Acts 18:12 - ASII LAKDAP Bible (BSI)

¹² Arjai maq, Roman Hokham we raq Gallio ka Akaia wang na wanghupti we ma shongto. Kra akhing niishe Jehudinok ka adam na kiq ri raüta, Paul ka long wanto. Raüta, wanghuptiwe rung na shea wanto.

Hawa Naga Bible 2001

¹² Gallio kuex Akaia mungx nuex mungx walaungx yaungx tueq nuex, Yuda miqsaz htenc rvtuimx ruiux Polu kuex lvp vtueq tvrac rungx nuex het shvlx wvnc tueq.

Muklom

¹² Baluk o Gallio sha Achaia haq ma Rome governor angta tho eshiwang Jehudi tang thajoq eq Paul tha khim eq khaphung him náng solkat ta.

Acts 18:12 Referencias Cruzadas

Matthew 27:19

Pilat ka Rung na khapho ngashat liipan na, tsang-nyung raq apaiq ma bom poshi, “Apaiq ka chiisan maiqse. Jam shutmak we. Ümniika kiq naq shut kiq liijo. Apaiq ara tingkhu na ngi ümwa rawa minru rawa ma maq pinthum chamchao kang,” nguta bom ka tiichong kito.

John 19:13

Pilat raq kra bom ka tai raütiishe, Jesuq ka kinphai na tiisheaho nongto. Raüta, apaiq ka phowe ngachang, “Longkaü damsii” ngutlaq kiijiishe ngato. (Hibru bom maq kra mang ka “Gabbatha” ngutlo.)

Acts 13:12

Kra chhi raütiishe, Wanghupti we ka Shiikeawe ma kamwanto. Apaiq raq Tatiwe tsütsa bom chongke kra chhi tai raüta, pinthum amao riito.

Acts 13:50

Shatmaq, Jehudinok raq kra chela na siti shiilangbi nai Pongnok phan maiqse wa maiq wiijamti jechakre ajong alabi nyungre, Shiikeawe shomnoq wantibi thun kriima raikao tatto. Raüta, tsangshiq raq Paul nai Barnabas kriishe tiichamchao wanto. Raüta, tsangnai ka kra chela wa maiqhiq ahin niishe jobaiqto.

Acts 13:7

Apaiq ka khamjong mung hiq rümti wanghupti we Sargias Paulas kongti we. Sargias Paulas ka phaqchi maiqse. Wanghupti we raq Shiikeawe bomtsi kra tai ma nguta, Barnabas nai Saul ka apaiq jam na tiihea kito.

Acts 13:8

Shatmaq, tsangshiq bomchong ka mintin we Elmas (Bar Jesuq ka Grik mang maq Elmas ngutlo) raq wanghupti we ka Jesuq ma kamwan wa shang baiq hajaq nguta tiibanbito.

Acts 14:19

Kra akhing na, Pisidia wang wa Antiok chela na siti nai Ikoniam chela na siti Jehudinok maiq wiijamti raq, Paul nai Barnabas ka kiijaq hali johoto nongto. Raüta, tsangshiq raq mungmaiqse ka tsangshiq bom niishe hali shiijon nongto. Raütiishe, tsangshiq raq Paul ka long maq tiitiiq baiqto. Raüta apaiq ka tsaikito she sham nguta tiima raüta, chela phai niishe hitthü baiq kito.

Acts 14:2

Shatmaq, Jehudinok phong wa maiq wiijamti Jesuq ma kamwan makti raq, Pongnok phan maiqse ma raikao tat raüta, phungmaiqsetiim khuthaq na tiishuk shaqto.

Acts 17:13

Shatmaq, Thesalonia na siti Jehudinok raq Paul ka Berea niimin Shiikeawe bomtsi ka chongkuq hoto nguta tsütsa ka tai raüta, tsangshiq raq kiijaq hali kinong raüta, mungmaiqse ka shukshaq wan raüta, tiishai baiq nongto. Raüta tatso hali niq nongto.

Acts 17:5

Shatmaq, Jehudinok raq kra chhi raüta, Paul nai Silas ma ransu ranchang she khiq wanto. Tsangshiq makshu tsi ka nin lot mak she kha maq, tsangshiq raq mangtang maiqse kong pahea pantlat na haiseati kong kra thun ka adam na tiithung raütiishe, tsangshiq min nong shnong miishe, tatso wiinyi makjaq kharong riinam nam she gitrang wanto. Tsangshiq raq chela na siti mungmaiqse thun wiita she tiibrak shaq baiqto. Raüta, Paul nai Silas ka lap raüta, mungmaiqse rung na tiichap wan haijaq nguta, tsangnai rit lam maq, maiq weshi amang min Jason nguta kriiwe jam kriishe long wanto.

Acts 18:11

Krai mren she, Paul ka Korin chela na wiishi ri wiithiq sito. Raüta, kiijaq siti mungmaiqse ma Shiikeawe tsütsa kra shrinkuqto.

Acts 18:27

Ephisia na trahokuqlot raütiishe, Apolo raq apaiq ka Akaia wang na wachang nguta thapthito. Krai mren she, Ephisia na siti phunainotiim raq Akaia wangti phunainotiim ma, apaiq ka samheawiq maq tao wan raü jaq ahea miraq nguta, lak ashi waiq raüta tiiho wanto. Apaiq ka Akaia wang na saü wan raütiishe, kiijaq siti Shiikeawe lungwiitsii wokhong maq Jesuq ma kamwantiiti ma jaqsham jonghea khrum kuq wanto.

Acts 19:21

Riita arthun sham akai ara kun wan lot jai niishe, Asii Wenyi raq shun shea kha maq, Paul raq kaisia walam miitu bom ka, Mesidonia wang nai Akaia wang binjü maq riita Jerusalem nü niishe miwa wan ha nguta, atsan tsii ka atiinyi wan wishe riito. Krai mren, apaiq raq akha nguto, “Ngi raq arthun maiq mung arjaq wawan jai she ka, ngi ka, Rom chela niimin waraa dongdii she miraq,” ngutiishe apaiq traho bomchong wanhiq khumshiim lam kra thapthi wanto.

Acts 25:10

Kiijiishe, Paul raq treto, “Ngi arka Roman Hokham we Rung na chap tiikang. Kra rung kiijiitiq i kha ara pho chang. Ara jamkhano ngutiikang ngukla, ngi raq Jehudinok ma jamlai min shutphit mang dea. Arka ümniiriimin asap haü.

Romans 15:26

Arka Mesidonia nai Akaia wang na siti phungtuti thun raq, tsangshiq maiqmii tsiitsii maq, khoqriiq shishiiq maq, Jerusalem na siti Shiikeawe setiim liipan na, miitsan miijan maiqse sitlaq kra khrumke miitu, alu ahi kongphiq.

Romans 16:5

Kiimaq tsangshiq jam na noqku wantlaq phungtuti miimin salam tiitai tiikang. Ngi ma lungwii phuno we Epanitas miimin salam tiitai tiikang. Apaiq ka Asia wang wa apha shaq shaq Phung na shang wanti.

1 Corinthians 16:15

Namshiq raq Stephanas nai apaiq jamti thun ka asap han. Tsangshiq ka Akaia wang wa Phung na shang wan phati. Kiimaq tsangshiq raq tsangshiq khum ka kunli Shiikeawe ma apkuq raüta, Shiikeawe sengi sitlaq kra shiikum pan tiichhan chhi kuq tlo. Phunainotiim lei, ngi raq namshiq ma tiipaiqnea tiikang,

2 Corinthians 1:1

Ngi, Paul, Khristo Jesuq kiimwe, Shiikeawe raq thapthi raüta ashong nai naphuno we Timothi raq-- Korin chela na siti Shiikeawe Phungtuti ma, kiimaq Shiikeawe sengi Akaia wangti tlotli ma:

2 Corinthians 11:10

Jesuq Khristo raq jamlai wa chongtlaq, kriika tengteng. Kiikhiisii ngi riimin jamlai wa bom tiikang kriika, tengteng bomtsi kli bom tiikang. Ara ngi tiishomra bom rai tiikang arka, Akaia wang kunli ti raq, jurmin arot chongtlo nguta ngulot mak.

2 Corinthians 11:26

Ngi ümtinkhan wa, Shiikeawe jaqsham nguta khum wan kang na, jang pahea jüchhang lamtang mong maq lea wan kang. Kiimaq thiimeaq daku rai riihum wan kang. Kiimaq maiqmii nok Jehudinok raq, kiimaq Pongnok phan maiqse raq ümtinkhan wa, atsea ataa ma tankhan wanto. Kiimaq ümtinkhan wa, tsaija chhunja tiichamchao wanto. Lea wan kang akhing na, chela rap na, rum-nyangkhi na, kiimaq sammoktra jü thaq maq, kiimaq joksaü liiqse kongtibi jaq na, ngi ümtinkhan wa riitsi tsaitsiiq, chamchao litkot wa mong maq lea wan kang.

2 Corinthians 9:2

Ngi raq namshiq ka, tsangshiq khrumke miitu tiijeshat maq sitlan ngutiika asapha she. Kiimaq ngi raq, namshiq tsa ka Mesidonia wang na sitibi Phungmaiqsetiim phong na, ümchuwa tiishomrasiq kang kriika, tsangshiq raq sapshat she. Ngi raq namshiq ka, “Akaia wang na siti phunainotiim riika, namwii miiphü she, Judia wangti Phungmaiqsetiim khrumke miitu, tiijeshat maq sitlo” nguta tsangshiq ma chong kang she. Namshiq raq tsangshiq khrumke miitu, khoqriiqkhiq maq tiije tlo nguta tai raüta, tsangshiq tarü ka, tsan achhü maq siwanto.

1 Thessalonians 2:14

Phunainotiim lei, Judia wang na siti Phungmaiqsetiim, Jesuq Khristo riishe nguta sitlaqti ma jamlai chamchao wa saü wantaq, kriika namshiq miimin hali saü wanto. Tsangshiq ka Jehudinok raq tiichamchao wanto. Kiikhiisii hali, namshiq ka namshiq maiqmii mungti raq tiichamchao wanto.

1 Thessalonians 2:16

Tsangshiq raq naishiq ka, Tsütsa Ahea ka Pongnok phan ma tiichhii wan rilung lap chang bomtsi ara chongke wan kiimin, wiita tangta baiq lai nguta kintangto. Shatmaq, tangta wan lot mak dea riito. Tsangshiq raq atinkhan ngarai tang wantaq kriikha maq, tsangshiq ka ümchaü sanha ngarai bu hotibi miishe jawan tlo. Arkha maq ümchaü atiisup wan na sanha, Shiikeawe tsankhiq ka tsangshiq khuthaq niishe saükito!

James 2:6

Namshiq riitiq nya, miitsan maiqse angu ka, ashummii riiho! Rung awang na namshiq hit-rottibi thun ka juwiita? Chiithe maiqse raq riimak sha!