. Ümchaü sanha, wenyi na maiqla she jawan rong phiina! Shiikeawe raq lam dikuq raü jiika, nashiq ka sinkhu na wawan ruq mijong luwan rong i!

James 4:15

Namshiq riika akha ngutli riibom han chang: “Tatiwe raq thikuq raüta, atra sihai jiika, apaiq wokhong maq, nashiq raq phanshi ra miklo rong i ahiq, nguta tiima laita sitiikai.”

1 Peter 3:17

Shiikeawe riidea thimi hotaq jiika, abi jaqsham kha na chamchao rai nam miika, ahea awa jaqsham raüta chamchao riiwe ka achu shiiman jonghea.

Revelation 1:11

Kra maiq bom raq chongto, “Ümniiraq jamlai wa chhi tlaü kra waiq thü laq. Laüta, kra lakdap ka ara chela miishi na, phungtuti sitlaq kiima tiiho wan laq. Ara chela miishi thun ka ara: Ephisia, Smarna, Pargamum, Thiatira, Sardis, Philadalphia kiimaq Laodesia.”

Revelation 2:1

“Ephisia na phungtu sitlaq kra liiti rase ma ara waiq laq: “Ara tsütsa arka raiqsaiqpo miishi, ajaq jaqtsi nü na sham raüta, chaq lem kham miishi mong na khumti we raq atiiwan.